Նավակից ընկած ձկնորսը երկու օր անցկացրել է բաց օվկիանոսում ու ողջ մնացել

Բրազիլացի 43-ամյա ձկնորս Դեյվիդ Սոարեսն ընկել է ձկնորսական նավից, երկու օր անցկացրել բաց օվկիանոսում և փրկվել։ Այս մասին հայտնում է G1 Globo-ն։

Միջադեպը տեղի է ունեցել դեկտեմբերի 25-ին, երբ տղամարդը ձկնորսություն էր անում Սան Ժոաու դա Բարրա քաղաքի մոտ գտնվող Ատաֆոնա լողափի մոտ։ Ինչ-որ պահի Սոարեսն ընկել է նավից։ Տղամարդը փորձել է հետ մագլցել, սակայն ուժեղ հոսանքի պատճառով չի կարողացել դա անել։

Սոարեսը խուճապի չի մատնվել, հանել է շարժումը սահմանափակող հագուստը և սկսել է լողալ Ատլանտյան օվկիանոսի հոսանքով։ «Ինձնից մոտ չորս ժամ պահանջվեց, որպեսզի հասնեմ բույին, որը նշում էր Ասու նավահանգստի մուտքը», - ասում է նա: Երկու օր շարունակ տղամարդը կառչել է ազդանշանային բույից՝ փորձելով ողջ մնալ: Սոարեսի անհանգստացած ընտանիքը դիմել է տեղի ձկնորսական համայնքին՝ նրան գտնելու հարցում օգնության համար:

Հաջորդ օրը ձկնորսները, որոնց թվում եղել են անհայտ կորածների ընկերները, գտել են նրա դատարկ նավակը։ «Շատ անգամ մտածում էի, որ կսառեմ մինչև օգնությունը», - կիսվել է Սոարեսը իր մտահոգիչ հիշողություններով: Ի վերջո, դեկտեմբերի 27-ի առավոտյան ձկնորսներին հաջողվել է տղամարդուն գտնել։ Ավելի ուշ Սոարեսը տեղական Inter TV RJ-ին խոստովանել է, որ քիչ էր մնում լաց լիներ, երբ տեսավ, թե որքան ուրախ էին իր գործընկերները՝ հայտանաբերելով իրեն:

Տղամարդը բուժօգնություն է ստացել։ Դեպքից ընդամենը մեկ օր անց, հաղթահարելով ջրազրկման հետևանքները, նա վերադարձել է աշխատանքի։ «Ես երկրորդ հնարավորություն ստացա կյանքին այլ աչքերով նայելու և ավելի լավ մարդ դառնալու համար»,- ասում է նա։

Այս թեմայով Օվկիանոսի հատակին հայտնաբերված ժամացույցը վերականգնվել է և վերադարձվել տիրոջը Խաղաղ օվկիանոսի հատակին տարօրինակ «ոսկե ձու» է հայտնաբերվել Ճապոնիան սկսել է «Ֆուկուսիմա-1» ատոմակայանից ռադիոակտիվ ջրի արտանետումը օվկիանոս Փրկել են երեք ամիս Խաղաղ օվկիանոսում անցկացրած ավստրալացուն և նրա շանը Հայաստանի ակուլաները չափից շատ են, կարո՞ղ ա օվկիանոս ունենք, չգիտենք. Ֆիրդուսի բնակիչ Տղամարդն ընկել է զբոսաշրջային նավից, 15 ժամ անցկացրել օվկիանոսում և ողջ մնացել (տեսանյութ) Օվկիանոսագետները նկարահանել են ծաղկի նմանվող կենդանու (տեսանյութ) Օվկիանոսագետները Անտարկտիդայի սառցադաշտի տակ նկարահանել են կենդանի արարածների Երկրագնդի վրա նոր օվկիանոս է առաջանալու. NBC News (տեսանյութ)