ՔՊ–ն չարաշահում է այլ համայնքների վարչական ռեսուրսը՝ Երևանի ընտրություններում ձայն բերելու համար․ Դանիել Իոաննիսյան
«Քաղաքացիական պայմանագիր» կուսակցությունը չարաշահում է այլ համայնքների վարչական ռեսուրսը՝ Երևանի ընտրություններում ձայն բերելու համար
«Անկախ դիտորդ» հասարակական դաշինքը՝ FIP.am «Փաստերի ստուգման հարթակի» հետ միասին, կատարել է հետաքննություն, որի սահմաններում FIP-ի լրագրողը, ներկայանալով «ՔՊ գրասենյակից», խոսել է Սպիտակ համայնքի ղեկավարի տեղակալի ու նույն համայնքի 10-ից ավելի գյուղերի ղեկավարների հետ, որոնց մեծ մասը մանրամասն պատմել է, թե ինչպես են ցուցակագրում Երևանի գրանցմամբ Ավինյանի ընտրողներին: Այս մասին ֆեյսբուքյան իր էջում գրել «Իրազեկ քաղաքացիների միավորման» համակարգող Դանիել Իոաննիսյանը։
«Խոսակցությունների ձայնագրություններից պարզ է դառնում, որ ցուցակագրումների հրահանգը եկել է ԱԺ պատգամավոր, ՔՊ վարչության փոխնախագահ Գևորգ Պապոյանից՝ Սպիտակի համայնքապետ Քաջայր Նիկողոսյանի միջոցով:
Ամբողջական նյութը՝ ձայնագրություններով ու ցուցակներով՝ կդնեմ առաջին մեկնաբանությունում»,–գրել է նա։