2023 թվականի հունվար-սեպտեմբեր ամիսների ընթացքում պետական բյուջե է վերականգնվել 22 մլրդ դրամ

Հայաստանի Հանրապետության գլխավոր դատախազության տնտեսական գործունեության դեմ ուղղված հանցագործությունների գործերով վարչությունն ամփոփել է պետությանը պատճառված վնասի ուղղությամբ կատարված աշխատանքների արդյունքները:

2023 թվականի հունվար-սեպտեմբեր ամիսների ընթացքում Վարչության դատախազների հսկողությամբ քննվող ընթացիկ և ավարտված քրեական վարույթներով վերականգնվել է պետությանը պատճառված 22 մլրդ 791 մլն 203 հազար 116 դրամ, այդ թվում՝ 2023 թվականի 1-ին կիսամյակում՝ 10 մլրդ 494 մլն 294 հազար 242 դրամ, իսկ 2023 թվականի հուլիս-սեպտեմբեր ամիսներին՝ 12 մլրդ 296 մլն 908 հազար 874 դրամ:

Այլ խոսքով՝ 2023 թվականի հուլիս-սեպտեմբեր ամիսներին պետությանը պատճառված վնասի վերականգնման չափը շուրջ 2 մլրդ դրամով գերազանցել է 2023 թվականի առաջին կիսամյակի ցուցանիշը:

Համեմատության համար նշենք, որ 2022 թվականի ընթացքում ավարտված քրեական վարույթներով վերականգնվել է պետությանը պատճառված վնասից 2 մլրդ 279 մլն 263 հազար 913 դրամ, 2021 թվականին՝ 5 մլրդ 584 մլն 138 հազար 366 դրամ, իսկ 2020 թվականին՝ 1 մլրդ 989 մլն 200 հազար 408 դրամ:

Այսինքն, միայն 2023 թվականի առաջին կիսամյակի ընթացքում ավարտված քրեական վարույթներով պետությանը պատճառված վնասի վերականգնման չափը (10 մլրդ 568 մլն 14 հազար 402 դրամ) գերազանցում է 2020, 2021 և 2022 թվականների հանրագումարի ցուցանիշին (9 մլրդ 852 մլն 602 հազար 687 դրամ):

Տնտեսական հանցագործությունների դեմ քրեաիրավական պայքարի վերոնշյալ արդյունքները պայմանավորված են եղել մի կողմից ստվերային տնտեսության դեմ տարվող պետական քաղաքականությամբ, մյուս կողմից՝ վարույթների հանրային մասնակիցների հետևողական գործողություններով:

Այս թեմայով Պետությանը պատճառված 12մլրդ 155մլն դրամ վնաս է վերականգնվել 2024թ․ առաջին եռամսյակում Սուրեն Պետրոսյանն այսօր դուրս կգա ՁՊՎ-ից. 60 ժամվա ընթացքում նրան մեղադրանք չի ներկայացվել ԱՍՀ նախարարությունը գործարկելու է աշխատանք գտնելու առաջին մասշտաբային պետական հարթակը Պետական ​​սահմանի մոտ 10-12 կմ-ն արդեն կարելի է սահմանազատված համարել. Ալիև Ֆրանսիան այսօր ոգեկոչում է 1915 թվականի Հայոց ցեղասպանության 109-րդ տարելիցը․ Մակրոն Հայրս հեռախոսազրույցի ընթացքում մի մտահոգիչ արտահայտություն արեց. Ռուբեն Վարդանյանի որդին հարցազրույց է տվել CNN-ին Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Պետական քաղաքականությունն ուղղված է դպրոց-բուհ-գիտություն կապի ամրապնդմանը. Ժաննա Անդրեասյան Մարտին ապրանքների բացթողումից հետո պակաս վճարված մաքսային վճարների ու տույժերի գումարը՝ 41․101 մլն դրամ է Տավուշի մարզում միջպետական ավտոճանապարհը փակելու ընթացքում 7 անձ է ձերբակալվել. ՔԿ