Glovo-ն հայտարարել է «Հուսալի թիկունք» ծրագրի մեկնարկը Հայաստանում

Առաքման առաջատար իսպանական ծառայություն Glovo-ն մեկնարկում է իր  «Հուսալի թիկունք» նախաձեռնությունը Հայաստանում: Այս ծրագիրն առաջին անգամ ներդրվել է 2021 թվականի հոկտեմբերին Վրաստանում և Մարոկկոյում՝ նպատակ ունենալով ընդլայնել Glovo-ի առաքման ծառայության աշխատասեր առաքիչներին տրվող արտոնությունները:

Նոյեմբերի 8-ին Երևանի Food Park by Downtown-ում տրվեց այս ծրագրի մեկնարկը Հայաստանում:

Glovo-ն իր առաքիչներին առաջարկում է ճկուն բոնուսային համակարգ, կայուն եկամուտ, ազատ գրաֆիկ, առողջական ապահովագրություն, մրցակցային վարձատրություն: Արդեն գործող առավելություններից զատ՝ Glovo-ն առաքիչներին այսուհետ առավելությունների ավելի լայն փաթեթ կտրամադրի։  

Սոցիալական առավելությունները ներառում են.

• Ավելի արդար եկամուտ — Թափանցիկության ապահովում առաքիչների եկամուտի վերաբերյալ՝ անկախ նրանց աշխատանքի ձևաչափից: «Լոյալության բոնուս», որը տրվում է կամ փոխանակվում հանգստի հետ:
• Ապահովագրական ծածկույթի ընդլայնում (360º անվտանգություն) – Աջակցություն տարբեր տեսակի դժբախտ պատահարների, երրորդ կողմի պատասխանատվության և ապրանքների տեղափոխման, ինչպես նաև հիվանդության հետ կապված արձակուրդի, մայրության և հայրության արձակուրդի և «Ընտանեկան ծախսերի» նպաստի հասանելիության հետ կապված:
• Անվտանգության ապահովում (360º Անվտանգություն) — Ճանապարհային անվտանգության փաթեթներ՝ ներառյալ սաղավարտներն ու ռեֆլեկտիվ բաճկոնները, որոնք հասանելի կլինեն բոլոր առաքիչներին Glovo Store-ի միջոցով, ինչպես նաև հեծանիվների և մոտոցիկլետների վերանորոգման կայանների հասանելիություն:
• Պրոակտիվ կառավարում –– Արդար և հասանելի բողոքարկման գործընթաց։ Համակարգը վավերացված է անկախ կազմակերպության կողմից: Ընդհանուր ցանցը թույլ կտա առաքիչներին մասնակցել հարթակի բարելավմանը և որոշումների կայացմանը։
• Աջակցություն առաքիչների համայնքին — Ձեռնարկատիրության, բիզնեսի կառավարման, ՏՏ հմտությունների կամ լեզուների անվճար դասընթացներ, որոնք կօգնեն առաքիչներին զարգացնել իրենց մասնագիտական հմտությունները և մասնագիտական աճ գրանցել: Արտակարգ իրավիճակների համար ներդրվել է ներծրագրային SOS կոճակը, իսկ ոտնձգությունները կանխելու համար՝ խտրականության դեմ քաղաքականությունը:
  
  Միջոցառման ընթացքում Glovo-ի ներկայացուցիչները կներկայացրեցին ծրագրի մանրամասները և պատասխանեցին ներկաների հարցերին։ Ծրագրի ներկայացման ավարտից հետո տեղի ունեցավ լավագույն առաքիչների պարգևատրումը։ Միջոցառման ավարտին հաջորդեց հաճելի հյուրասիրությունը Glovo-ի կողմից, որի ընթացքում մասնակիցները ծանոթացան միմյանց հետ և կիսվեցին կարևոր գաղափարներով։
  
  Glovo-ի մասին

Glovo-ն տեխնոլոգիական հարթակ է, որը թույլ է տալիս գնել, առաքել, փոխանցել ցանկացած իր կամ ապրանք քաղաքի ներսում: Ընկերությունը, որը հիմնադրվել է Բարսելոնայում, այսօր գործում է երեք մայրցամաքների 25 երկրների ավելի քան 1300 քաղաքներում՝ Եվրոպա, Կենտրոնական Ասիա, Աֆրիկա: Աշխարհում ավելի քան 5 միլիոն ակտիվ օգտատեր ամեն ամիս օգտվում է Glovo հարթակից, պատվերները առաքվում են ավելի քան 70 հազար սուրհանդակներով, իսկ ասոցիացված գործընկերների թիվը հասնում է 130 հազարի։ Ամեն ամիս Glovo հարթակի սուրհանդակները առաքում են ավելի քան 20 միլիոն պատվեր բոլոր երկրներում, որտեղ առկա է ծառայությունը: Glovo-ի մասին լրացուցիչ տեղեկությունների համար այցելեք՝ https://glovoapp.com/am/hy

Այս թեմայով Իտալիան հայտարարել է, որ երկիրը կարող է գայատևել առանց ռուսական գազի ՀՀ իշխանությունները հայտարարել են, որ Պուտինին չեն «ձերբակալի», եթե նա գա Հայաստան Մհեր Գրիգորյանը և ՎԶԵԲ-ի տարածաշրջանային տնօրենը քննարկել են Հայաստանում իրականացվող ծրագրերի ընթացքը Հայաստանում կրիպտոակտիվի գնումը և վաճառքը կիրականցվի բացառապես անկանխիկ եղանակով ՄԻԵԴ-ն ու ՄԱԿ-ը երբեք չեն հայտարարել, որ ՀՀ-ն «օկուպացրել է» Լեռնային Ղարաբաղը (տեսանյութ) Հայաստանում մարդկանց են խոշտանգում, տարածքներ հանձնում ձեզ չի՞ մտահոգում․ լրագրողը՝ գլխավոր դատախազին Հայաստանում համատարած է անհիմն կալանքների խնդիրը. կալանավորների մեծ մասը դատապարտյալ չէ. ՄԻՊ Հայաստանում Ֆրանսիայի դեսպան Օլիվիե Դըկոտինյին Հայոց ցեղասպանության տարելիցին նվիրված գրառում է արել Լիլիթ Մակունցը հանդիպել է Ռամսֆելդի կրթական ծրագրի մասնակիցների հետ Հայաստանում կարմրուկի լաբորատոր հաստատված դեպքերի թիվը հասել է 342-ի