Զորակցում ենք Լեռնային Ղարաբաղի բնակչությանը և համոզմունք հայտնում, որ նրանք արժանապատվորեն կհաղթահարեն հերթական մարտահրավերը․ ԴԻԱԼՈԳ

ԴԻԱԼՈԳ կազմակերպությունը հայտարարություն է տարածել․

Արդեն մի քանի օր է, ինչ Ադրբեջանը «բնապահպանական ցույցի» անվան տակ արգելափակել է Լաչինի միջանցքը, դրանով փակելով Լեռնային Ղարաբաղի միակ հաղորդակցության ճանապարհը արտաքին աշխարհի հետ: Իրավիճակը հումանիտար աղետի վերածվելու և տարածաշրջանային ապակայունացման միտում ունի: 

Բաքվի կողմից Լաչինի միջանցքի փակումը և Լեռնային Ղարաբաղի բնակչության տեղաշարժվելուն խոչընդոտելը հանդիսանում է ոչ միայն Հայաստանի, Ադրբեջանի և Ռուսաստանի մասնակցությամբ եռակողմ պայմանավորվածությունների, այլ նաև միջազգային մյուս ձևաչափերում և կազմակերպություններում ունեցած պարտավորությունների խախտում: Միաժամանակ, դա բոլոր միջազգային հումանիտար կոնվենցիաների կոպիտ ոտնահարում է հանդիսանում:

Համարում ենք, որ Ադրբեջանի իշխանությունների նախաձեռնած սողացող ագրեսիան հակամարդկային բնույթ ունի և ուղղված է Լեռնային Ղարաբաղի բնակչությանը իր բուն պատմական տարածքից դուրս մղելուն: Մյուս կողմից, նման քաղաքականությունը նպատակ ունի իրավիճակի ապակայունացման միջոցով արժեզրկել Լեռնային Ղարաբաղում Ռուսական խաղաղապահ զորախմբի գործունեությունը և ընդհանրապես հարցականի տակ դնել Հարավային Կովկասում անվտանգության և կայունության ապահովման համար Ռուսաստանի ջանքերը:

Առկա են բոլոր նշանները համարելու, որ «բնապահպանական ցույցը», որը ուղեկցվում է թուրքական ազգայնական խորհրդանշանով, սպառնացող կարգախոսներով և բազմալեզու պաստառներով, ծառայում է օտար քաղաքական լսարանի: Այսօր աշխարհում տեղի ունեցող իրադարձությունների և աշխարհաքաղաքական մրցակցության համատեքստում դա իր մեջ տարածաշրջանում իրավիճակը ապակայունացնելու լուրջ վտանգ է պարունակում:

Վստահ ենք, որ Լեռնային Ղարաբաղում Ռուսական խաղաղապահ զորախմբի հրամանատարությունը, բախվելով ծրագրված սողացող ագրեսիայի հետ, չտրվելով տարբեր բնույթի սադրանքների, ի վիճակի է առաջիկայում վերականգնելու և ապահովելու Լաչինի միջանցքի անխափան գործունեությունը:

Ներկա իրավիճակում զորակցություն ենք հայտնում Լեռնային Ղարաբաղի բնակչությանը և աջակցություն հայտնում նրանց գործողություններին: Համոզված ենք, որ նրանք արժանապատվորեն կհաղթահարեն հերթական մարտահրավերը և դրանից դուրս կգան առավել կազմակերպված և համախմբված` սեփական հողում ապրելու օրինական իրավունքի հետապնդման համար:  

Այս թեմայով ԱԺ-ն շարունակում է իր հերթական նիստերը. դատախազը կներկայացնի 2023-ի գործունեության հաղորդումը Սև բերետավորների հերթական խմբաքանակը ժամանեց Կիրանց (տեսանյութ) Նիկոլ Փաշինյանն ու իր թիմն այլևս անելիք չունեն, նրանք պետք է հեռանան. Հայկ Մարության «Ժողովուրդ». ՔՊ հերթական «ձեռքբերումները»․ Երեւանի ընտրությունների իրավախախտումները չեն վրիպել Freedom House-ի աչքից ՈՒՂԻՂ․ ՀՀ ԱԺ ութերորդ գումարման յոթերորդ նստաշրջանի հերթական նիստ Ապրիլի 30-ին գումարվող հերթական նիստերի օրակարգի նախագծում ընդգրկվել է 18 հարց «Տանան հեռու խոխեք» նախաձեռնության անդամներն իրենց աջակցությունն են հայտնում Տավուշի հայրենակիցներին «Ճնշումներն ահագնանալու են, նրանք լավ են պատկերացնում, թե ինչ հանցանքներ են իրականացնում հայ ժողովրդի դեմ». «Փաստ» ՄԻԵԴ-ն ու ՄԱԿ-ը երբեք չեն հայտարարել, որ ՀՀ-ն «օկուպացրել է» Լեռնային Ղարաբաղը (տեսանյութ) ՀԻՄԱ․ ՀՀ ԱԺ արտաքին հարաբերությունների մշտական հանձնաժողովի հերթական նիստ