Արցախի նախագահի պաշտոնում առավել հավանական թեկնածուն նորանշանակ Պետնախարար Սամվել Շահրամանյանն է

Արցախի Ազգային Ժողովը առաջիկա երեք օրերի ընթացքում կվավարեցնի նախագահ Արայիկ Հարությունյանի հրաժարականի դիմումը, իսկ յոթ օր անց, ըստ Արցախի Սահմանադրությամբ նախատեսված դրույթի՝ նախագահի նոր թեկնածու կառաջադրվի։

Փաստինֆոն՝ վկայակոչելով իրեն մոտ կանգնած աղբյուրին նշում է, որ ամենայն հավանականությամբ Արցախի նախագահի պաշտոնում առաջադրվելու է նորանշանակ Պետնախարար Սամվել Շահրամանյանի թեկնածությունը, ով մինչ այս պահը ղեկավարում էր Արցախի ԱԱԾ-ն։

Հարցին՝ արդյո՞ք Սամվել Բաբայանը ստեղծված իրավիճակում հավակնում է Արցախում բարձր պաշտոն զբաղեցնել, աղբյուրը չի բացառում, սակայն ասում է՝ նա ո՛չ նախագահի, ո՛չ պետնախարարի պաշտոնում նշանակվելու շանսեր այս պահին չունի, նրա անձը, որպես այդպիսին չի քննարկվում։

Թե ո՞վ կլինի նոր պետնախարարը՝ Սամվել Շահրամանյանի հավանականորեն նախագահի պաշտոնում նշանակվելուց հետո, դեռևս պարզ չէ, այս թեմայով քննարկումներ դեռևս չեն եղել Արցախում, ասում է աղբյուրը։

Հարցին՝ հնարավո՞ր է արդյո՞ք Արցախի ԱԱԾ -ն ձերբակալի պաշտոնաթող Արայիկ Հարությունյանին, «Փաստինֆոյին» մոտ կանգնած աղբյուրը քիչ հավանական է համարում։

Ամփոփելով զրույցը՝ աղբյուրն ընդգծում է՝ Արցախում կատարվեց անհնարին թվացողը՝ պաշտոնից հեռացվեց ՀՀ-ում վարչապետ աշխատող անձի՝ Նիկոլ Փաշինյանի հովանավորյալ Արայիկ Հարությունյանը, և սա պետք է լուրջ ազդակ հանդիսանա, որպեսզի Հայաստանում գործընթացներն արագացվեն՝ որպեսզի Նիկոլ Փաշինյանին հեռացնելու հրամայականը նույնպես անհապաղ իրականություն դառնա, հակառակ պարագայում՝ Արցախի և Հայաստանի փրկության վերջին հույսը կարող է ի չիք դառնալ։

Այս թեմայով Արցախի մեծ եռագույնը Հրապարակում. «Տանան հեռու խոխեք» նախաձեռնության ակցիան՝ ի աջակցություն Տավուշի Հայտնի է դարձել, թե ԱՄՆ նախագահի թեկնածուներից ով ավելի շատ աջակցություն ունի. CNN Ոստիկանները բերման են ենթարկել կառավարության մոտ Արցախի դրոշով միայնակ ակցիա անող երիտասարդին (տեսանյութ) Կիրանցում է Արցախի թեմի առաջնորդը Հայաստանի և Ադրբեջանի միջև հակամարտության խաղաղ կարգավորման շանսերն առավել քան երբևէ մեծ են. Շոլց Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ) ՄԻՊ-ն անհասկանալի համառությամբ այդպես էլ չհիշեց Սամվել Վարդանյանի խոշտանգման մասին․ Մնացականյան 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Արցախի հայաթափումից հետո ներկայիս մտահոգիչ ծանր իրավիճակ է ՀՀ սահմանային տարածքներում․ Վեհափառ Ես խոնարհվում եմ Բագրատ Սրբազանի առջեւ. Սամվել Գրիգորյան