Ստեղծվել է շտաբ, որը կբարձրաձայնի կեղծիքները եւ ընտրությունները կդարձնի իշխանություններին մերժելու հանրաքվե

Առաջիկայում Երևանի ավագանու ընտրություններն են, և գիտակցելով մեր առջև ունեցած աղետալի խնդիրները, երեկ (օգոստոսի 27-ին) տեղի ունեցավ մի շարք կուսակցությունների, ՀԿ-ների և միավորումների ներկայացուցիչների հետ հանդիպում, որի ժամանակ քննարկվեց և ընդհանուր որոշման հիման վրա, որոշվեց ստեղծել միասնական շտաբ՝ հասարակական և քաղաքական ուժերից կազմված,  որը կկարողանա բացահայտել, բարձրաձայնել և փորձել կանխարգելել վարչական լծակների չարաշահման իշխանականների փորձերը, քվեարկության ժամանակ կիրականացնի վերահսկում, կկանխի և կբարձրաձայնի հնարավոր կեղծիքները և այս ընտրությունները կդարձնի գործող իշխանություններին մերժելու հանրաքվե: Այս մասին հայտարարություն է տարածել «Միասնության հարթակ» նախաեռնող խումբը:

Հայտարարությունում նաեւ ասվում է. «Նշված նպատակի հիմքն է հանդիսանում ներկայիս իշխանությունների աղետալի գործողությունները՝

1. Քաղաքային տնտեսության և կառավարման համակարգի տապալումը
2. ՀՀ անվտանգության ապահովման ձախողումը
3. Պաշտպանական ռազմավարության տապալումը

Որպեսզի կանխվի ներկայիս իշխանությունների կամ նրանց արբանյակների վերարտադրումը, և ընտրողը հերթական անգամ չխաբնվի և իր որոշիչ ձայնը չուղղի այդ ուժերից որևէ մեկին, միասնական շտաբին միացող բոլոր անդամները՝ հատկապես Երևան քաղաքի ավագանու ընտրություններին առաջադրված կուսակցությունները և դաշինքները, պետք է ունենան հստակ դիրքորոշում և հայտարարեն, որ ոչ մի պարագայում, ընտրության ցանկացած արդյունքի դեպքում, կոալիցիա չեն կազմի ներկայիս իշխանությունների հետ:

Հաշվի առնելով վերոնշյալը, կոչ ենք անում 2023 թվականի Ավագանու ընտրություններին առաջադրված բոլոր քաղաքական ուժերին, ՀԿ-ներին, ընտրություններին հայտ չներկայացրած քաղաքական և հասարակական ուժերին, հանրային նախաձեռնություններին աջակցել ստեղծված միավորման գործունեությանը, և իրենց հերթին, ակտիվ գործողություններով կոչ անել երևանցիներին մասնակցելու առաջիկա քաղաքային ընտրություններին՝ մերժելով գործող իշխանությանը»:

Նշենք, որ նախաձեռնող խմբում է ԱԺ նախկին պատգամավոր Արշակ Սադոյանը:

Այս թեմայով Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան ՀՀԿ-ն դիմել է ՌԴ-ին. կասեցնել ռուսական զորքի դուրսբերումը Հայաստանից Կոչ ենք ուղղում ՀՀ իշխանություններին` հրաժարվել պարտվողական գործելաոճից. Հայաստանի Եպիսկոպոսների և Թեմակալ Առաջնորդների հայտարարությունը «Եվրաջասթ»-ի, «Եվրոպոլ»-ի հետ ունեցել ենք սերտ համագործակցություն. համաձայնագիրն ավելի կամրապնդի և ինստիտուցիոնալ կդարձնի այն «Սերժ Սարգսյանի ծավալուն ու խորքային բաղադրիչներով համեմված հարցազրույցը տեղը տեղին ցավեցրել է իշխանություններին». Հովասափյան «Ինչպես են ստեղծվում արհեստները». ստեղծվել են անիմացիոն ֆիլմեր «Ես զիջել գաղափարը չեմ ընկալում. ուզելով հո չի, բայց տվող էլ պետք ա լինի չէ՞». իշխանություններին ձեռնտու չէր Մանվել Գրիգորյանի ողջությունը ՀՀ ԿԸՀ անդամները դիտարկել են ՌԴ նախագահական ընտրությունները ՀՀ ԿԸՀ փոխնախագահն ու քարտուղարը դիտարկել են ԱՄՆ նախագահական նախնական ընտրությունները Ռուսաստանում մեկնարկել են եռօրյա նախագահական ընտրությունները