Վարդան Դևրիկյանի հոգեհանգիստը տեղի կունենա Կոնդի Սուրբ Հովհաննես Մկրտիչ եկեղեցում
ՀասարակությունՀՀ Գիտությունների ազգային ակադեմիայի Մ. Աբեղյանի անվան գրականության ինստիտուտի տնօրեն, բանասիրական գիտությունների դոկտոր Վարդան Գևորգի Դևրիկյանի հոգեհանգիստը տեղի կունենա ապրիլի 17-ին Կոնդի Սուրբ Հովհաննես Մկրտիչ եկեղեցում, ժամը 17:30-20:00։ Վեջին հրաժեշտը՝ ապրիլի 18-ին՝ ժամը 11:30-13:00, Կոնդի Սուրբ Հովհաննես Մկրտիչ եկեղեցում:
Այս մասին տեղեկացրին ՀՀ ԳԱԱ Հայագիտության և հասարակական գիտությունների բաժանմունքից և ՀՀ ԳԱԱ Մ. Աբեղյանի անվան գրականության ինստիտուտից։
«Մեր խորին ցավակցությունն ենք հայտնում ՀՀ ԳԱԱ Մ. Աբեղյանի անվան գրականության ինստիտուտի տնօրեն, բ.գ.դ. Վարդան Դևրիկյանի ընտանիքի անդամներին, գործընկերներին, մտերիմներին:
Յիշատակն արդարոյն օրհնութեամբ եղիցի»,- ասվում է հաղորդագրության մեջ: