Աղետալի և անտեր վիճակ Արթիկի բազմաբնակարան շենքերում

ՀՅԴ Շիրակի մարզային կոմիտեության ներկայացուցիչ Մհեր Մելքոնյանը ահազանգել է Արթիկի բազմաբնակարան շենքերում տիրող իրավիճակի մասին՝ նշելով.

«Մի քանի մետր շինարարական թաղանթ՝ կահույքն ու տեխնիկան առաստաղից հոսող ջրից փրկելու համար։

Եվ նաև տան բոլոր տարողունակ տարաները՝ տաշտերից մինչև պլաստիկ դույլեր․․․․

Ահա այսպիսի տեսք ունեն Արթիկ քաղաքի Տոնականյան 38 և Սասունցի Դավթի 9 շենքերի բնակարանների մեծ մասը։

Նախօրեին տեղացած հորդառատ անձրևը ջրհեղեղ է առաջացրել Արթիկի բազմաբնակարան շենքերում։ Քաղաքի շենքերից մեկի բնակիչները բողոքել են հեղեղված բնակարաններից և գույքի վնասումից ։ Պատճառը տանիքի ձգձգված վերանորոգումն է, որի պատճառով հեղեղվել են Տոնականյան 38 և Սասունցի Դավթի 9 տների վերին հարկերի բնակարանները։

Բնակիչները սոցիալական ցանցերում դժգոհել են, որ պատերի երկայնքով ջուրը հոսել է դեպի 5-րդ, 4-րդ և 3-րդ հարկերը։

Բնակարաններում ձգվող առաստաղները կախվում են, սվաղը հեռանում է պատերից և ընկնում առաստաղից, պաստառները պոկվում են, գիպսաստվարաթղթերը, հատակը և կահույքը թրջվում են։ Ջուրը հայտնվում է նաև կենցաղային տեխնիկայի և էլեկտրական լարերի վրա՝ ստեղծելով հրդեհի վտանգ։ Սրա պատճառով որոշ բնակարաններում մարդիկ ստիպված են եղել անջատել հոսանքը։

Ամենացավալին այն է, որ քաղաքացիները մնացել են մեն-մենակ այս ծանր իրավիճակում։

Այս անհետաձգելի խնդիրը լուծելու հույսով բնակիչները դիմել են նաև ՀՅԴ Արթիկի «Թաթուլ Կրպեյան» կոմիտեին։

Այսօր խոսել եմ ՀՀ ԱԺ-ի «Հայաստան» խմբակցության գործընկերներիս հետ՝ ստեղծված իրավիճակին հետամուտ լինելու խնդրանքով։

Հ․Գ․

Համայնքապետարանի պաշտոնական կայքից տեղեկանում ենք, որ ապրիլ ամսից մեկնարկել են Արթիկ քաղաքի բազմաբնակարան շենքերի տանիքների հիմնանորոգման աշխատանքները։

2023 թվականին հիմնանորոգվելու են 15 բազմաբնակարան շենքերի տանիքներ։

Ծրագրի ընդհանուր գումարը կազմում է 120 մլն 883.000 դրամ։

Նշված գումարից 54 մլն 397.000 դրամը սուբվենցիայով տրվող գումարն է, իսկ 66 մլն 485.000 դրամը՝ համայնքի ներդրումը։

Շինարարական աշխատանքների իրականացման մրցույթը շահել են 《Մաստերգրուպ》 ՍՊԸ-ն, 《ՈՒյուտ Սենթր》 ՍՊԸ-ն, 《Աշոտ և Հայկ եղբայրներ》 ՍՊԸ-ն»։

Այս թեմայով «Դավայ հլը, ինձ մի նկարի». լարված վիճակ՝ Վայք-Եղեգնաձոր ճանապարհին (տեսանյութ) «Բռնություն մի գործադրեք», «Թուրք եք», «Նիկոլ, դավաճան». Տավուշում լարված վիճակ է ու քաշքշուկ «Ախպեր, իմ հող ու ջրի վրա քայլում եմ, չեք թողում», «Սա մեր հայրենիքն ա, չենք գնալու». լարված վիճակ (տեսանյութ) Գերլարված վիճակ ու քաշքշուկ. ոստիկանները ցուցարարներին թույլ չեն տալիս մոտենալ Ոսկեպարի Եկեղեցուն (տեսանյութ) «Առավոտն էս Եկեղեցին չի լինելու, միները հանում են, ոչ մի գարանտիա չկա». Ոսկեպարում գերլարված վիճակ է (տեսանյութ) Ամոթ ձեզ, թուրքին ճամփա եք բացում. Ոսկեպարում գերլարված վիճակ է, փորձում են արգելել ականազերծումը (տեսանյութ) «Արի ասեմ, արա, գիտե՞ս վախու՞մ եմ». Ոսկեպարում եկեղեցու մոտ գերլարված վիճակ ու քաշքշուկ է Փաստաթղթի նենգ ծնունդը վտանգավոր վիճակ է ստեղծել, միակ ելքը քաղաքական փոփոխություններն են. Հովհաննիսյան «Կգամ` ոտնատակ կտամ, 8 ժամ ա կանգնեցրել ես», «Նորմալ խոսա, ի՞նչ ես ասում». լարված վիճակ է Տավուշում Սա Կիրանցի հարցը չի, ողջ ՀՀ-ի հարցն է, մեզ շատ են խաբել, արդեն պարզ ա ամենը. լարված վիճակ` Տավուշում