Հայաստանի սամբոյի հավաքականի 3 անդամներ բրոնզե մեդալներ են նվաճել

Երևանում անցկացվող Սամբոյի աշխարհի 2023 թվականի առաջնության մեկնարկային օրը Հայաստանի սամբոյի հավաքականի անդամներ Արման Ավանեսյանը, Սարգիս Վարդանյանը և Վարսիկ Գրիգորյանը բրոնզե մեդալներ են նվաճել:

Այս մասին հայտնում են ԿԳՄՍՆ-ից:

Սարգիս Վարդանյանը (79 կգ), որն առաջին անգամ էր մասնակցում աշխարհի առաջնությանը, մեկնարկային գոտեմարտում առավելության է հասել բուլղարացի մրցակցի նկատմամբ, այնուհետև 6:5 հաշվով հաղթել է Տրինիդադ և Տոբագոյի ներկայացուցիչ Ջոշուա Ջեյմսին և դուրս եկել կիսաեզրափակիչ, որտեղ, սակայն, զիջել է FIAS-ի դրոշի ներքո հանդես եկող Զագիդ Գայդարովին և բավարարվել բրոնզե մեդալով:

Այս քաշային կարգում մրցանակակիրներին պարգևատրել են ԿԳՄՍ նախարար Ժաննա Անդրեասյանն ու նախարարի տեղակալ Կարեն Գիլոյանը: ԱԱ-ի հաղթողները կստանան 4000, արծաթե մեդալակիրները՝ 3000, իսկ բրոնզե մեդալակիրները՝ 2000 դոլար մրցանակ:

Եվրոպայի գործող չեմպիոն, արցախցի Արման Ավանեսյանը մարտական սամբոյի 98 կգ քաշայինների մեկնարկային գոտեմարտոմ առավելության է հասել ՖԻԱՍ-ի դրոշի ներքո հանդես եկող Նատալևիչի նկատմամբ և դուրս է եկել կիսաեզրափակիչ, որտեղ, սակայն, զիջել է մրցակցին և բավարարվել բրոնզե մեդալով:

Այս քաշային կարգում հաղթող ճանաչված մարզիկներին պարգևատրել է Հայաստանի սամբոյի ֆեդերացիայի նախագահ Միքայել Հայրապետյանը:

54 կգ քաշային Վարսիկ Գրիգորյանը մեկնարկային գոտեմարտում պարտվել է ռումինացի մրցակցին, վերջինս հասել է եզրափակիչ և Գրիգորյանը շարունակել է պայքարը՝ սփոփիչ գոտեմարտում պարտության մատնելով ուկրաինացի Սնիժանա Պլիշին։ Վարսիկ Գրիգորյանը բրոնզե մեդալը վիճարկել է բուլղարացի Տանյա Ռադուլովայի հետ և հաղթել է 4:0 հաշվով։

Մրցանակակիրներին պարգևատրել է Պետական վերահսկողության ծառայության ղեկավար Ռոմանոս Պետրոսյանը:

Երևանի Կարեն Դեմիրճյանի անվան մարզահամերգային համալիրում մեկնարկում է սամբոյի աշխարհի առաջնությունը:

Հիշեցնենք՝ Երևանում այսօր մեկնարկել է Սամբոյի աշխարհի 2023 թվականի առաջնությունը, որին էլ հաջորդել է 8 քաշային կարգերի մեդալային եզրափակիչները:Մրցումային երեք օրերին որակավորման մենամարտերը կկայանան առավոտյան, իսկ երեկոյան մրցահերթում կխաղարկվեն մեդալները:

Այս առաջնությանը ընդհանուր առմամբ մասնակցում է 70 երկրի 500-ից ավելի մարզիկ, իսկ ընդհանուր պատվիրակությունների թիվը կգերազանցի 2500-ը:

Այս թեմայով Սամբոյի աշխարհի գավաթի խաղարկության մրցումային առաջին օրը մեր մարզիկները նվաճել են 9 մեդալ Արթուր Մանուկյանը, Կառլեն Մակիյանը և Դավիթ Հովսեփյանը դարձել են սամբոյի աշխարհի գավաթի արծաթե մեդալակիրներ 40 տարեկանում ԱԱ-ի արծաթե մեդալակիր դառնալը մեծ պատիվ է. Վահրամ Գրիգորյան Հաղթանակս նվիրում եմ սահմանին կանգնած զինվորներին. սամբոյի ԱԱ-ի բրոնզե մեդալակիր Արամ Աղաջանյան Արամ Աղաջանյանը՝ սամբոյի Աշխարհի առաջնության փոխչեմպիոն Սամբոն համախմբում է մարզիկներին Երևանում. կայացավ ԱԱ-ի բացման պաշտոնական արարողությունը Հայտնի են Երևանում կայանալիք սամբոյի աշխարհի առաջնությանը մասնակից Հայաստանի ընտրանիների կազմերը Սամբո մարզաձևում բարձր արդյունքներ գրանցած մարզիկներն անվական ամսական թոշակ կստանան. կառավարության որոշումը Նարեկ Սիմոնյանը՝ սամբոյի Եվրոպայի չեմպիոն Արման Ավանեսյանը՝ մարտական սամբոյի Եվրոպայի չեմպիոն