Փրկել են երեք ամիս Խաղաղ օվկիանոսում անցկացրած ավստրալացուն և նրա շանը

Ավստրալացի նավաստի Թիմ Շեդոքը, ով մոտ երեք ամիս անցկացրել է Խաղաղ օվկիանոսում, իրեն լավ է զգում, ասում են բժիշկները: Հուլիսի 12-ին Մեքսիկայի ափերի մոտ 51-ամյա ավստրալացուն և նրա շանը՝ Բելլային, փրկել է ձկնորսական նավը, գրում է BBC–ն։

Սիդնեյում ապրող Շեդոքը ծովային ճանապարհորդության սիրահար է։ Ապրիլին նա որոշել է հաղթահարել ավելի քան 6 հազար կիլոմետր՝ Մեքսիկայից դեպի Ֆրանսիական Պոլինեզիա։

Նրա փոքրիկ նավը լքել է մեքսիկական Լա Պազ նավահանգիստը, սակայն մի քանի շաբաթ անց փոթորիկը խափանել է էլեկտրոնիկայի և ռադիոկապի համակարգերը, և այդ ժամանակվանից ի վեր նավը շարժվել է հոսընթացով օվկիանոսի ջրերում:

Դեռևս պարզ չէ, թե ինչպես են ընթացել ավստրալացու որոնումները, որքան մասշտաբային են դրանք եղել և ինչու արդյունք չեն տվել մի ամբողջ երկու ամիս։ Հաղորդվում է միայն, որ հուլիսի 12-ին նավը նկատել է մի ուղղաթիռ, որից հետո ժամանել է թունա ձկնորսության մեջ մասնագիտացած նավը։

«Ես շատ փորձությունների միջով եմ անցել ծովում: Հիմա ինձ միայն հանգիստ և լավ սնունդ է հարկավոր։ Ես երկար ժամանակ է՝ թերսնված եմ»,- ասել է Թիմ Շեդոքը ավստրալիական 9 News հեռուստաալիքին:

Ինքը՝ Շեդոքը, իր վիճակը բավարար է գնահատում։ Նրա շան վիճակի մասին մանրամասներ չեն հաղորդվում։

Նավաստիի խոսքով՝ իրեն օգնել են գոյատևել ձկնորսական ցանցերը, որոնց օգնությամբ նա ձուկ է բռնել և շան հետ հում վիճակում կերել, ինչպես նաև անձրևաջուր է խմել։ Արևից ավստրալացին պաշտպանվել է իր նավի ծածկի տակ։

Նշվում է, որ Շեդոքը և շուն Բելլան որոշ ժամանակ կանցկացնեն մեքսիկական հիվանդանոցում՝ բժիշկների հսկողության ներքո:

Այս թեմայով Հայաստանին և Ադրբեջանին խրախուսել եմ պահպանել խաղաղ բանակցությունների թափը. ԵԱՀԿ գործող նախագահ Խաղաղ անհնազանդության ակցիաները մեկնարկելու են առավոտյան ժամը 08:00-ից Տերյան փողոցը պարալիզացված է. ոստիկանները բերման են ենթարկում խաղաղ ցուցարարներին (տեսանյութ) Անընդունելի է, դրոշակը ձեռքին խաղաղ ցուցարարին ինչո՞ւ ես կալանավորում. Օսիպյան (տեսանյութ) Մենք կարող ենք բանակին ասել՝ 44 օր կռվի, բայց մի 14 օր պատրաստ չենք մասնակիցը լինել խաղաղ ակցիաների. Վահե Հովհաննիսյան Ամոթ, խայտառակություն․ ոստիկանները բիրտ ուժ կիրառելով բերման են ենթարկում խաղաղ անհնազանդության ակցիա իրականացնող քաղաքացիներին (տեսանյութ) Կարճ ուղեցույց «Հանուն Հայրենիքի» շարժման նախաձեռնած խաղաղ հավաքների մասնակիցների համար ՈՒՂԻՂ. Մեկնարկվել են խաղաղ անհնազանդության ակցիաները (տեսանյութ) ԵՊՀ-ի Արհմիությունը կոչ է անում ԵՊՀ բոլոր դասախոսներին և աշխատողներին միանալ համազգային բողոքի և խաղաղ անհնազանդության միջոցառումներին Լավ, ի՞նչ անենք, շենքեր պայթեցնե՞նք, սա խաղաղ, հաշտության պայքար է, ժողովու'րդ ջան. Սրբազան (տեսանյութ)