Կոտայքի մարզում Toyota-ն բախվել է խոտով բարձված Зил-ին․ կա վիրավոր

Այսօր՝ նոյեմբերի 21-ին, արտակարգ դեպք է տեղի ունեցել Կոտայքի մարզում։ Ժամը 00։15-ի սահմաններում Երևանի բնակիչ 53-ամյա Առնո Բագրատունին իր վարած Toyota մակնիշի 01 AR 333 համարանիշի ավտոմեքենայով Երևան-Սևան ավտոճանապարհի 22 կմ հատվածում, դեպի Երևան ընթանալիս, բախվել է ճանապարհի թույլատրելի աջակողմյան հատվածում կայանված Գեղարքունիքի մարզի բնակիչ 32-ամյա Ալեքսանդր Ղուկասյանին պատկանող GAZ 53 մակնիշի ավտոմեքենային ամրացված խոտով բարձված կցորդիչին։ Այս մասին հայտնում է shamshyan.com-ը։

Վթարի հետևանքով Toyota-ի ուղևոր՝ Երևանի բնակիչ 64-ամյա Ս․ Ղ-ն  մարմնական վնասվածքով տեափոխվել է «Աբովյան» բժշկական կենտրոն։

Բախման հետևանքով կցորդիչի վրա բարձված մոտ 1 տոննա խոտը թափվել է, լցվելով ճանապարհի երթևեկելի գոտում, իսկ Toyota-ն էլ բախման հետևանքով մասամբ հայտնվել է ճանապարհի մեջտեղում։

Ըստ նախնական տեղեկությունների՝ վթարի պատճառը եղել է Mercedes  մակնիշի ավտոմեքենայի կողմից Toyota-ի վարորդի համար վթարային իրավիճակ ստեղծելը, որից հետո Mercedes-ի վարորդը դեպքի վայրից հեռացել է։ 

Դեպքի վայր էր ժամանել Toyota-ի վարորդի ազգականներից մեկը, ով փորձում էր մեղադրել Зил-ի վարորդին, թե նա է մեղավոր, որ մեքենան սխալ տեղ  է կայանել։ Երբ նրան հայտնեցինք, որ իր տեսակետի հետ համամիտ չենք, սկսեց անհոդաբաշխ, քթի տակ ինչ-որ բառեր արտահայտել, ապա խոչընդոտում էր նկարահանումները։ Ու երբ իմացավ, որ իր արարքի համար ահազանգել ենք ՀՀ ոստիկանության օպերատիվ կառավարման կենտրոն, ռուսական համարանիշներով ավտոմեքենայով ճողոպրեց։ Երևի՝ տեղեկացավ, որ ոստիկանությունը ժամանում է։

Եթե մինչ այդ առյուծ էր կտրում, դարձավ խոնարհ հարս ու փախավ դեպքի վայրից։  Վթարի փաստով Հայաստանի քննչական կոմիտեի Կոտայքի մարզային քննչական վարչությունում  նախաձեռնվել է վարույթ։  

Այս թեմայով Կոտայքի ոստիկանապետի դեմ իրավական գործընթաց պետք է սկսել․ պատգամավոր Ավտովթար՝ Կոտայքի մարզում. Նոր Գեղիում բախվել են «Mercedes»-ը, «06»-ն ու տրակտորը Հայոց Ցեղասպանության 109-րդ տարելիցի օրը հիշատակվեց և ոգեկոչվեց Շիրակի մարզում Մենք այսօր էլ շարունակում ենք բախվել ցեղասպանության տարբեր դրսևորումների. Սինանյան Խոշոր ավտովթար-հրդեհ՝ Գյումրիում. բախվել են «Mercedes»-ն ու «ГАЗель» բեռնատարը Ապարանում բախվել են Վանաձոր-Երևան «ГАЗель»-ը, «Volkswagen»-ն ու «Lada»-ն. կա 7 վիրավոր Շղթայական ավտովթար՝ Արարատի մարզում. կա 6 վիրավոր Տավուշի մարզում միջպետական ավտոճանապարհը փակելու ընթացքում 7 անձ է ձերբակալվել. ՔԿ Ոստիկանության ակադեմիայի մոտ «Նիվա»-ն բախվել է «KAMAZ»-ին. կան վիրավորներ. shamshyan Շտապօգնության մեքենան, որի վարորդը, ըստ նախնական տեղեկությունների, ավտոմեքենայում չի եղել, բախվել է երկաթե ճաղավանդակին