Արցախից բռնի տեղահանման ընթացքում Հայաստան է տեղափոխվել 11 կալանավոր

Լեռնային Ղարաբաղից բռնի տեղահանման ընթացքում ազատ է արձակվել 11 կալանավոր, Հայաստանի իրավապահ մարմիններն ունեն բոլորի տվյալները:   

ԱԺ մշտական հանձնաժողովների համատեղ նիստում 2024 թվականի պետական բյուջեի նախագծի նախնական քննարկումներում այս մասին ասաց Ներքին գործերի նախարար Վահե Ղազարյանը:

ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանն ասաց, որ  ԼՂ-ից բռնի տեղահանման ժամանակ Հայաստան են տեղափոխվել Լեռնային Ղարաբաղում կալանքի տակ եղած մարդիկ: «Ո՞նց են տեղափոխվել, ի՞նչ հիմքերով: Այդ գործընթացը քաոտիկ բնույթ է կրել»,- ասաց նա:

Նախարարն ասաց, որ այդ տվյալներին տիրապետում են: «Անցյալ շաբաթ մեկին, ով մեղադրվում էր սպանության համար, Վանաձորից հայտնաբերեցինք: Մոտ 11 անձ են, որ ազատ են արձակվել, բոլորի տվյալներն ունենք:  Որոշ անձանցով, ովքեր մեղադրվում են պետական դավաճանության համար, զբաղվում է Ազգային անվտանգության ծառայությունը, որոշ անձանցով զբաղվում է ոստիկանությունը»,- ասաց Ղազարյանը՝ հավելելով, որ հանրապետությունից դուրս գալու սահմանափակում է դրված բոլորի համար:

Նախարարը նաև նշեց, որ Լեռնային Ղարաբաղից տեղահանված բնակիչների մոտ կա բավականին մեծ քանակությամբ և՛ օրինական, և՛ անօրինական զենք: Ունենք որոշակի օպերատիվ տեղեկություններ: Հիմա գործընթացը մշակման փուլում է»,-ասաց նախարարը՝ հորդորելով անօրինական զենք-զինամթերքը կամավոր հանձնել իրավապահ մարմիններին: 

Ղազարյանն ասաց, որ հիմա, այդ հարցերի հետ կապված, աշխատում են Լեռնային Ղարաբաղի ոստիկանության աշխատողների հետ: Ներքին գործերի նախարարը նշեց, որ նաև պարգևատրումներով տրված զենքերի հետ կապված  ևս խնդիր կա:  

Այս թեմայով Հայաստանում մայիսի 1-ից կգործի փաթեթավորված խմելու ջրի պարտադիր դրոշմավորման պահանջը Արցախից հայ բնակչության գաղթը Հայոց ցեղասպանության տարր է. Զատուլին Սուրեն Պետրոսյանն այսօր դուրս կգա ՁՊՎ-ից. 60 ժամվա ընթացքում նրան մեղադրանք չի ներկայացվել «Իրավունք». Լեո Նիկոլյանի վիճակն օր օրի վատթարանում է, իսկ նրա մուտքը Հայաստան շարունակում է փակ մնալ Քննարկվել են Հայաստան-Սիրիա միջխորհրդարանական հարաբերությունների ընդլայնման հեռանկարները Քննարկվել են Հայաստան-Չեխիա ռազմատեխնիկական համագործակցության ընթացքը և զարգացման հեռանկարները 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Հայրս հեռախոսազրույցի ընթացքում մի մտահոգիչ արտահայտություն արեց. Ռուբեն Վարդանյանի որդին հարցազրույց է տվել CNN-ին Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