ՀՀ իշխանությունները Թուրքիայի ուղերձները հաշվի չեն առնում, ինչը մեր ժողովրդին կորուստներ է բերում․ Տիգրան Աբրահամյան

«Թուրքիան շարունակում է պնդել, որ իր սատարմամբ է Ադրբեջանը 44-օրյա պատերազմում Հայաստանի դեմ հաղթանակ տարել և շարունակում է պնդել, որ ցանկացած դեպքում, նույնիսկ՝ ուժի կիրառման, նորից աջակցելու է Ադրբեջանին։

Հայաստանի իշխանությունները այդ ուղերձները հաշվի չեն առնում և շարունակում են իրենց այն քաղաքականությունը, որը մեր ժողովրդին կորուստներ է բերում` տարածքային և մարդկային առումով»,-այս մասին ԼՈՒՐԵՐ.com-ի հետ զրույցում տեսակետ հայտնեց ՀՀ ԱԺ պատգամավոր, «Պատիվ ունեմ» խմբակցության քարտուղար Տիգրան Աբրահամյանը` անդրադառնալով վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի՝ հունիսի 28-ին տեղի է ունեցած հեռախոսազրույցին, որտեղ վարչապետը շնորհավորել է Թուրքիայի նախագահին՝ Կուրբան Բայրամի առթիվ, իսկ Էրդողանը շնորհավորել է վարչապետին՝ գալիք Վարդավառի՝ Հիսուս Քրիստոսի Պայծառակերպության տոնի առթիվ։ Աբրահամյանի խոսքով` Փաշինյանի շնորհավորանքը շատ տարօրինակ էր՝ հաշվի առնելով այն հանգամանքը, որ նաև Թուրքիան է հովանավորում Ադրբեջանական ագրեսիվ գործողությունները Արցախի և Հայաստանի ուղղությամբ։

«Հայաստանի վարչապետի պաշտոնը զբաղեցնող անձը, նույնիսկ թուրք-ադրբեջանական ագրեսիայի օրը, զանգում և շնորհավորական տեքստեր է հղում Թուրքիայի նախագահին։ Պետք է հասկանալ, որ իշխանության այն քաղաքական կուրսը, որը դրվել է դեռևս 2018թ-ից, որոշակի առումով չպետք է անակնկալի բերեր, որովհետև, հայաստանյան իշխանությունները պարզ ցույց են տվել, որ իրենց համար առաջնայինը հայկական շահը, Արցախին կամ Հայաստանին վերաբերող հարցերը չեն»։

Զրուցակցի խոսքով` երեք տասնամյակ միջազգային հանրությանը և առհասարակ իսլամական երկրներին ուղերձ է հասցվել առ այն, որ սա կրոնական պատերազմ չէ և մեր պահանջները որևէ կապ չունեն կրոնական հանգամանքի հետ։

«Հիմնախնդրի հիմքում արցախցիների ինքնորոշման իրավունքի իրացման հարցն է, որը բխում է նաև միջազգային իրավունքից և այն գործընթացներից, որոնք երեք տասնամյակ առաջ մեկնարկել են Արցախում․ դրանք բացառապես եղել են այդ ժամանակ գործող սովետական ԽՍՀՄ սահմանադրության և միջազգային օրենքի շրջանակներում»,-ասաց Աբրահամյանը և նշեց, որ վարչապետի վարած քաղաքականությունը եթե ճիշտ լիներ, ապա ինքը խորհրդարանական ընդդիմությանը չէր ներկայացնի։

«Ո՞նց կարող է այսպիսի քաղաքականությունը ճիշտ լինել, եթե դրա հետևանքը Արցախի մեծ մասի հանձնումն է, Արցախի շրջափակումը, ՀՀ ինքնիշխան տարածքների կորուստը, հազարավոր մեր հայրենակիցների նահատակվելը։ Այսինքն, այն ինչ տեղի է ունեցել այս հինգ տարվա ընթացքում՝ այս իշխանության օրոք, խոսում է նրա մասին, որ երկրում իշխանության ղեկը ստանձնել է մի ուժ, որը երկիրը տարել է տապալման, քաոսի և դժոխքի ճանապարհով»,-ասաց նա։

Այս թեմայով Ու՞մ եք ձեռք առնում, ի՞նչ ա նշանակում նախնական սահմանազատում, հո սա գուլպա չէ, ամեն օր փոխենք (տեսանյութ) Երուսաղեմում Թուրքիայի քաղաքացին դանակահարել է իսրայելցի ոստիկանի (տեսանյութ) Նույնիսկ 2 տարեկան երեխային էդպես չեն խաբում, ոնց որ հիմա Կիրանցի ժողովրդին է խաբում իշխանությունը (տեսանյութ) Չենք հանձնում, մենք տալիս ենք այն, ինչը մերը չէ. ՔՊ-ական (տեսանյութ) 2021թ.-ին Նիկոլը «շանս էր տվել» մեր ժողովրդին՝ հրաժարվել թուրք-ադրբեջանական պարտադրվող օրակարգերից. Արտակ Զաքարյան Իմ դեմ արշավ է իրականացվել «արևմտամետի» անվան տակ՝ Թուրքիայի և Ադրբեջանի գործակալական ցանցի կողմից. Մարուքյան Որևէ իշխանություն չի կարող առանց ժողովրդի կամքը հաշվի առնելու թշնամուն նվիրել ՀՀ տարածքները․ ՀՅԴ ՀԵՄ ՀՀ իշխանությունները հայտարարել են, որ Պուտինին չեն «ձերբակալի», եթե նա գա Հայաստան Երկրի ղեկավարը գոյություն չունի էս երկրում ով իր սեփական ժողովրդին մատնել է տեռորի (տեսանյութ) «Ոստիկանն ի՞նչ պտի անի, պտի խոշտանգի ժողովրդին», «Մի ոգևորվեք, հանգիստ». գերլարված իրավիճակ