Գերմանիայում ՀՀ դեսպանի անբովանդակ «ֆոտոսեսիաները» և համայնքի հետ՝ նրա կազմակերպած հանդիպման ֆիասկոն

Վարչապետ Նիկոլ Փաշինյանի աշխատանքային երկօրյա  այցը Գերմանիա ավարտվել է տեղի հայ համայնքի ներկայացուցիչների հետ հանդիպմամբ: Իր՝ Փաշինյանի խոսքով , նա ջերմ տպավորություններով է վերադարձել Գերմանիայից, բոլոր հանդիպումներն անցել են բաց քննարկումների մթնոլորտում։ Սակայն, մեկ հայացք գցելով համայնքի ներկայացուցիչների կողմից բարձրացված հարցերին ՝ պարզ է դառնում, որ  հանդիպումը անցել է բավական սուր մթնոլորտում, իսկ Փաշինյանին տրված հարցերի մեծ մասն էլ ակնհայտ դիսկոմֆորտ էին առաջացրել վարչապետի մոտ:

Մասնավորապես, «Եվրոպացի եւ հայ մասնագետների» ասոցիացիայի նախագահ Միքայել Մինասյանը հարցրեց. «2020-ի պատերազմի ընթացքում եւ դրանից հետո Գերմանիայից ներկրված իրեղեն նվիրատվության ամենամեծ չափաբաժինը կոորդինացրել է մեր ասոցիացիան եւ Հայաստան ներմուծումից հետո մենք ստանձնել ենք դրա ստացումը առողջապահության նախարարության կողմից եւ բաժանումը ՀՀ տարածքում: Խնդիրը նրանում է, որ ներգործելուց հետո 6-8 ամիս է անցել ու այն պահին, երբ այդ բեռների կարիքը հրատապ զգացվում էր թե՛ սահմանամերձ գոտում, էլ չխոսենք Արցախի մասին, որտեղ անմիջապես պետք էր, ինչո՞ւմ էր խնդիրը եւ ինչո՞ւ այդքան երկար տեւեց: Ինչո՞ւմ է պետության գործառույթը: Մենք սփյուռքի, գերմանահայերի գումարներով դա բաժանում ենք Հայաստանին, խնդիրը համակարգային է, մինչեւ հիմա էլ չի լուծված»:

Մինայսանը հիշեցնելով Փաշինյանի խոսքը, թե Հայաստանում տնտեսական ու ժողովրդավարական խնդիրներ չկան, պատմեց, որ 6 ամիս առաջ Հոնկոնգից ներդրողներ է բերել Հայաստան, որ էքսպորտն ու զբոսաշրջությունը զարգացնի, կազմակերպություն է բացել, բայց 6 ամիս է՝ չի կարողանում Հայաստանի բանկերում հաշիվ բացել։

Գերմանիայի հայ համայնքի մեկ այլ ներկայացուցիչ՝ Սամվել Լուլուկյանը Փաշինյանին հիշեցրեց ՔՊ կուսակցության նախընտրական ծրագրային դրույթները՝ պաշտպանել Արցախի Հանրապետության ժողովրդի ինքնորոշման իրավունքի իրացումն՝ առանց սահմանափակումների, կարգավորել ղարաբաղյան հակամարտությունը՝ Արցախի կարգավիճակի վերջնական հստակեցման տեսքով՝ առաջնորդվելով «անջատում՝ հանուն փրկության» սկզբունքով

Ակհայտ է , որ Գերմանիայում հայ համայնքի ներկայացուցիչների մոտ բավական մեծ թվով հարցեր էին կուտակվել՝ ուղղված ՀՀ իշխանություններին: Իսկ դա նշանակում է, որ այլ խողովակներով, մասնավորապես՝ դեսպանատան միջոցով այդ հարցերի պատասխանները և լուծումները վերջիններս չեն ստացել: Հատկապես մեծ էր համայնքի հիասթափությունը և դժգոհությունը ՀՀ իշխանությունների՝ Արցախի հարցում վարած քաղաքականությունից: Ներկաները բացահայտորեն մեղադրեցին Փաշինյանին նախընտրական ծրագրի կետերը մոռացության մատնելու, հանրությանը խաբելու  և Արցախի ինքնորոշման իրավունքից շեղվելու մեջ: Բարձրաձայնված երկրորդ կարևոր հարցը վերաբերվում էր սփյուռքի հայ համայնքների կողմից պատերազմի ընթացքում ՀՀ ուղարկված ֆինանսական օգնությանը, որը ինչպես գիտենք թիրախային չի օգտագործվել: Ավելին՝ Հայաստան Հիմնադրամի շուրջ ծագած սկանդալը նոր զարգացումներ է ունենում, քանի որ անցկացված աուդիտը վեր է հանել բազմաթիվ խախտումներ: Արդյունքում ի հայտ է եկել վստահության մեծ դեֆիցիտ՝ ՀՀ իշխանությունների հանդեպ: Ներկաները Փաշինյանին ուղիղ տեքստով էին հորդորում հրաժարական ներկայացնել, քանի որ ակնհայտ է՝ «մի բան այնպես չի գնացել» և Արցախն ու Հայաստանը կանգնած են գոյաբանական լուրջ մարտահրավերների առջև:

