Սևանա լճի տարբեր ափամերձ հատվածներից դուրս է բերվել և առգրավվել 253 ապօրինի խեցգետնաորսիչ

Անցած աշխատանքային շաբաթը Շրջակա միջավայրի նախարարության կառույցներում նշանավորվել է բնության հատուկ պահպավող տարածքների օրվան նվիրված միջոցառումներով։ Այս մասին հայտնում են նախարարությունից:

Այսպիսով՝
«Սևան» ազգային պարկում
Պարկի հատուկ նշանակության ջոկատի կողմից իրականացված խիստ վերահսկողության միջոցառումների արդյունքում Սևանա լճի տարբեր ափամերձ հատվածներից դուրս է բերվել և առգրավվել 253 ապօրինի խեցգետնաորսիչ, 229 կենդանի խեցգետին վերադարձվել է լիճ:
Այցելուների կենտրոնում Հայաստանի ԲՀՊՏ-ների վերաբերյալ սեմինար-քննարկում է կազմակերպվել Սևանի ավագ դպրոցի սաների համար․ վերջիններս ծանոթացել են «Սևան» ազգային պարկի ֆլորային, ֆաունային, բնապահպանական առանձնահատկություններին, արգելոցներին, արգելավայրերին:

‹‹Դիլիջան›› ազգային պարկում
ՊՈԱԿ-ի, շրջակա միջավայրի նախարարության և Գերմանիայի բնության պահպանության միության (NABU) հայաստանյան մասնաճյուղի հետ համագործակցության շրջանակում շարունակվում են կենսաբազմազանության, մասնավորապես՝ ձկնաբանության և բուսաբանության ուսումնասիրությունները։ Դրանք իրականացվում են
անոթավոր բույսերի տեսակային կազմի, դրանց խտության, սպառնալիքների, Խաչարձան, Գետիկ, Հաղարծին գետերում հանդիպող ձկների տեսակային կազմի, դրանց քանակական հարաբերակցության վերաբերյալ։

«Զանգեզուր» կենսոլորտային համալիր»-ում
Գիտության և զբոսաշրջության բաժնի ներկայացուցիչները ԲՀՊՏ օրվա կապակցությամբ էկոկրթական հանդիպում են ունեցել Կապանի թիվ 1 դպրոցի աշակերտների հետ։ Նրանց են ներկայացվել Հայաստանի բնության հատուկ պահպանվող տարածքների դերն ու ստեղծման նպատակները, դասակարգումը, բնական գործընթացների խախտում առաջացնող գործոնները, կենսոլորտային համալիրների ստեղծման նպատակները, համալիրի գործունեությունը։

Արգելոցապարկային Համալիրում
«Զիկատար» պետական արգելավայրում «Հայաստանի ԲՀՊՏ- ները», «Էկոտուրիզմը ԲՀՊՏ-ներում» թեմաներով էկոկրթական սեմինար և արշավ է կազմակերպվել Կոտայքի տարածաշրջանային պետական քոլեջի ուսանողների համար: Թեստային աշխատանքի միջոցով ամփոփվել են քննարկված թեմաները, մասնակիցներին տրվել են պատվոգրեր և հավաստագրեր:

«Խոսրովի անտառ» պետական արգելոցում
Բնապահպանական-կրթական միջոցառումներ են կազմակերպվել Վեդիի ավագ և Տափերականի միջնակարգ դպրոցի բարձր դասարանների աշակերտների համար: Աշակերտներին ներկայացվել են
հայաստանյան ԲՀՊՏ-ները, դրանց նշանակությունը կենսաբազմազանության պահպանման գործընթացում, արգելոցի պատմությունը, ջրագրությունը, լանդշաֆտները, էկոհամակարգերը, բուսական և կենդանական աշխարհը։

Այս թեմայով Լևոն Տեր-Պետրոսյանը դուրս է գրվել հիվանդանոցից Սուրեն Պետրոսյանն այսօր դուրս կգա ՁՊՎ-ից. 60 ժամվա ընթացքում նրան մեղադրանք չի ներկայացվել ՀԻՄԱ. Հայաստանի տարբեր հատվածներում փողոցներ են փակվում Մենք այսօր էլ շարունակում ենք բախվել ցեղասպանության տարբեր դրսևորումների. Սինանյան Արհեստածին Ադրբեջանը ստեղծել են, որպեսզ շարունակեն և ավարտեն հայերի ցեղասպանությունը Օսմանյան Թուրքիայից դուրս. Լարիսա Ալավերդյան (տեսանյութ) Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Եթե Հայաստանը որոշի դուրս գալ ՀԱՊԿ-ից, հարց է՝ ինչպես է նրա ներկայիս ղեկավարությունը գնահատում երկրի առջև ծառացած սպառնալիքները. Թասմաղամբետով «Հրապարակ». Ամաչում են մարդամեջ դուրս գան Պահանջ ներկայացրեք Բաքվին, ասեք դուրս եկեք Ջերմուկից, Ջողազի ջրամբարից, հետո արեք դելիմիտացիա (տեսանյութ) Սա հող հանձնել է նշանակում, ժողովուրդը պետք է զարթնի և ոչ ասի Տավուշի ապօրինի գործընթացին (տեսանյութ)