Միանշանակ փոխարժեքի նվազումն ունենալու է իր դրական ազդեցությունը. ՀԾԿՀ նախագահը՝ էլեկտրաէներգիայի սակագնի մասին

Հանրային ծառայությունները կարգավորող հանձնաժողովի նախագահ Գարեգին Բաղրամյանը չի բացառում, որ դոլարի փոխարժեքի նվազումն իր ազդեցությունը կարող է ունենալ քաղաքացիների համար սահմանված էլեկտրաէներգիայի սակագնի վրա:  

Գարեգին Բաղրամյանն այս մասին ասաց կառավարության նիստից հետո լրագրողների հետ ճեպազրույցում:

Անդրադառնալով հարցին, թե դոլարի փոխարժեքի նվազումն ինչո՞ւ ազդեցություն չի ունենում սակագների նվազեցման վրա՝ Բաղրամյանն ասաց, որ ջրի մասով փոխարժեքը որևէ ազդեցություն չունի, քանի որ 2016 թվականի վարձակալության պայմանագրի բանաձևում փոխարժեքային ճշգրտում ընդհանրապես ներառված չէ:

Իսկ էներգետիկայի ոլորտում հանձնաժողովն ինքն է իր նախաձեռնությամբ է սկսում սակագների վերանայում: «Եվ յուրաքանչյուր տարի՝ անկախ նրանից, թե վերջնական սպառողի համար գնի փոփոխություն լինելու է, թե ոչ, մենք բոլոր արտադրողների և ՀԷՑ-ին վաճառվող գնի փոփոխություն ենք անում, քանի որ առնվազն կառուցվածքի փոփոխություն է տեղի ունենում: Միանշանակ փոխարժեքի նվազումն ունենալու է իր դրական ազդեցությունը»,-ասաց նա:

Թե դա ինչքան ու ինչ ազդեցություն կունենա վերջնական սպառողների վրա, հանձնաժողովի նախագահը ձեռնպահ մնաց մեկնաբանելուց:

Ինչ վերաբերում է մյուս տարվա համար ջրի սակագնին՝ Բաղրամյանն ասաց. ««Վեոլիա ջուր»-ը 209 դրամ սակագնի հայտ է ներկայացրել օգոստոսին, մեր նախնական հաշվարկներն ավարտված են, ներկայացված են քննարկման նիստի ընթացքում: Սոցիալապես անապահով սպառողների համար պահպանում ենք նույն գինը, 208.5 դրամ ստացվում է մնացած սպառողների համար նախատեսված գինը»:

Նա հիշեցրեց Տարածքային կառավարման և ենթակառուցվածքների նախարարության հայտարարությունը, որ այսօրվա գործող սակագների և սահմանվող սակագների տարբերությունը կառավարությունը սուբսիդավորվելու է: «Կարող ենք ասել, որ հունվարի 1-ից սպառողը գնի որևիցե փոփոխություն չի ունենա»,-հավելեց նա:

Սուբսիդավորման որոշումը 1 տարվա համար է: Թե 1 տարուց հետո ինչ կարող է լինել, հանձնաժողովի նախագահը դժվարացավ ասել, քանի որ սակագնի բարձրանալը կամ չբարձրանալը էականորեն կախված է սղաճից, էլեկտրաէներգիայի գնից, նաև վաճառվող ջրի ծավալներից: Այսօր վաճառվող ջրի ծավալի մեծ աճ կա:

Այս թեմայով Ոնց որ գնաս բժշկի, քեզ ասի՝ գույքահարկդ չես վճարել, չեմ բուժելու. ՔՊ-պատգամավորրը՝ գույքահարկի մասին Եվրամիութան դեսպանի հետ քննարկել ենք ՀՀ սահմանների և ներսում առկա իրավիճակ մասին․ Թովմասյան ՄԻՊ-ն անհասկանալի համառությամբ այդպես էլ չհիշեց Սամվել Վարդանյանի խոշտանգման մասին․ Մնացականյան Այն կտի մասին, թե իբր ադրբեջանական գազ է գնելու Հայաստանը․ Կարեն Վրթանեսյան Առկա պայմաններում դիվերսիֆիկացիայի մասին խոսելն ուղղակի անհեթեթություն է. «Փաստ» «Մեր զավթողների ախորժակն է բացվում». Գնդապետ Արամոն՝ սահմանազատման մասին (տեսանյութ) Պատմության այս մութ գլուխը հիշեցնում է մեզ խտրականության և բռնության դեմ պայքարելու մասին. Բելգիայի արտգործնախարար Սա հույսի առկայծող ճանապարհ է․ Ալեն Սիմոնյանը՝ Տավուշ-Ղազախ հատվածում տեղադրված սյան մասին Սրբազանի մասին ստահոդ լուրեր տարածելով` կարճաժամկետ հաջողություն կարձանագրես․ հայտարարություն ԱԺ հանձնաժողովը քննարկում է ընդդիմության ներկայացրած նախագիծը Հայաստանի և Ադրբեջանի միջև սահմանազատման մասին