Տեղին չեմ համարում այսօր խոսել ԱՀ նախագահի թեկնածուի անցած ուղու, նրա արժանիքների մասին․ Ստեփանյան

«Արցախի ժողովրդավարական կուսակցություն» խմբակցության քարտուղար Գեղամ Ստեփանյանի ելույթը ԱԺ հատուկ նիստում․

«Մենք այն վիճակում չենք, որ երկար նախաբանով սկսենք մեր ելույթները. կարծում եմ՝ ամեն ինչ պարզ է ու ակնհայտ. Արցախի Հանրապետության հանդեպ սանձազերծված ագրեսիան շարունակվում է և ամեն օր մեր ժողովուրդը բախվում է նոր սպառնալիքների ու նոր փորձության:

Նման պայմաններում մեր գլխավոր խնդիրը պետական համակարգն ամուր պահելն է, որովհետև, եթե հետևել եք, կհամաձայնեք իմ տեսակետի հետ, որ մեր հակառակորդների թիրախում 2020թ. նոյեմբերից հետո Արցախի Հանրապետության պետական ինստիտուտներն են՝ անվտանգության, քաղաքական ու տնտեսական ոլորտները համակարգող կառույցները և դրանց գործառույթների սահմանափակումը:

Երկար նախապատմության կարիք չկա նաև ներկայացնելու այսօրվա մեր նիստի կարևորությունը և մեզ սպասվող ընտրության անհրաժեշտությունը: Իմ պատկերացմամբ, մենք այս օրերին բացառիկ հնարավորություն ենք ունեցել հասնել այնպիսի համաձայնության ու համախմբվածության, որին սպասում է մեր ժողովուրդը, որի մասին ամեն քայլափոխի խոսում ենք բոլորս՝ քաղաքական ուժերն ու քաղաքական գործիչները: Վստահ եմ, որ բոլոր խմբակցություններն իրենց բացատրություններն ունեն հանրապետության նախագահի թեկնածու առաջադրելու հարցի համար, բայց դրա հետ մեկտեղ, կասկած չունեմ, որ բոլորի մոտ էլ առաջնային է եղել հարցը կուսակցական ու հատվածական շահերից վեր դասելու և ազգային ու պետական շահով առաջնորդվելու մոտեցումը:

Տեղին չեմ համարում այսօր խոսել նախագահի թեկնածուի անցած ուղու, նրա արժանիքիների մասին, քանի որ այդ ամենը կուտակվել է հենց այսպիսի իրավիճակում դրսևորելու համար: Մեր խմբակցությունը կողմ է քվեարկելու Արցախի Հանրապետության նախագահի պաշտոնում առաջադրված Սամվել Շահրամանյանի թեկնածությանը և կոչ եմ անում իմ գործընկերներին վարվել նույն կերպ»։

Այս թեմայով «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Այսօր երեկոյան տեղի կունենա մոմավառություն՝ ի հիշատակ Սոնա Մնացականյանի և նրա չծնված երեխայի Ոնց որ գնաս բժշկի, քեզ ասի՝ գույքահարկդ չես վճարել, չեմ բուժելու. ՔՊ-պատգամավորրը՝ գույքահարկի մասին Սուրեն Պետրոսյանն այսօր դուրս կգա ՁՊՎ-ից. 60 ժամվա ընթացքում նրան մեղադրանք չի ներկայացվել Եվրամիութան դեսպանի հետ քննարկել ենք ՀՀ սահմանների և ներսում առկա իրավիճակ մասին․ Թովմասյան ՄԻՊ-ն անհասկանալի համառությամբ այդպես էլ չհիշեց Սամվել Վարդանյանի խոշտանգման մասին․ Մնացականյան Այն կտի մասին, թե իբր ադրբեջանական գազ է գնելու Հայաստանը․ Կարեն Վրթանեսյան «Ժողովուրդ». Սասուն Խաչատրյանին չեն նեղացնի. ՔՊ-ն հանդիպելու է ՍԴ-ի իր «սրտի» թեկնածուի հետ Առկա պայմաններում դիվերսիֆիկացիայի մասին խոսելն ուղղակի անհեթեթություն է. «Փաստ» Մենք այսօր էլ շարունակում ենք բախվել ցեղասպանության տարբեր դրսևորումների. Սինանյան