Տնտեսագիտական համալսարանում, որտեղից տարհանել են ուսանողներին ու դասախոսներին, գազի արտահոսք չկա. համալսարան

Տնտեսագիտական համալսարանի շենքում, որտեղ տարօրինակ հոտի պատճառով տարհանվել են ուսանողներն ու դասախոսները, գազի արտահոսք չկա: Այս մասին տեղեկանում ենք համալսարանի մարքեթինգի և հասարակայնության հետ կապերի բաժնից:

Հաղորդագրության մեջ նշվում է. «Հայաստանի պետական տնտեսագիտական համալսարանի ինֆորմատիկայի և վիճակագրության ֆակուլտետի մասնաշենքում, որը գտնվում է Երևանի Պարույր Սևակի թիվ 77 հասցեում, տարօրինակ հոտ է զգացվել։ Այս պահին այնտեղ են ԱԻՆ ՓԾ Երևան քաղաքի փրկարարական վարչության ներկայացուցիչները և Բնակչության պաշտպանության և աղետների ռիսկի նվազեցման վարչության Ճառագայթային, քիմիական և կենսաբանական իրավիճակի մոնիտորինգի բաժնի քիմիկ-հետախույզների խումբը։

Այս պահին պարզվել է, որ գազի արտահոսք չկա։

Տուժածներ չկան»:

Ավելի վաղ հայտնել էինք,որ այսօր՝ նոյեմբերի 22-ին, ժամը 10:30-ին Ճգնաժամային կառավարման ազգային կենտրոն ահազանգ է ստացվել, որ Երևանի Պարույր Սևակի թիվ 77 հասցեում՝ Հայաստանի պետական տնտեսագիտական համալսարանի մասնաճյուղում, ուսանողների ինքնազգացողությունը վատացել է․ շենքում զգացվել է տարօրինակ հոտ:

ԱԻՆ-ի հաղորդմամբ, դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և Բնակչության պաշտպանության և աղետների ռիսկի նվազեցման վարչության Ճառագայթային, քիմիական և կենսաբանական իրավիճակի մոնիտորինգի բաժնի քիմիկ-հետախույզների խումբը:

Մինչ փրկարարների կանչի վայր հասնելը՝ տարահանվել են մոտ 400 ուսանող և 35 դասախոս։

Այս թեմայով ՀՊՏՀ-ի ռեկտոր Դիանա Գալոյանը հրաժարական է տվել․ News.am ՀՊՏՀ-ի ռեկտոր Դիանա Գալոյանը հրաժարական կտա․ News.am ՀՊՏՀ-ի ռեկտորը ԱՄՆ-ում մեղադրվում է հագուստի խանութից գողություն անելու մեջ․ «Հրապարակ» ՀՊՏՀ-ում տուժած ուսանող կամ դասախոս չկա, հոտի հետ կապված նմուշառումներ են արվել ՀՊՏՀ մասնաճյուղում ուսանողների ինքնազգացողությունը վատացել է․ շենքում զգացվել է տարօրինակ հոտ ՀՊՏՀ-ում պրոֆեսորի աշխատավարձը սեպտեմբերի 1-ից կկազմի 530.000 ՀՀ դրամ Գողությունն ու գրագողությունը 40 օր է տևում. Էդգար Ղազարյանը՝ ՀՊՏՀ ռեկտորի մասին Պատրաստ եմ անվճար դասախոսություններ կարդալ ՀՊՏՀ ուսանողների և մագիստրանտների համար․ Էդգար Ղազարյան Էդգար Ղազարյանին ՀՊՏՀ-ում դասախոսի աշխատանքից ազատել են. Aravot.am Երիտասարդները ՀՊՏՀ-ի դիմաց իրազեկման ակցիա են իրականացնում