Տոլմաչեւ քույրերը չեն հրավիրվել Երեւանում կայանալիք «Մանկական Եվրատեսիլ» երգի մրցույթին

Ռուս երգչուհիներ Անաստասիա եւ Մարիա Տոլմաչեւները՝ «Մանկական Եվրատեսիլ 2006» երգի մրցույթի հաղթողները, 2022 թվականին Երեւանում կայանալիք մրցույթին չեն հրավիրվել։ Այս մասին հայտնում է РИА Новости-ն՝ հղում կատարելով արտիստուհիների տնօրեն Սերգեյ Մասլովին։

Մասլովի խոսքով՝ հրավեր չի ստացվել։ «Մենք նույնիսկ չգիտեինք այդ մասին։ Մենք պատրաստ ենք քննարկել այդ առաջարկը, բայց առայժմ խոսելու ոչինչ չկա»,- ասել է Մասլովը։

Հայտնի է, որ 2022 շոուի կազմակերպիչները դեկտեմբերին հայտարարել էին մրցույթի բոլոր հաղթողներին Երեւան հրավիրելու մասին։ Հայտնի չէ՝ հրավիրվածները որպես պատվավոր հյուրեր են լինելու, թե նաեւ ելույթ են ունենալու։ Բոլոր հաղթողների մասնակցությամբ համարը ցուցադրվել է 2010 թվականին Մինսկում, երբ Տոլմաչեւ քույրերը կատարել են իրենց հաղթական երգը

Ռուսաստանը չի մասնակցի «Մանկական Եվրատեսիլ 2022»-ին, քանի որ Եվրոպական հեռարձակողների միության անդամ ռուսական ալիքները լքել են կազմակերպությունն այն բանից հետո, երբ EBU-ն արգելեց ռուս մասնակիցներին ներկայանալ մեծահասակների մրցույթին՝ Ուկրաինայում Ռուսաստանի հատուկ գործողության պատճառով։

Ռուսաստանը «Մանկական Եվրատեսիլ» երգի մրցույթին մասնակցում է 2005 թվականից եւ երկու անգամ հաղթել՝ 2006 եւ 2017 թվականներին։

Այս թեմայով «Պատանի երաժիշտների Եվրատեսիլ» մրցույթում Հայաստանը ներկայացնի Հայկ Հեքեքյանը Նիդերլանդներում կոչ են արել բոյկոտել «Եվրատեսիլը» «Լադանիվա»-ն Եվրատեսիլի երկրորդ կիսաեզրափակչում ելույթ կունենա 8-րդ համարի ներքո Ըստ հարցումների՝ «Եվրատեսիլ-2024»-ում հաղթելու է Խորվաթիան. Հայաստանը տասնյակի մեջ չի մտնում «Լադանիվա» խմբի «Ժակո» տեսահոլովակի նկարահանումների բեքսթեյջը (լուսանկարներ) «Լադանիվա»-ի «Եվրատեսիլ 2024»-ի երգն ու տեսահոլովակն արդեն հասանելի են Հայաստանը «Եվրատեսիլ 2024»-ում կներկայացնի «Լադանիվա» խումբը Իսրայելը կփոխի «Եվրատեսիլ 2024»-ի երգի տեքստը Ռումինիան չի մասնակցի «Եվրատեսիլ 2024»-ին Հայաստանը 2024 թվականին մասնակցելու է «Պատանի երաժիշտների Եվրատեսիլ»-ին