Քաղաքական բոլոր ուժերին կոչ եմ անում չտրվել նոր բաժանումների և բևեռացումների․ Արցախի թեմի առաջնորդ

Արցախի թեմի առաջնորդի միասնության կոչը՝ արցախցիներին.

«Սիրելի հայրենակիցներ

Ազգային մեր կյանքում տեղ գտած դժվարությունները, Արցախի շարունակվող շրջափակումը և անվտանգային լուրջ մարտահրավերները խաթարել են մեր ներքին խաղաղությունը և մեր երկրի բնականոն կյանքը։ Աստվածաշնչյան սրբազան պատմությունը և մեր պատմությունը հստակ ցույց են տալիս, որ ցանկացած ազգ կամ երկիր ընկնում է փորձությունների մեջ համընդհանուր սխալների և մեղքի պատճառով։ Ուստի այսօր մեզ ոչինչ չպիտի տա մեղավորների փնտրտուքը, որը ցավոք սրտի մարդկանց «ամենասիրելի զբաղմունքն» է, քանի որ այս իրավիճակի համար մեղավոր ենք բոլորս մեր տեղում և մեր չափով։

Հարափոփոխ այս օրերին, երբ Արցախի Հանրապետության Ազգային ժողովը պետք է ընտրի նոր նախագահ, մենք պետք է կարողանանք իմաստությամբ և խոհեմությամբ արձագանքել ամեն իրավիճակի։ Բնական է, որ Արցախի ապագայի հանդեպ կլինեն տարբեր մոտեցումներ և ճանապարհային տարբեր քարտեզներ, բայց անբնական կլինի, եթե այդ մոտեցումները առիթ դառնան ներքին երկպառակությունների և լարվածության մթնոլորտի ձևավորման։

Ամենայն հարգանքով ու սիրով Արցախում կարևոր դերակատարություն ունեցող բոլոր անձանց և քաղաքական ուժերի հանդեպ, որպես Արցախի թեմի առաջնորդ, խնդրում և կոչ ենք անում բոլորին, որպեսզի այս փխրուն իրավիճակում գործեն կատարյալ իմաստությամբ և առանց ավելորդ հուզականության, որպեսզի թույլ չտրվեն նոր բաժանումներ և բևեռացումներ բազմաչարչար մեր ժողովրդի մեջ։ Սուրբ Ներսես Շնորհալին լավագույն կերպով տալիս է համերաշխության բանաձևը. «Միություն կարևոր հարցերում, ազատություն երկրորդական հարցերում, Սեր ամեն ինչում»։

Ուստի սիրելի Արցախցիներ, ամեն ինչից առավել, իրար հանդեպ լցվեք սիրով և եղբայրության զգացումներով, որովհետև ամենաարդյունավետ «ճանապարհային քարտեզը» Աստծո առաջ մաքուր խիղճ, իսկ մեր հայրենակիցների հանդեպ սեր և հոգատարություն ունենալու մեջ է թաքնված։

Աղոթքով և օրհնությամբ

Արցախի թեմի առաջնորդ Տեր Վրթանես եպիսկոպոս Աբրահամյան»:

Այս թեմայով Եթե մոտ 10 օրից շարժումը չբերվի քաղաքական դաշտ, նահանջ է սկսվելու. Վահե Դավթյան Արցախի մեծ եռագույնը Հրապարակում. «Տանան հեռու խոխեք» նախաձեռնության ակցիան՝ ի աջակցություն Տավուշի Ոստիկանները բերման են ենթարկել կառավարության մոտ Արցախի դրոշով միայնակ ակցիա անող երիտասարդին (տեսանյութ) Կիրանցում է Արցախի թեմի առաջնորդը Զինծառայողները մեծին, փոքրին պայքարելով տեսնելով մոտեցել են. դա ներկայացնել քաղաքական պրոցեսների մասնակցել՝ չի կարելի. Բագրատ Սրբազան Բռնատիրությունը՝ «փրկօղա՞կ». ժողովրդավարություն գոռալով՝ բացարձակ հակառակն են անում. «Փաստ» Ռեժիմի բոլոր գործիքները «խոդ է տվել». «Փաստ» Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ) ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Անն Լոուրենս Պետել «Տավուշյան շարժումը» կարիք ունի քաղաքական ձևակերպումների և այդ դեպքում այն կբերի հաջողության. Հովհաննիսյան