Ճապոնիան սկսել է «Ֆուկուսիմա-1» ատոմակայանից ռադիոակտիվ ջրի արտանետումը օվկիանոս

Ճապոնիայում սկսվում է «Ֆուկուսիմա-1» վթարային ատոմակայանից մաքրված ջրի արտանետումը օվկիանոս։ Ակնկալվում է, որ 2023 ֆինանսական տարում ատոմակայանից կթափվի մոտ 31,2 հազար տոննա հեղուկ, իսկ գործընթացն ինքնին կտևի մի քանի տասնամյակ, գրում է ՏԱՍՍ-ը։

«Ֆուկուսիմա-1»-ի վթարը տեղի է ունեցել 2011 թվականին ցունամիից հետո, որն անջատել է էլեկտրամատակարարման և հովացման համակարգերը: Արդյունքում՝ միջուկային վառելիքը հալվել է երեք էներգաբլոկների ռեակտորներում, այն այրվել է պաշտպանիչ պարկուճների միջով։ Սա ուղեկցվել է ջրածնի պայթյուններով, որոնք վնասել են 4-րդ միավորը: Միաժամանակ, մեծ քանակությամբ ռադիոակտիվ նյութեր են արտանետվել, ինչը հանգեցրել է կայանի հարակից տարածքների աղտոտմանը։ Ատոմակայանի ապամոնտաժումը նախատեսվում է ավարտել մինչև 2050 թվականը։

Ատոմակայանի տարածքում գտնվող տանկերում կուտակվել է ավելի քան 1,25 մլն տոննա ջուր, որն օգտագործվել է 2011 թվականի մարտին ցունամիից վնասված ռեակտորների սառեցման համար։ Ճապոնիայի կառավարությունը պնդում է, որ ջուրն, ընդհանուր առմամբ, զերծ է ռադիոակտիվ նյութերից և պարունակում է միայն ջրածնի իզոտոպ (տրիտում)։ 2021 թվականի ապրիլին Տոկիոն որոշեց այս ջրի զգալի մասը լցնել օվկիանոս։ Արտահոսքն առաջարկվում է իրականացնել հատուկ կառուցված թունելի միջոցով 30 տարի շարունակ՝ ՄԱԳԱՏԷ-ի հսկողության ներքո։

Այս թեմայով Օվկիանոսի հատակին հայտնաբերված ժամացույցը վերականգնվել է և վերադարձվել տիրոջը Խաղաղ օվկիանոսի հատակին տարօրինակ «ոսկե ձու» է հայտնաբերվել Փրկել են երեք ամիս Խաղաղ օվկիանոսում անցկացրած ավստրալացուն և նրա շանը Հայաստանի ակուլաները չափից շատ են, կարո՞ղ ա օվկիանոս ունենք, չգիտենք. Ֆիրդուսի բնակիչ Նավակից ընկած ձկնորսը երկու օր անցկացրել է բաց օվկիանոսում ու ողջ մնացել Տղամարդն ընկել է զբոսաշրջային նավից, 15 ժամ անցկացրել օվկիանոսում և ողջ մնացել (տեսանյութ) Օվկիանոսագետները նկարահանել են ծաղկի նմանվող կենդանու (տեսանյութ) Օվկիանոսագետները Անտարկտիդայի սառցադաշտի տակ նկարահանել են կենդանի արարածների ՀՀ նախագահն ու Ֆուկուսիմա Մասանորին մտքեր են փոխանակել հայ-ճապոնական երկկողմ օրակարգի և փոխգործակցության խորացման շուրջ Երկրագնդի վրա նոր օվկիանոս է առաջանալու. NBC News (տեսանյութ)