Ուր են և ինչու են լռում Հայաստանի խոշոր գործարարներն ու պաշտոնյաները. Գարեգին Բաղրամյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Այսօր կանդրադառնանք ՀԾԿՀ նախագահ Գարեգին Բաղրամյանին: Վերջինս պետական կառավարման համակարգում է տարիներ շարունակ: 2004-2011թթ. եղել է ՀՀ հանրային ծառայությունները կարգավորող հանձնաժողովի սակագնային քաղաքականության վարչության սակագնային բաժնի պետ, 2011-2018թթ. - ՀՀ հանրային ծառայությունները կարգավորող հանձնաժողով, սակագնային քաղաքականության վարչության պետ, 2016թ. սեպտեմբերի 1-ից՝ Հայաստանի ազգային պոլիտեխնիկական համալսարան, դասախոս, 2018թ. հունիսի 11-ից՝ ՀՀ էներգետիկ ենթակառուցվածքների և բնական պաշարների նախարարի տեղակալ, 2018թ. հոկտեմբերի 4-ից՝ ՀՀ էներգետիկ ենթակառուցվածքների և բնական պաշարների նախարար, 2019թ․ ապրիլի 19-ից՝ ՀՀ հանրային ծառայությունները կարգավորող հանձնաժողովի նախագահ։

ՀՀ Նախագահի 2015 թվականի հրամանագրով պարգևատրվել է Երախտագիտության մեդալով, ԼՂՀ վարչապետի 2017 թվականի որոշմամբ պարգևատրվել է Վարչապետի հուշամեդալով: Բաղրամյանի ջանքերով էր, որ 2019 թվականի սեպտեմբերին Հայաստանի և Արցախի Հանրապետությունների հանրային ծառայությունները կարգավորող հանձնաժողովների ստորագրված հուշագրի արդյունքում նվազել էին շարժական հեռախոսակապի ռոումինգի սակագները։

Ի վերջո, Բաղրամյանը այն պաշտոնյան է, ով, տարիների աշխատանքը հաշվի առնելով, քաջատեղյակ է էներգետիկ ոլորտի ռիսկերից, արդյո՞ք նա այսօր չունի որևէ ասելիք, երբ այն թիմը, որի հետ աշխատում է և որի մի մասնիկն է այսօր, բացահայտ ռիսկերի առջև է կանգնեցրել երկրի էներգետիկ անվտանգությունը: Երբ ունենք մի իրավիճակ, երբ Հայաստան մուտք գործող կարևորագույն բնական ռեսուրսները՝ գազը և էլ.էներգիան կարող են կտրուկ թանկանալ, կրկին՝ օրվա իշխանությունների վարած ապաշնորհ քաղաքականության արդյունքում: Թերևս Գարեգին Բաղրամյանն էլ պատկանում է այն պաշտոնյաների թվին, որոնք առաջնորդվում են՝ «որտեղ տաք՝ էնտեղ կաց» սկզբունքով և երկրի բարձրագույն ղեկավարության կողմից ստացված հուշամեդալներն այդ պաշտոնյաներին որևէ բան չեն պարտավորեցնում, անգամ՝ քաղաքացիական դիրքորոշում հայտնել: 

Շարունակելի...

Այս թեմայով Բերման են ենթարկվել Գարեգին Չուգասզյանը, Վոլոդյա Ավետիսյանը. ընդհանուր՝ բողոքի ակցիայի 96 մասնակից Պաշտոնյաների ծախսերը` պետության հաշվին. Գարեգին Բաղրամյան Փորձությունով լցված այս օրերին, Սուրբ Կույսին ուղղված հրեշտակի ավետիսը ձեզ համար է՝ Աստված ձեզ հետ է. Գարեգին Բ Մեր ժողովրդի սեպուհ պարտքն է հաղթահարել ներազգային տարաձայնություններն ու անմիաբանությունը. Գարեգին Բ Գարեգին Նժդեհի փողոցում այրվել է ավտոմեքենա Գարեգին Խումարյանը կմասնակցի Հանրային ռադիոընկերության գործադիր տնօրենի մրցույթին ՃՏՊ Գարեգին Նժդեհի փողոցում․ կա տուժած ԱԺ-ն Գարեգին Բաղրամյանին ընտրեց ՀԾԿՀ նախագահ, իսկ Գեղամ Գևորգյանին՝ ՄԾՀ նախագահ 8 միլիոն դրամ արժողությամբ գոլդ համարներով Lexus-ը Բաղրամյան պողոտայում բախվել է պատին Գարեգին Նժդեհի և Մանթաշյան փողոցների խաչմերուկի մոտ բախվել է երկու ավտոմեքենա, երեք մարդ հոսպիտալացվել է