Ակնհայտ է դեսպանատան և անձամբ դեսպանի՝ Վիկտոր Ենգիբարյանի թերացումը ՝ դեսպանատուն-համայնք կոմունիկացիան հավուր պատշաճի կազմակերպելու հարցում: 2018-ից հետո ՀՀ իշխանությունները հիմնովին տապալեցին Սփյուռքի հետ երկխոսությունը, խարխլեցին տասնյակ տարիների ընթացքում ձևավորված կապերը, համաձայնենք՝ դրա համար էլ է մեծ տաղանդ անհրաժեշտ: Իսկ այժմ՝ Փաշինյանի թիմից նշանակված դեսպանները, որոնք անգամ դիվանագիտական կրթություն և աշխատանքի փորձ չունեն՝ իրենց անգործությամբ վերջին շտրիխերն են անում՝ վերջնականապես հիասթափեցնելով իրենց երկրների հայկական համայնքների ներկայացուցիչներին:

Եթե ուշադիր դիտարկենք, թե ինչով է զբաղված Գերմանիայում ՀՀ դեսպան Ենգիբարյանը, ապա կարելի է փաստել, որ դեսպանի ողջ գործունեությունը սահմանափակվում է գեղեցիկ ֆոտոսեսիաներ կազմակերպելով: Եվ թերևս դա է պատճառը, որ երկրի վարչապետի այցը տվյալ երկիր և հանդիպումը համայնքի ներկայացուցիչների այլ բառով, քան ֆիասկո ՝ չես անվանի: Անգամ Գերմանիայում ՀՀ դեսպանատան ֆեյսբուքյան էջում հանդիպումից հետո համայնքի ներկայացուցիչները իրենց տարակուսանքն էին արտահայտում՝ անպատասխան մնացած հարցերի մասով և այդ հարցերը ուղղում էին դեսպանատանը

Փաշինյանի հանդիպումը ձախողված էր բոլոր առումներով և այդ ձախողման խորքային պատճառները պարզից էլ պարզ են: Եթե համայնքի ներկայացուցիչները բարձրաձայն տարակուսում են, թե ինչում է պետության գործառույթը, նշանակում է նրանց հետ աշխատող թիվ մեկ կառույցը՝ դեսպանատունը նույնպես իր գործառույթներում ձախողվել է, որովհետև տվյալ խնդիրը գտնվում է հենց դեսպանի տիրույթում, հենց նա պետք է այնպես աշխատեր համայնքի հետ, որ համայնքի ներկայացուցիչները առնվազն չտորպեդահարեին երկրի ղեկավարին անհարմար և դժվարամարս հարցերով, հանդիպումն էլ անցներ առավել լոյալ մթնոլորտում: 

Մնում է հուսալ, որ Փաշինյանի այս ձախողված այցից հետո Գերմանիայում ՀՀ դեսպանատունը որոշակի հետևություններ կանի և կփորձի համայնքի հետ համագործակցության նոր եզրեր գտնել, քանի որ ակնհայտ է՝ ֆոտոսեսիաները և բուռն աշխատանքի իմիտացիան ցանկալի արդյունքի չեն հանգեցրել, դա Փաշինյանը զգաց անձամբ իր «մաշկի» վրա...

 Ամբողջական տեսանյութը՝ ստորև

Այս թեմայով Եվրամիութան դեսպանի հետ քննարկել ենք ՀՀ սահմանների և ներսում առկա իրավիճակ մասին․ Թովմասյան Հունգարիայում ՀՀ դեսպանը հանդիպել է հայ համայնքի ներկայացուցիչներին Ի սկզբանե պայմանավորվածություն է եղել, որ հանդիպումը կայանալու է կառավարության շենքում․ փոխվարչապետի գրասենյակը՝ տավուշցիների հետ հանդիպման մասին Փաշինյանը Ալիևի դեսպանի կարգավիճակով սպառնում է հայ ժողովրդին, եթե չանենք կլինի պատերազմ. Սուրենյանց Վարչապետի հետ հանդիպմանը սահմանափակվում է հանդիպման մասնակիցների մուտքը դահլիճ (տեսանյութ) Ախուրյան համայնքի «Երազգավորսի միջնակարգ դպրոց» ՊՈԱԿ-ում փորձարկվելու է էլեկտրական շչակ ՈՒՂԻՂ․ ՀՀ-ում Իրանի դեսպանի ասուլիսը «Աննա Հակոբյանի կազմակերպած ընթրիքին մասնակցողներից մեկը «չայխանայի» վայր է ժամանել 300QQ03 համարանիշով մեքենայով» (լուսանկար) Սամվել Ալեքսանյանի կինը, դուստրը, այլ կին գործարարներ «տժժում» են Աննա Հակոբյանի կազմակերպած փարթիին Սուրեն Պապիկյանը Ավստրալիայի դեսպանի խնդրանքով ներկայացրել է Հայաստանի ԶՈւ բարեփոխումների ընթացքը