Տեղյակ ենք՝ անվտանգային հարցեր կան․ ԵՄ պատվիրակությունն ու տարբեր երկրների դեսպաններ Սյունիքում էին

Սյունիքի մարզպետ Ռոբերտ Ղուկասյանը մայիսի 18-ին ընդունել է Եվրոպայի օրվա տոնակատարությունների շրջանակում Սյունիք այցելած Եվրոպական միության պատվիրակության անդամներին՝  դեսպան Անդրեա Վիկտորինի գլխավորությամբ, ինչպես նաև ՀՀ-ում հավատարմագրված շուրջ 13 պետությունների դեսպանների, դիվանագիտական այլ  ներկայացուցիչների, միջազգային կառույցների ու ծրագրային թիմերի աշխատակիցների։

Նրանց բոլորին միավորում է «Դիմակայուն Սյունիք Թիմ Եվրոպա նախաձեռնությունը», ու հանդիպման ընթացքում զրույցի հիմնական առանցքն այդ նախաձեռնության շրջանակներում մեկնարկած ու իրականացվելիք  ծրագրերն էին։

Նախապես տարեսկզբին հայտարարված 51 եվրո ներդրման փոխարեն, այժմ դրա բյուջեն դարձել է 116 մլն եվրո, շնորհիվ նրա, որ նախաձեռնությանը միացել է ևս 5 պետություն, որոնց դեսպանները նույնպես ներկա էին․ ոմանք առաջին անգամ էին Սյունիքում։

Ռոբերտ Ղուկասյանը շնորհավորեց բոլորին Եվրոպայի օրվա կապակցությամբ ու շնորհակալություն հայտնեց նման մեծ ներկայացուցչական կազմով Սյունիք այցելելու համար, ինչպես նաև մարզի հանդեպ  մշտական ուշադրության ու ներդրումային ծրագրերի  համար։ «Վստահ եմ, որ բարձր մակարդակով իրականացված ծրագրերը, փոխհամագործակցությամբ արված աշխատանքները միշտ դրական արդյունքներ են տալիս։ Նման հանդիպումների ընթացքում ամեն անգամ համոզվում եմ, որ Սյունիքի համար զարգացման հնարավորություններն ավելի են ընդլայնվում և անելու եմ առավելագույնը, որ այս ծրագրերին մեր կողմից աջակցման բոլոր գործիքներն աշխատեն նպատակային՝ հանուն մարզի, հանուն մեր բնակիչների ու հանուն ժողովրդավարության»,-ասաց մարզպետը։

Անդրեա Վիկտորինը նշեց, որ ուրախ է կրկին լինել այստեղ, քանի որ շատ է  սիրում Սյունիքը․ «Այսօր այստեղ եմ  բազմաթիվ երկրների  դեսպանների հետ, ու սա լավ հնարավորություն է ցույց տալու, որ բոլորս միասին ենք Սյունիքին աջակցելու հարցում, պատրաստ՝ դրա համար համատեղելու մեր ջանքերը։ Իհարկե, տեղյակ ենք, որ անվտանգային բազում հարցեր կան, ու մեր ծրագրի մասնակիցների քանակն ավելացրել ենք ցույց տալու, որ իրապես ուսում ենք օգնել  այս տարածաշրջանին։ Սա լավ հնարավորություն է առաջիկա տարիներին զարգացնելու մարզը ու նրա բնակիչներին տալու վստահություն և հույս, որ կարող են ապրել Սյունիքում, որ այստեղ կա տնտեսական, կրթական առողջապահական ու այլ բնագավառների առաջընթաց։ Այս գաղափարներն ու արժեքներն են միավորում բոլորիս»։

Ներկա դեսպանները մարզպետ Ռոբերտ Ղուկասյանից հետաքրքրվեցին մարզային խնդիրների առաջնահերթությունների մասին, նաև այն ուղղությունների, որոնցում պատրաստվում է ներդրում ունենալ «Թիմ  Եվրոպա»-ն։

Այս թեմայով Քննարկվել են ՀՀ-Իտալիա ռազմական համագործակցության հարցեր ՀԻՄԱ. Հայաստանի տարբեր հատվածներում փողոցներ են փակվում Մենք այսօր էլ շարունակում ենք բախվել ցեղասպանության տարբեր դրսևորումների. Սինանյան Սյունիքում տրամադրությունները լարված են. Գորիսի փոխքաղաքապետ Պապիկյանը և Ֆրանսիա-ՀՀ բարեկամական խմբի ղեկավարը տարածաշրջանային անվտանգության հարցեր են քննարկել Ալեն Սիմոնյանի գլխավորած պատվիրակությունն աշխատանքային այցով Իսպանիայում է Ոստիկանները հայտարարում են, թե ՊՆ-ն տեղյակ չի եղել, որ չպետք է ականազերծման աշխատանքներ արվեն Առանձին թեմա է Մհեր Գրիգորյանը, որն իր վրա վերցրեց պատմական ստորագրությունը, հարցեր կան ուղղված նրան Հայաստանի ու Ադրբեջանի վերջին պայմանավորվածությունը նվազեցրել է անվտանգային ռիսկերը սահմանի երկայնքով. Փաշինյան ԵՄ դիտորդները ՀՀ-ում հետախուզությամբ են զբաղված, ինչով էլ առաջացնում են մյուս երկրների դժգոհությունը