Վստահեցնում եմ՝ Ալիևը ելույթներով չի սահմանափակվելու, նա ակնհայտ գնալու է լարման. ադրբեջանագետ

Իրականում, ի գիտություն Փաշինյանի` ասեմ, որ Ադրբեջանի այս գործելաոճը շարունակվում է արդեն տևական ժամանակ, ուստի չարժեր այսքան սպասել նման ելույթով հանդես գալու համար։ Տելեգրամյան իր ալիքում նման դիտարկում է արել ադրբեջանագետ Տաթևիկ Հայրապետյանը՝ անդրադառնալով Փաշինյանի այսօրվա ելույթին։

«Պետք է նշեմ, որ Նիկոլ Փաշինյանի այսօրվա ելույթը այն հազվադեպ ելույթներից էր, որը հատուկ է պետության ղեկավարին և ոչ թե կուսակցական գործչին կամ ընդդիմության դեմ պայքարողին: Կառավարության նիստի ժամանակ հնչած ելույթն այն հազվադեպ դեպքերից էր, որ կարևոր արձանագրումներ էին արվում, այդ թվում՝ արցախահայության ֆիզիկական ոչնչացման սպառնալիքների և ՀՀ–ի դեմ տարածքային նկրտումների մասով: Ուշագրավն այն է, որ հենց իր ելույթում Փաշինյանը շեշտում է.

«Այս ամենի մասին առաջին անգամ եմ խոսում այսքան մանրամասն և այսքան մանրամասն խոսում եմ, որովհետև տեսնում եմ, որ Ադրբեջանն ուխտադրուժ իր գործելակերպը փորձ է անում վերագրել Հայաստանին»: Իրականում, ի գիտություն Փաշինյանի` ասեմ, որ Ադրբեջանի այս գործելաոճը շարունակվում է արդեն տևական ժամանակ, ուստի չարժեր այսքան սպասել նման ելույթով հանդես գալու համար:

Ավելին, չարժեր ժամանակին «հայելային հետքաշման», «նշաձողի իջեցման» և Մադրիդյան սկզբունքներով «Արցախն Ադրբեջանի մաս դարձնելու» մասին վտանգավոր ու սխալ շեշտադրումներ անել, որոնցից մենք միայն տուժել ենք, իսկ Ադրբեջանը՝ շահել՝ դարձնելով դրանք գործիք իր քարոզչամեքենայի համար: Արժեր նաև սեփական թիմակիցներին թույլ չտալ անելու հայտարարություններ, ինչպիսիք են համակեցության վտանգավոր քարոզը, առաջին պատերազմին տված «հողահավաք» բնորոշումները և այլ ձևակերպումներ, որոնց հիշատակումն ինքնին արդեն խնդրահարույց է և ամոթալի: Շատ կուզեի, որ Նիկոլ Փաշինյանը միշտ թղթով կարդար ելույթները, չխոսեր սպոնտան և անհավասարակշռված, Հայաստանը չանվաներ «ամորֆ» տարածք, Արցախն էլ՝ Ադրբեջանի տարածք, իսկ նրա ելույթներն էլ պատրաստեին պրոֆեսիոնալ մարդիկ:

Եթե այդպես լիներ, մենք շատ հարցերում կունենայինք այլ իրավիճակ: Բայց նաև շեշտենք, որ ելույթը քիչ է, դրան պետք է հաջորդեն համարժեք քայլեր, որպեսզի հնչած մարտահրավերներին կարողանանք դիմակայել: Վստահեցնում եմ՝ Ալիևը ելույթներով չի սահմանափակվելու, նա ակնհայտ գնալու է լարման, այսօրվա դեպքը՝ հայ զինվորի ծանր վիրավորման հետ կապված, ևս մեկ անգամ դա է փաստում»,-գրել է նա։

Այս թեմայով Ալիևը լուրջ մարդ է, իր երկրի շահերն է առաջ տանում, նա Բաքվից կորոշի՝ հայը տաք ջուր ունենա, թե՞ ոչ «Ախպեր, իմ հող ու ջրի վրա քայլում եմ, չեք թողում», «Սա մեր հայրենիքն ա, չենք գնալու». լարված վիճակ (տեսանյութ) Ղրղզստանի նախագահն ու Ալիևը կայցելեն օկուպացված Արցախ Ալիևը մինչև նոյեմբեր լիովին իրատեսական է համարում Հայաստանի հետ խաղաղության համաձայնագրի կնքումը Ալիևը Զելենսկիին հրավիրել է Բաքու Ալիևը ժամանել է Մոսկվա Ովքեր և ինչու ողջունեցին կամ չողջունեցին Տավուշում Հայաստանի կողմից զիջումների գնալու որոշումը. Անդրանիկ Թեւանյան Ալիևը Արայիկի միջոցով Նիկոլի վրա խոշոր կոմպրոմատ է ստացել (տեսանյութ) Մայիսի 20-ից Վրաստան ենք գնալու Ադրբեջանի միջով. նոր քարտեզ սահմանազատումից հետո Պուտինն ու Ալիևը ապրիլի 22-ին Մոսկվայում բանակցություններ կանցկացնեն