«Փաստ». Արդյո՞ք Արայիկ Հարությունյանի «պրոտեժեն» հովանավորում է գիշերային ակումբի գործունեությունը

«Փաստ» օրաթերթը գրում է. «Ուղիղ չորս ամիս է` քաղաքացիները և լրատվամիջոցները ահազանգում են Բաղրամյան պողոտայում գտնվող «Շառլոտ Կաբարե» գիշերային ակումբի գործունեության վերաբերյալ, որը կոպտորեն խախտում է Երևանի ավագանու 2020 թվականի դեկտեմբերի 12-ի թիվ 188-Ն որոշումը, որով սահմանափակման ենթակա ծառայության օբյեկտները Երևան համայնքի վարչական տարածքում կարող են գտնվել բնակելի շենք-շինություններից, կրթական հաստատություններից, օտարերկրյա պետությունների ներկայացուցչություններից նվազագույնը 100 մետր հեռավորության վրա:

Սակայն, ի մասնավորի, խնդրի լուծմանը լիազորված քաղաքաշինության, տեխնիկական և հրդեհային անվտանգության տեսչական մարմինը և նրա ղեկավար Գարեգին Խաչատրյանը, բազմիցս արծարծված այս հարցին ամիսներ շարունակ քաջատեղյակ լինելով, անհաղորդ են մնում և դրսևորում առնվազն տարօրինակ անտաբերություն: Ինչի՞ մասին է վկայում այս ամենը, իրավիճակին լիարժեքորեն չտիրապետելո՞ւ, թե՞ որոշակի անձնական հետաքրքրվածության, ուրիշ ինչպիսի՞ շարժառիթ կարող է լինել անընդհատ քննարկվող այս թեմայի նկատմամբ նմանատիպ անտարբերությունը:

Օրինակ՝ վերջին շրջանում թափ առած՝ օրենքի խախտումներով աշխատող բենզալցակայանների փակման ֆոնին նման գիշերային ակումբների գործունեությունը հովանավորությա՞ն, թե՞ պաշտոնեական անփութության արդյունք է, և ինչու՞ չի տրվում որևէ պարզաբանում։ Հետաքրքիր է, թե, օրինակ՝ վերոնշյալ տեսչական մարմնի պետ Գարեգին Խաչատրյանը, որն, ինչպես կառավարության կուլիսներում են խոսում, համարվում է վարչապետի աշխատակազմի ղեկավար Արայիկ Հարությունյանի «պրոտեժեն», ինչպես՞ է հաջողացնում իր անմիջական ղեկավարին բացատրել նման ապօրինի կառույցների առկայությունը:

Ակնհայտ է, որ այս կառավարությունում ավելի հաճախակի է ի հայտ գալիս տարատեսակ գերատեսչությունների, այդ թվում՝ ՊՈԱԿ-ի ղեկավարների կողմից ոչ միայն խնդիրների, այլև օրենքի տառի վրա թքած ունենալը, որն աստիճանաբար գլոբալ բնույթ է կրում: Իսկ թե առանձին օբյեկտների արտոնյալ կարգավիճակ ունենալն ինչով է պայմանավորված, հուսանք՝ կպարզեն իրավապահները»:

Այս թեմայով Դատապարտում ենք ժողովրդի թիկունքում իրականացված գիշերային կապիտուլյացիոն գործարքը․ հայտարարություն «Տեսալսողական մեդիայի մասին» օրենքի կիրառման ընթացքում ի հայտ է եկել որոշ կարգավորումներ վերանայելու անհրաժեշտություն. «Փաստ» Ի՞նչ «սիգնալներ» են տալիս եվրոպացիները քաղբանտարկյալների հարցով. «Փաստ» «Իրավիճակը հնարավոր է փոխել, եթե լինի իշխանափոխություն». «Փաստ» Ո՞ւր են ներքաշում Հայաստանը. «Փաստ» Բռնատիրությունը՝ «փրկօղա՞կ». ժողովրդավարություն գոռալով՝ բացարձակ հակառակն են անում. «Փաստ» «Ճնշումներն ահագնանալու են, նրանք լավ են պատկերացնում, թե ինչ հանցանքներ են իրականացնում հայ ժողովրդի դեմ». «Փաստ» Իշխանություններն անցել են իրենց սիրելի «մուտիտին». «Փաստ» Աջակցություն գյուղատնտեսական նշանակության հողերի միավորմանը. պետությունը կփոխհատուցի ձեռք բերվող և միավորվող հողերի կադաստրային արժեքի 30 տոկոսը. «Փաստ» Կեղծ բարեպաշտների ժամանակն ու... «ամնեզիան». «Փաստ»