Արցախի պետնախարարը հանդիպել է զոհված զինվորների ծնողներին․խնդիրների վերաբերյալ հանձնարարական է տվել

Արցախի շրջափակման պայմաններում կառավարությունն աշխատում է խիստ ծանրաբեռնված պայմաններում, անընդհատ միջոցներ են ձեռնարկվում առկա խնդիրները լուծելու և նոր խնդիրների ձևավորումը կանխելու ուղղությամբ: Բայց այդ ամենին զուգահեռ ձգտում ենք մշտապես ուշադրության և հոգատարության ներքո պահել այն անձանց, ովքեր իրենց ամենաթանկն են նվիրաբերել Արցախին ու համայն հայությանը: Այս մասին գրում է Արցախի պետնախարար Գուրգեն Ներսիսյանը։

«Երեկ հանդիպել եմ զոհված զինծառայողների ծնողների հետ: Նմանատիպ ցանկացած հանդիպման ժամանակ, երբ ակնկալում եմ լսել նրանց ու նրանց ընտանիքների առաջ ծառացած խնդիրները, հանդիպում եմ հակառակին՝ բացառապես հայրենիքի, մեր անվտանգության և Արցախի ժողովրդին հուզող հարցերի շուրջ մտահոգությունների և լսում առկա խնդիրները լուծելու ողջախոհ առաջարկություններ։

Ամեն դեպքում նմանատիպ հանդիպումները փորձ է արվում առավելագույնս ծառայեցնել նաև այն խնդիրները վերհանելու գործին, որոնք հավելյալ դժվարություններ են ստեղծում զոհված զինծառայողների հարազատների համար: Այս հանդիպումը նույնպես բացառություն չէր, որից անմիջապես հետո պետական առանձին մարմինների տրվել են մի շարք խնդիրներ սեղմ ժամկետում կարգավորելու հանձնարարականներ:

Մենք միմյանց ըստ արժանվույնս ճանաչելու, գնահատելու և արժևորելու լրջագույն կարիք ունենք»:

Այս թեմայով «Նույնիսկ Արցախի նկատմամբ ադրբեջանական վերահսկողությունը շատերին ռացիոնալության դաշտ չբերեց» Արցախի նախկին նախագահները Երեւան չեն տեղափոխվել ԵԱՀԿ Մինսկի համանախագահները հանդիպում էին Արցախի ղեկավարության հետ, խոսում էին տեռորիստների հե՞տ, իսկապե՞ս. Օսկանյան Արցախի նախագահը դեռ կմնա Արցախում․ հայտարարություն Չհուսահատվե՛ք, չընկրկե՛ք, սատանայի կամքին չհանձնվե՛ք․ Արամ Ա-ն Արցախի զորակցական աղոթք է կատարել Արևմուտքի համար Ալիևը «լավ» բռնապետ է ու իրեն չեն պատժելու. ադրբեջանագետ Հայերը Վրաստանում քայլերթ են կազմակերպել՝ ի աջակցություն Արցախի Հայաստանյան եկեղեցիներում կկատարվեն ամենօրյա աղոթքներ՝ ի զորակցություն Արցախի ժողովրդի Ի ցավ բոլորիս, համազգային աղոթքը չի հնչում Արցախի եկեղեցիներից․ Աստված պահապան մեր ժողովրդին Արցախի համար համազգային աղոթք է անցկացվում. դուրս է բերվում Սուրբ Գեղարդը. ՈՒՂԻՂ