Հնդկաստանում ուղիղ եթերում գնդակահարել են նախկին պատգամավորին և նրա եղբորը

Հնդկաստանի խորհրդարանի նախկին պատգամավոր Աթիք Ահմեդը, որը դատապարտված էր առևանգման համար, ուղիղ եթերում գնդակահարվել է իր եղբոր հետ միասին: Այս մասին հաղորդում է CNN-ն:

Դեպքը տեղի է ունեցել ապրիլի 15-ին: Ուտար Պրադեշի նահանգի Պրայագրաջ քաղաքում: Ըստ CNN-ի՝ Աթիք Ահմեդը և նրա եղբայր Աշրաֆ Ահմեդը ոստիկանների ուղեկցությամբ գնում էին բժշկական հետազոտության, ինչը հեռարձակվում էր ուղիղ եթերում:

Համացանցում տարածված կադրերում հրաձիգը ոստիկանների ուսերի վրայով ատրճանակը մոտեցնում է նախկին պատգամավոր Աթիք Ահմեդի ճակատին և կրակում: Նրա եղբորը՝ Աշրաֆ Ահմեդին, նույնպես կրակում են: Երկու եղբայրներն էլ վայրկյանների ընթացքում մահանում են:

Ոստիկաններն անմիջապես ձերբակալել են սպանությունն իրականացնող երեք կասկածյալներին: Ըստ լրատվամիջոցների՝ մարդասպանները եղել են մարդկանց ամբոխի մեջ և ներկայացել որպես լրագրողներ:

Երկու եղբայրները, ենթադրաբար, ղեկավարում են տեղի հանցավոր կազմակերպություններից մեկը: Անցյալ շաբաթ ոստիկանությունը Ջհանսի քաղաքում սպանել էր Աթիք Ահմեդի որդուն, որին մեղադրում էին սպանության մեջ. գործը կապված էր Ուտար Պրադեշում գործող մաֆիայի հետ:

Երկու եղբայրների սպանությունից հետո հնարավոր խռովություններից խուսափելու համար Ուտար Պրադեշի կառավարությունն արգելել է 4 հոգուց ավելի խմբերով հավաքներն ամբողջ նահանգում: 

Այս թեմայով ՈւՂԻՂ. Հանրահավաք Ազնավուրի հրապարակում Փաշինյանի հեռացման պահանջով ՈւՂԻՂ. Նիկոլ Փաշինյանը Գավառում է. հանդես է գալիս դասախոսությամբ Սադրիչ ոստիկանը, ով պատգամավորին բերման ենթարկեց ՈւՂԻՂ․ Բողոքի ակցիա Հրազդանում ՈՒՂԻՂ․ Ակցիաները շարունակվում են․ իրավիճակը լարված է ՈՒՂԻՂ. Բողոքի ակցիա ԱԺ-ի դիմաց. պահանջում են Փաշինյանի հրաժարականը ՈՒՂԻՂ. Լարված իրավիճակ. Բագրատաշեն տանող ճանապարհը փակ է Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան ՈՒՂԻՂ․ Տավուշում կոտրել են ցուցարարի դեմքը ՈՒՂԻՂ. Տավուշում իրավիճակը շարունակում է մնալ լարված