Զինվորների կացարանում բռնկված հրդեհի դեպքով ձերբակալվել է Գոռ Աղեկյանը․ «Sputnik Արմենիա»

Գեղարքունիքում ինժեներասակրավորական վաշտի ժամանակավոր կացարանում բռնկված հրդեհի դեպքով ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գոռ Աղեկյանը ձերբակալվել է։ Այս մասին «Sputnik Արմենիա»-ին հայտնել են ՀՀ ՔԿ-ից։

Ավելի վաղ ՀՀ գլխավոր դատախազությունից հայտնել են, որ հանրային քրեական հետապնդում է հարուցվել ՀՀ ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գ.Ա.-ի նկատմամբ

Քրեական հետապնդում է հարուցվել է ՀՀ քրեական օրենսգրքի 550-րդ հոդվածի 3-րդ մասով (զինվորական պաշտոնեական անփութություն, որն անզգուշությամբ առաջացրել է մարդու մահ):

Ըստ Դատախազության հաղորդագրության՝

▪️նախաքննության ընթացքում պարզվել է, որ 2023 թվականի հունվարի 19-ին, կեսգիշերն անց,  ՀՀ ՊՆ N զորամասի ինժեներական ծառայության  սպան, հանդիսանալով նստեցման շրջանի  պատասխանատու, սահմանված կարգի խախտմամբ, Գեղարքունիքի մարզի Ազատ գյուղի 1-ին փողոցի 20-րդ տուն հասցեում տեղակայված` վերոնշյալ ստորաբաժանման անձնակազմի համար նախատեսված կացարանում, վառարանը վառել է ավտոբենզինով, որի արդյունքում կացարանում բռնկվել է հրդեհ:

▪️Հակահրդեհային պաշտպանության համապատասխան միջոցների բացակայության պատճառով կացարանում գտնվող զինծառայողների կողմից ոչ միայն հնարավոր չի եղել այն մարել, այլ նաև պահեստային ելքի բացակայության պայմաններում՝ կոտրել կացարանի պատուհաններին ամրացված երկաթյա ճաղավանդակները և դուրս գալ այնտեղից:

▪️Այդպիսով, կացարանում հանգստի մեջ գտնվող, նույն վաշտի 15 պարտադիր ժամկետային զինծառայողներ մահացել են, իսկ սպան և չորս պարտադիր ժամկետային զինծառայողներ ստացել են տարբեր աստիճանի մարմնական վնասվածքներ։

Այս թեմայով Երևանի կենտրոնում հանրահավաքի ժամանակ ոստիկանին հարվածելու կասկածանքով կին քաղաքացի է ձերբակալվել Նոյեմբերյանում ճանապարհը փակելու համար 5 անձ ձերբակալվել է «Մալաթիա» տոնավաճառում բռնկված հրդեհը մեկուսացվել է Տավուշի մարզում միջպետական ավտոճանապարհը փակելու ընթացքում 7 անձ է ձերբակալվել. ՔԿ Թուրքիայում ԻՊ-ի հետ կապ ունենալու կասկածանքով 36 անձ է ձերբակալվել Առերևույթ խուլիգանություն՝ հասարակական տրանսպորտում․ մեկ անձ ձերբակալվել է Սամվել Վարդանյանը ձերբակալվել է խուլիգանության մեղադրանքով «Կենսաբանական մահ» ախտորոշմամբ «Արմենիա» ԲԿ է տեղափոխվել 5-ամյա երեխա Ոսկեպարում միասնական աղոթք հնչեց վթարի հետևանքով զոհված զինվորների հիշատակի համար Հարցաքննվել են 19-ամյա զինծառայողի համածառայակիցները. հրազենային վնասվածքի դեպքով նախաձեռնվել է քրեական վարույթ