Գազի բալոնի պայթյունից Ստեփանակերտում փլուզվել է ավտոտնակի պատը. փլատակների տակից հայտնաբերվել է 34-ամյա բնակչի դին

Գազի բալոնի պայթյունից փլուզվել է ավտոտնակի պատը: Փլատակների տակից հայտնաբերվել է մայրաքաղաքի 34-ամյա բնակչի դին: Հայտնում են Արցախի Հանրապետության ՆԳՆ ԱԻՊԾ -ից:

Մայիսի 27-ին ժամը 14:31-ին, Ստեփանակերտ քաղաքի բնակչից ճգնաժամային կառավարման կենտրոն ահազանգ է ստացվել, որ Ա. Առաքելյան 1 հասցեում գտնվող ավտոտնակում պայթյուն է եղել:

Դեպքի հանգամանքները պարզելու և փրկարարական աշխատանքներ կատարելու նպատակով, պայթյունի վայր են մեկնել ՆԳՆ ԱԻՊԾ  հրշեջ-փրկարարական մեկ մարտական հաշվարկ, արագ արձագանքման հատուկ ստորաբաժանման հերթապահ խումբը, ոստիկանության Ստեփանակերտ քաղաքի վարչության ծառայողները` ՆԳ նախարար Կարեն Սարգսյանի և ԱԻ պետական ծառայության տնօրեն Մեխակ Արզումանյանի գլխավորությամբ,  ինչպես նաև Քննչական կոմիտեի Ստեփանակերտ քաղաքի քննչական վարչության աշխատակիցները, շտապ բժշկական օգնության բժիշկների խումբը։

Որոնողափրկարարական աշխատանքների արդյունքում, փլատակների տակից փրկարարները հայտնաբերել են մայրաքաղաքի Ա. Առաքելյան 1 շենքի բնակիչ Ա. Գ.-ի դին և տեղափոխել «Դատաբժշկական փորձաքննության բյուրո» ՊՈԱԿ:

Փրկարարները հատուկ տեխնիկական ու ձեռքի  միջոցներով  իրականացրել են շինության թուլացած և կախված կառուցատարրերի ապամոնտաժման աշխատանքներ: 

Պայթյունի հետևանքով վնասվել են նաև ավտոտնակի ներսում և մոտակա տարածքում գտնվող «VAZ 21-06» և «Opel Astra G» մակնիշի ավտոմեքենաները։

Ստուգմամբ զբաղվում է ՆԳՆ ոստիկանությունը։

Այս թեմայով Վրաերթ՝ Արարատի մարզում. 28-ամյա վարորդը Mercedes-ով վրաերթի է ենթարկել հետիոտնին. վերջինս հոսպիտալացվել է Այսօր Ստեփանակերտում տեղի կունենա Արցախի և Ադրբեջանի ներկայացուցիչների հանդիպումը Կոնդ թաղամասում 43-ամյա տղամարդու սպանության կասկածանքով ձերբակալվել է վերջինիս կնոջ եղբայրը Մեզ բաժին հասած փորձությունը․ փրկարարները Ստեփանակերտում աղոթք են բարձրացրել առ Աստված Որպես անհետ կորած որոնվող 84-ամյա տատիկը հայտնաբերվել է Արարատի մարզում մահացել է Արցախի ամենատարեց՝ 103-ամյա բնակիչը․ նա բռնագաղթել էր Վանք գյուղից Հենաշարժողական խնդիր ունեցող 15 արցախցի Ստեփանակերտում է. այսօր նրանց կտեղափոխեն Հայաստան Բնակարանները վարձակալությամբ տալու պատրվակով 48-ամյա կինը 5 անձից խարդախությամբ հափշտակություններ է կատարել. ՀՀ քննչական կոմիտեն զգուշացնում է «Վարդաշենում» ծառայողների կողմից հայտնաբերվել են բջջային հեռախոսներ և այլ արգելված իրեր Արցախում պայթյունի վայրից հայտնաբերված 170 աճյուն կտեղափոխվի ՀՀ՝ ինքնությունները պարզելու համար