Ադրբեջանական փորձագիտական դաշտը շտապում է Իրանը որակել «պատերազմական գոտի»․ Հայրապետյան

Ադրբեջանի ԱԳՆ–ն խորհուրդ է տվել իր քաղաքացիներին չմեկնել Իրանի Իսլամական Հանրապետություն, եթե չկա խիստ անհրաժեշտություն, իսկ այցելուներին էլ խորհուրդ են տվել խիստ զգուշավոր լինել: Այս մասին տելեգրամյան իր ալիքում գրել է ադրբեջանագետ Տաթև Հայրապետյանը։

«Հետաքրքրական է, որ Ադրբեջանի նախկին արտգործնախարար Թոֆիգ Զուլֆուգարովը իր հարցազրույցներից մեկում նշել էր՝ Թեհրանում Բաքվի դեսպանատան տարհանման պատճառներից մեկն այն է, որ «դեսպանատան վրա հարձակման հաջորդ օրը ԻԻՀ տարածքում գործնականում ռազմական գործողություններ են ծավալվում։

Այնպես որ, ադրբեջանական դեսպանատան հետ միաժամանակ տարհանվել են ևս մի քանի դիվանագիտական ներկայացուցչություններ։ Եվ այս գործընթացը, ըստ ամենայնի, շարունակվելու է։ Շատ դեսպանատներ առայժմ մասնակիորեն Իրանից դուրս են բերում իրենց աշխատակիցներին, նրանց ընտանիքների անդամներին, կրճատում հաստիքները։ Այլ կերպ ասած, հիմա Իրանում տեղի է ունենում այն, ինչ մենք տեսանք Ուկրաինայում պատերազմի սկզբում։ Դա սովորական պրակտիկա է»:

Հետաքրքիր է, որ պաշտոնական մակարդակով սա չի ասվում, բայց ոչ պաշտոնապես նշվում է, որ Ադրբեջանի արձագանքը և Թեհրանում դիվանագիտական գործոնեության դադարեցումը իրականում ոչ այնքան առնչվում է դեսպանատանը տեղի ունեցած միջադեպի, որքան Իրանի դեմ ուղղված քայլերի հետ: Թեև պաշտոնական Թեհրանը որևէ կերպ չի որակել Սպահանում տեղի ունեցածը «հարձակում» և ավելի չեզոք ձևակերպումներով է առաջնորդվում, բայց ադրբեջանական փորձագիտական դաշտը շտապում է Իրանը դարձնել «պատերազմական գոտի»:

Նույն Զուլֆուգարովը նշել էր. «Ադրբեջանը Թուրքիայի ռազմական դաշնակիցն է, ուստի ադրբեջանա-թուրքական տանդեմի հնարավոր հակաիրանական գործողությունները ուղղակիորեն կախված են նրանից, թե Իրանի ներկայիս ղեկավարությունը ինչ ճանապարհ կընտրի մեր երկրի նկատմամբ...»: Կարող են ենթադրել, որ շանտաժի ոճով որոշակի քննարկումներ են ընթանում կուլիսների հետևում Իրանի հետ կապված զարգացումների համատեքստում»:

Այս թեմայով Անվտանգության համակարգն առաջվանը չէ, փուչիկը ադրբեջանական մեկ գործողությամբ պայթեց․ Աբրահամյան Իրանը Հայաստանում նոր բանագնաց ունի․ Մեհդի Սոբհանին Սիրիայում Իրանի նախկին դեսպանն է Սյունիքի ուղղությամբ ադրբեջանական տեղակայումների վերաբերյալ ԱԱԾ-ն վտանգավոր հայտարարություն է արել Եթե գյուղացին չապահովագրի բերքը, կա՛մ պետք է ծխածածկույթով պատի դաշտը, կա՛մ իմանա՝ ցրտահարվելու է Ադրբեջանական զորքերը հայտարարել են նոր տարածքներ վերցնելու մասին Իրան-Ադրբեջան «օնլայն պատերազմը» զսպաշապիկ էր, Իրանը ՌԴ-ի միջոցով Ադրբեջանին մեսիջ ուղարկեց Մեր կողքի հարևան փղին՝ Իրանին չենք նկատում․ կենացի մակարդակով ազատ առևտրի գոտի բացեցինք ու մոռացանք «Փաստ». Տիգրան Ավինյանը շտապում է, ՔՊ-ն՝ ոչ Երևան-Աշտարակ ճանապարհին Opel-ը դուրս է եկել հանդիպակաց գոտի, բախվել հողաթմբին, գլխիվայր շրջվել Ադրբեջանական երեկվա առաջխաղացումն այսօր իր դրսևորումը ստացավ Մարտունու շրջանի մի քանի հատվածներում