Հայտնաբերվել է թաղանթապատված դիմապակիով 16 մեքենա․ խորհրդակցություն Արագածոտնի պարեկների հետ

Պարեկային ծառայության Արագածոտնի մարզի գումարտակի ծառայողների մասնակցությամբ հուլիսի 13-ին Աշտարակում տեղի ունեցավ աշխատանքային խորհրդակցություն, որը վարում էր պարեկային ծառայության պետ, ոստիկանության գնդապետ Արթուր Խուդինյանը։ Ներկա էին պարեկային ծառայության պետի տեղակալ, գնդապետ Արմեն Մաթևոսյանը և ոստիկանության Արագածոտնի մարզային վարչության պետ, ոստիկանության գնդապետ Ալեքսանդր Հակոբյանը։

Արթուր Խուդինյանը կարևորեց պարեկային ծառայության տեղն ու դերը ոստիկանության համակարգում, շեշտադրեց առաջնահերթությունները, խոսեց պարեկային ծառայողի պատասխանատվության և բարեվարքության մասին։ Պարեկային ծառայության պետը անդրադարձավ հասարակական կարգի պահպանության և հանցավորության դեմ պայքարում անզիջում լինելու անհրաժեշտությանը։ Նա կարևորեց հատկապես քաղաքացիների հետ համագործակցությունը, գրագետ հաղորդակցությունը, շփումներում բարեկիրթ և հավասարակշռված կեցվածքը։ Խոսելով իրավախախտում կատարած անձանց հետ ճիշտ փոխհարաբերությունների մասին՝ Արթուր Խուդինյանը կարևորեց վարչական իրավախախտումների հայտնաբերման և արձանագրման ժամանակ քաղաքացիներին համապատասխան իրավական նորմերը պարզաբանելու անհրաժեշտությունը:

Խորհրդակցության ավարտին Արագածոտնի մարզի գումարտակի պարեկները ստացան համապատասխան հրահանգավորում և անցան ուժեղացված ծառայության, որի ընթացքում հայտնաբերվել են ճանապարհային երթևեկության կանոնների 140 խախտում՝ պահպանվող հատուկ տարածք տեղափոխելով 13 մեքենա։

Հայտնաբերվել է ոչ սթափ 3 վարորդ, առանց վարորդական իրավունքի վկայականի տրանսպորտային միջոց վարող՝ 12, չամրակապված վարելու՝ 32 իրավախախտում։ Հայտնաբերվել է նաև առանց ԱՊՊԱ պայմանագրի՝ 11, տեխնիկական զննություն չանցած՝ 25, թաղանթապատված դիմապակիով և կողային ապակիներով՝ 16 մեքենա։ Արձանագրվել են նաև 41 այլ իրավախախտումներ։

Նմանօրինակ հանդիպումները և ուժեղացված ծառայությունները պարբերական են։

Այս թեմայով Մի խումբ պարեկներ կազմել են վարչական իրավախախտման վերաբերյալ կեղծ արձանագրություններ. ՆԳՆ-ի բացահայտումը Պարեկները մարզերում ուժեղացված ծառայություն են իրականացրել (տեսանյութ) Երևանում պարեկներն իրականացրել են «Թարս գնաս, տեղ չես հասնի» օպերացիա Լոռիում պարեկները բռնություն են գործադրել քաղաքացու նկատմամբ (տեսանյութ) Երևանում հարսանիքի մասնակիցները հարձակվել են պարեկների վրա. նրանք մեկ այլ պարեկի ազգականներն են «Պարեկները հայհոյում են շիրակցիներին, սպառնում բոլոր տաքսի վարողներին»․ ահազանգ (տեսանյութ) Քաղաքացին պարեկների հետ վիճաբանության է բռնվել, հայհոյանքներ հնչեցրել Պարեկներն ապրիլի 24-ից մայիսի 1-ը Երևանում հայտնաբերել են 4738, վեց մարզերում ՝ 6638 խախտում Ջրային պարեկները քննություն են տվել․ ծառայությունը կսկսվի աշնանը Պարեկները մարտի 6-ից 13-ը Երևանում հայտնաբերել են 5428, վեց մարզերում՝ 6818 խախտում (տեսանյութ)