Փոխնախարարն ունեցվածքը փորձել է թաքցնել կնոջ հայտարարագրում. «Ժողովուրդ»

«Ժողովուրդ» օրաթերթը գրում է. ՀՀ աշխատանքի և սոցիալական հարցերի նախարարի տեղական Ռուբեն Սարգսյանը պաշտոնը ստանձնել է 2020 թվականի դեկտեմբերի 22-ին։ Նշենք, որ
Սարգսյանը չունի աշխատանքային լուրջ ձեռքբերումներ. հիմնականում աշխատել է որոշ հասարակական կազմակերպություններում։ Մինչ նախարարի տեղակալ դառնալը՝ 2020 թվականին, տարբեր ծրագրերի շրջանակներում աշխատել է «Իրազեկ քաղաքացիների միավորում» խորհրդատվական ՀԿ-ում՝  որպես հետազոտող, խորհրդատու, սոցիոլոգ, վիճակագիր։

Նրա բանկային հաշիվների մնացորդները տարեվերջին կազմել են 100 եվրո, 5 հազար դոլար, 2 մլն 889 հազար դրամ։ Կանխիկ դրամական միջոցները կազմել են 5 հազար դոլար, 2 մլն 700 հազար դրամ։ Նրա դրամական միջոցները կազմել են 13 մլն 547 հազար դրամ, որից 13 մլն 371 հազարը աշխատանքի վարձատրություն է ՀՀ սոցիալական հարցերի նախարարությունից, 28 հազար դրամը՝ Ժուռնալիստների «Ասպարեզ» ակումբից, 52 հազար դրամը՝ «ՖՐԻԴՐԻԽ-ԷԲԵՐՏ» հիմնադրամի հայաստանյան մասնաճյուղից։

Փոխնախարարի կինը՝ Լիանա Բալյանը, հայտարարագրել է միանձնյա սեփականությամբ բնակարան, որը ձեռք է բերվել 2017 թվականին Նոր Նորք վարչական շրջանում, սակայն ամուսինը որևէ անշարժ գույք չի հայտարարագրել։

Նա 2020 թվականին ձեռք է բերել նոր մեքենա՝ 2011 թվականի արտադրության, Hyundai մակնիշի, սակայն ամուսինը որևէ տրանսպորտային միջոց չի հայտարարագրել։

Բալյանը, ըստ ամուսնու հայտարարագրի, աշխատում է վարչապետի աշխատակազմում՝ որպես մոնիթորինգի և գնահատման մասնագետ։ Նրա բանկային հաշիվների մնացորդները կազմել են 6 մլն 262 հազար դրամ, կանխիկ դրամական միջոցները՝ 17 հազար 800 դոլար և 4 մլն դրամ։

Նրա՝ հաշվետու տարվա եկամուտները կազմել են 13 մլն 318 հազար դրամ, որից 5 մլն 476 հազարը՝ վարչապետի աշխատակազմից, 7 մլն 519 հազար դրամը՝ Հասարակական հետազոտությունների առաջատար խմբից. երկու դեպքում էլ եկամտի տեսակը եղել է որպես քաղաքացիաիրավական այլ պայմանագրերից ստացված եկամուտ։

Իսկ աշխատանքի վարձատրություն նա ստացել է «Հելսինկյան քաղաքացիական ասամբլեայի Վանաձորի գրասենյակ» ՀԿ-ից՝ 332 հազար դրամ։

Այսպիսով, հասարակական կազմակերպությունների հետ լավ հարաբերություններ ունեցող փոխնախարարը ունեցվածքը փորձել է թաքցնել կնոջ հայտարարագրում։

Այս թեմայով Համախմբվիր, հայ ժողովուրդ, քո զորությունը միասնականության մեջ է, մեզ միավորողը Հայաստանն է. Արամ Ա (տեսանյութ) ««Ժողովուրդ, դուք 3 մլն վարչապետ եք», վստահ եմ, չհավատացիք այս խոսքերին, հավատացե՛ք անմահությանը» (տեսանյութ) «Ժողովուրդ». Հենրիխ Մխիթարյանին շնորհավորեցին բոլորը` բացի ՀՖՖ-ից «Ժողովուրդ». Աննա Հակոբյանը քաղաքական նպատակով էր Գյումրիում. թեմի առաջնորդը «վտանգ» է համարվում «Ժողովուրդ». Սասուն Խաչատրյանին չեն նեղացնի. ՔՊ-ն հանդիպելու է ՍԴ-ի իր «սրտի» թեկնածուի հետ Ժողովուրդ, հելեք ոտի, կործանման են տանում, ես արդեն տուն եմ կորցրել, փողով չեն խաբի ոչ մեկիս. ակցիա «Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ «Ժողովուրդ». Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը ՔՊ-ում խիստ ծանր են տարել Փաշինյանի կնոջ և դստեր հետ Ծիծեռնակաբերդում տեղի ունեցած միջադեպը․ ինչ են քննարկել Ապրիլի 25-ը որոշիչ օր է Մամիկոն Ասլանյանի համար. «Ժողովուրդ»