Կյանքից հեռացել է ազատամարտիկ, երգիչ Մկրտիչ Մկրտչյանը

ՀՅԴ Հայաստանի Գերագույն մարմինը գուժում է ազատամարտիկ, ազգային-հեղափոխական երգերի կատարող, գաղափարի ընկեր Մկրտիչ Մկրտչյանի (Մակիչի) անժամանակ մահը և ցավակցում նրա ընտանիքին, հարազատներին ու մտերիմներին:

«Մկրտիչ Մկրտչյանը ծնվել է 1962 թ. ապրիլի 24-ին Թալինի շրջանի Ներքին Սասնաշեն գյուղում:

1988 թ. ընդունվել է Երևանի պետական կոնսերվատորիա:

1990 թ. Մկրտիչ Մկրտչյանը միանում է Թաթուլ Կրպեյանի գլխավորած Գետաշենի ինքնապաշտպանական ջոկատին, Գետաշենի անկումից հետո տեղափոխվում Շահումյանի շրջան և ընդգրկվում Վերիշենի ջոկատում, իսկ Շահումյանի անկումից հետո տեղափոխվում Մարտակերտ:

Հետագայում Մկրտիչ Մկրտչյանն ընդգրվում է Շուշիի առանձին գումարտակի կազմում՝ մարտական գործողությունների մասնակցելով Մարտակերտի, Կովսականի (Զանգելան), Ֆիզուլու, Քարվաճառի շրջաններում: 1993 թ. մարտի 7-ին Մանիքլու գյուղի մատույցներում վիրավորվել է: 

Մկրտիչ Մկրտչյանը մասնակցել է նաև 2016 թ. քառօրյա և 2020 թ. 44-օրյա պատերազմներին: 2020 թ. հոկտեմբերի 2-ին Մատաղիսում ծանր վիրավորվել է:

Մկրտիչ Մկրտչյանը ՀՀ վաստակավոր արտիստ էր, պարգևատրվել է ԼՂՀ «Արիություն» և ՀՀ «Մարտական ծառայության համար» մեդալներով: Նրա կատարումները մարտակոչ են հանդիսացել Արցախյան գոյապայքարի ողջ ընթացքում:

Տեղեկացնում ենք, որ Մկրտիչ Մկրտչյանի հոգեհանգիստը տեղի կունենա նոյեմբերի 5-ին, ժամը 18:00-ից Կոնդի Սբ. Հովհաննես եկեղեցում, հուղարկավորությունը՝ նոյեմբերի 6-ին, ժամը 14։00-ին «Եռաբլուր» պանթեոնում»:

Այս թեմայով Նարեկ Մկրտչյանը և Քերոլայն Քոքսը քննարկել են ԼՂ-ից տեղահանված անձանց աջակցության գործընթացին առնչվող հարցեր Տիգրան Մկրտչյանը հանդիպել է Հունաստանի խորհրդարանի կոմունիստական կուսակցության անդամ Լիանա Կանելլիի հետ Երգիչ Ռոբի Ուիլյամսը պատմել է, որ մի քանի անգամ հանդիպել է այլմոլորակայինների հետ Անդրե Սպայթ Մկրտչյանը շարունակում է հաջող ելույթներն արգենտինական թիմում Մահացել է հայկական ԽՍՀ վաստակավոր մարզիչ Ժորա Մկրտչյանը Նարեկ Մկրտչյանը հանդիպել է «Լիբրա խմբի» նախագահին Նարեկ Մկրտչյանը հանդիպում է ունեցել ԱՄՆ միջազգային զարգացման գործակալության կառավարչի տեղակալ Էրին ՄըքՔիի հետ Նարեկ Մկրտչյանը հանդիպում է ունեցել Եվրոպական հանձնաժողովի Հավասարության հարցերով հանձնակատար Հելենա Դալլիի հետ Նախարար Նարեկ Մկրտչյանը հանդիպում է ունեցել Իրանի Իսլամական Հանրապետության կանանց և ընտանիքի հարցերով փոխնախագահ Անսիեհ Խազալիի հետ Հռոմի ստատուտով ՀՀ ստանձնած պարտավորությունների կատարման ընթացքն Արա Մկրտչյանը ներկայացրել է Քրիստոֆ Զաֆերլինգին