ՔՊ-ն ընտրակաշառք է բաժանում. ՔՈ նախընտրական շտաբի հայտարարությունը

ՔՈ նախընտրական շտաբը օպերատիվ ռեժիմով տեղեկատվություն է ստանում «Քաղաքացիական պայմանագիր» կուսակցության անունից ընտրողներին բաժանվող ընտրակաշառքի մասին։ Այդ մասին հայտնում են շտաբից:

«Ընտրատեղամասերի հարակից տարածքներում անհասկանալի գործառույթով տևական ժամանակ գտնվող և ՔՊ կուսակցությունը ներկայացնող, համայնքային, պետական հիմնարկների աշխատող անձանց մոտ առկա են ինչ-որ ցուցակներ, որոնք, հնարավոր է, ընտրակաշառք ստացած քաղաքացիների տվյալներ են պարունակում։

Մեր վստահված անձանց դիմում-բողոքները նշված անձանց ինքնությունը պարզելու, ընտրողներին ուղղորդելուն միտված գործողությունները կասեցնելու պահանջի մասին ընտրատարածքային հանձնաժողովները, ըստ էության, դադարել են քննել։

Ընտրակաշառքը վերջին այլանդակ ընտրախախտումն է, որ «Քաղաքացիական պայմանագիր» կուսակցությանը նույնականացնում է այն քաղաքական ուժերի հետ, որոնց դեմ պայքարում էին այդ կուսակցության բազմաթիվ ազնիվ համակիրներ տարիներ առաջ։

Նման գործելակերպը կասեցնելու գործառույթը պետական մարմիններինն է և առաջին հերթին՝ ՔՊԿ առաջնորդներինը։

ՔՈ ՍԴԿ նախընտրական շտաբը հայտարարում է, որ նշված դեպքերով տեղեկատվությունը ճշտելու , առերևույթ հանցագործության հատկանիշներով արարք կատարող անձանց նույնականացման ուղղությամբ դադարեցնում է որևէ գործողության իրականացումը։

Պետության և կառավարող ուժի հեղինակության մասին նախ և առաջ պետք է մտածի իշխող ուժը, որին հավատացել է հասարակ քաղաքացին 2018թ․-ին»,- ասվում է հայտարարությունում:

Այս թեմայով «Պատիվ ունեմ»-ի նախընտրական շտաբի պետը ընտրակաշառք տալու համար դատապարտվել է 4 տարի ազատազրկման «Ազատ Արցախը երբեք չի եղել և չի կարող լինել ցեղասպան Ադրբեջանի կազմում». Վանկուվերի հայ համայնքի հայտարարությունը Անընդունելի է առանց կոշտ արձագանքի թողնել Արցախի դեմ Ադրբեջանի սպառնալիքները․ ԱՀ ԱԳՆ հայտարարությունը Ֆլորիդայի նահանգապետ Դեսանտիսը 24 ժամում 8.2 միլիոն դոլար է հանգանակել նախընտրական արշավի համար Փաշինյանը, օժանդակելով պաշտոնական Բաքվի քաղաքականությանը, մեզ տանում է ոչ թե խաղաղության, այլ՝ նոր պատերազմի. ՌՀՄ հայտարարությունը Փաշինյանի հայտարարությունը ոչ միանշանակ արձագանք է գտել ՀՀ-ում ու ԼՂ-ում, իրենց ներքին գործն է Ոչ ոք բարոյական իրավունք չունի որոշելու մեր զավակների ապագան. Արկադի Ղուկասյանի և Բակո Սահակյանի հայտարարությունը «Անմշակույթ, տգետ, անգրագետ, անկիրթ». Դավիթ Աֆրիկյանին զայրացրել է Սուպեր Սաքոյի հայտարարությունը «Հրապարակ». Ռուսները չեն ընկալել Արցախի պետնախարարի հայտարարությունը Ադրբեջանը հայաթափված գյուղերը բնակեցնում է ադրբեջանցիներով՝ խախտելով եռակողմ հայտարարությունը