Տղամարդուն 300 հատ iPhone գնելուց անմիջապես հետո կողոպտել են

«Սև ուրբաթին» մի ամերիկացի 300 հատ iPhone 13 է գնել Նյու Յորքի Հինգերորդ պողոտայի Apple Store-ից և թալանվել խանութից դուրս գալուց անմիջապես հետո։ Այս մասին հայտնում է Android Authority պորտալը։

Նշվում է, որ նրանից գողացել են նրա երեք պայուսակներից մեկը՝ սմարթֆոններով, որոնցում եղել է 95 հազար դոլար արժողությամբ 125 գաջեթ: Հարձակման ենթարկված տղամարդու անունը չի հրապարակվում։ Հայտնի է, որ նա 27 տարեկան է, և վերավաճառքի համար գաջեթներ է գնել։

«Գնումներ կատարելու համար մի տղամարդ ժամը 01:45-ին մտել է շուրջօրյա գործող Apple Store։ Երբ երիտասարդը դուրս է եկել խանութից և գնացել դեպի իր մեքենան։ Նրա վրա հարձակվել են երկու ավազակներ։ Տուժողը ցանկացել է հակահարված տալ, սակայն հարված է ստացել քթին, որից հետո բաց է թողել իր պայուսակներից մեկը, և ավազակները, պայուսակը վերցնելով, փախել են»,-ասվում է պորտալի հոդվածում։

Նյու Յորքի ոստիկանությունն այժմ հետաքննում է միջադեպը: