«Ֆեյսբուք»-ը նոյեմբերի 1-ից սահմանափակել է ֆիզիկական անձանց կողմից դրամահավաք կազմակերպելու հնարավորությունները

 Խնդրահարույց համարելով ֆիզիկական անձանց նախաձեռնած դրամահավաքները՝ «Ֆեյսբուք»-ը իր հարթակում նոյեմբերի 1-ից սահմանափակել է դրամահավաք կազմակերպելու հնարավորությունները: «Արմենպրես»-ի հետ զրույցում՝ տեղեկատվական անվտանգության մասնագետ, մեդիափորձագետ Սամվել Մարտիրոսյանը նշեց՝ հարթակը խնդիրներ է տեսել ֆիզիկական անձանց նախաձեռնած  դրամահավաքները վերահսկելու գործում: 

«Հարթակը չի ուզում պատասխանատվություն կրել ֆիզիկական անձանց համար: Եթե դրամահավաքն իրականացնում է կազմակերպությունը, ապա ինչ-որ չափով «Ֆեյսբուք»-ը հրաժարվում է պատասխանատվությունից՝ այն թողնելով կազմակերպության վրա: Այս միջոցով վերահսկումն ավելի լավ է ստացվելու»,- նշեց Մարտիրոսյանը: 

Հայաստանում «Ֆեյսբուք»-ի հարթակում դրամահավաքներ են իրականացվում հիմնականում բարեգործական, առողջապահական և ռազմական նպատակներով:  Մասնագետի համոզմամբ՝ Հայաստանը դրամահավաքներ իրականացնելու այլ հարթակներ ունի, սակայն դրանք հանրությանն ավելի հասանելի դարձնելու ու զարգացնելու կարիք կա: 

««Ֆեյսբուք»-ի հնարավորություններն ունեցող այլընտրանքային հարթակ այս պահին չկա: Բայց ամեն դեպքում պետք է մտածել սեփական հարթակների զարգացման մասին»,- ասաց Մարտիրոսյանը:

«Ֆեյսբուք»-ի հարթակում մի քանի խոշոր դրամահավաք կազմակերպած «Ստարտափ Արմենիա» հիմնադրամի տնօրեն Արսեն Հարությունյանը ընդգծում  է՝ ֆեյսբուքյան դրամահավաքները հատկապես  մեծ թափ ստացան 44-օրյա պատերազմից հետո:  Հարթակը հարմար էր արագ դրամահավաք կազմակերպելու համար: 

«Դեռևս 2020 թվականի մարտից՝ նախքան Արցախյան վերջին պատերազմը, «Ստարտափ Արմենիա» հիմնադրամը սկսեց բանակցել աշխարհում առաջատար դրոնաշինական ընկերության՝ DJI-ի հետ, որպեսզի կարողանա Հայաստան ներմուծել նրա առաջատար STEAM կրթության ժամանակակից լուծումները։ Դրա համար հարթակում դրամահավաք կազմակերպեցինք: Երկրորդ դրամահավաքը Կարեն Վարդանյանի անվան «դրոնների օդանավակայան» կառուցելու նպատակով էր: Հետագայում ավելի փոքր ծավալի դրամահավաքներ ենք կազմակերպել»,- պատմեց նա: 

Վերջինս նշեց՝ սահմանափակման հետևանքով հետաքրքիր նախագծերին և ծրագրերին արագ արձագանքել չի հաջողվի. դրամահավաքների գործընթացը դանդաղելու է:  

Չնայած առկա խնդիրներին՝ «ռեԱրմենիա» հարթակն առաջարկում է այլընտրանք՝ հնարավորություն տալով այս կամ այն ծրագրի վերաբերյալ դրամահավաքները իրականացնել իրենց օգնությամբ: «Ֆեյսբուք»-ի սահմանափակումները ստիպել են վերակազմակերպել ընկերության գործիքակազմը:   

«Մշակել ենք հեշտացված ընթացակարգ այն անձանց համար, ովքեր դրամահավաքներն իրականացնում էին «Ֆեյսբուք»-ում: Նախագիծը մանրամասն ուսումնասիրելուց հետո եռօրյա ժամկետում հաստատում ենք այն: Եթե «Ֆեյսբուք»-ը այս կամ այն նախագծի դրամահավաքից միջնորդավճար էր պահանջում, ապա մեր հարթակում հավաքված ողջ գումարը մնում է նախագծին»,- նշեց «ռեԱրմենիա» հարթակի գործառնական տնօրեն Արտակ Գրիգորյանը: 

Հարթակը եռալեզու է, նախագծի հաստատումից հետո դրա հեղինակի կամ հեղինակների հետ աշխատում է կազմակերպության  կողմից նշանակված անձը, ով համակարգում, վերահսկում է նախագիծը և ամբողջ  պրոցեսը: 

Այս թեմայով ԼՂ-ից տեղահանված անձանց ֆինանսական աջակցության համար պետբյուջեից ավելի քան 48 մլրդ դրամ կհատկացվի Հայաստանը իշխանությունը դարձնելու է «քպ-ստան», եթե ժողովրդի կողմից ընդզվում չեղավ. Արծվիկ Մինասյան ՄԻՊ ներկայացուցիչները մեկնել են Ոստիկանության Իջևանի բաժին՝ բերման ենթարկված անձանց տեսակցելու Սույն անձն ունի 24 ժամ՝ իր կողմից տարածած ակնհայտ սուտ տեղեկատվության հերքման և զրպարտության համար ներողության հայցման համար Ինքնաշխատ նոր համակարգի միջոցով 20 534 ֆիզիկական անձի վերադարձվել է 647,5 մլն դրամ սոցիալական վճար. ՊԵԿ Իմ դեմ արշավ է իրականացվել «արևմտամետի» անվան տակ՝ Թուրքիայի և Ադրբեջանի գործակալական ցանցի կողմից. Մարուքյան ԱՄՆ-ն մերժում է ՀՀ-ի դիմումներն անձանց արտահանձնելու վերաբերյալ, չկա երկկողմ պայմանագիր․ գլխավոր դատախազ Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը ՄԻՊ արագ արձագանքման խումբը մեկնել է Նոյեմբերյանում բերման ենթարկված անձանց տեսակցելու Սա երբևէ ամենախայտառակ տեքստն էր Ցեղասպանության օրվա առթիվ` արված Հայաստանի ղեկավարի կողմից. թուրքագետ