Ռուստամ Բադասյանն ընտրվել է ՏՀԶԿ-ի Ասիայի նախաձեռնության համանախագահ

ՊԵԿ նախագահ Ռուստամ Բադասյանը Լիսաբոնում մասնակցում է Տնտեսական համագործակցության և զարգացման կազմակերպության Գլոբալ Ֆորումի Ասիայի նախաձեռնության 5-րդ տարեկան համաժողովին, որի ժամանակ ընտրվել է Ասիայի նախաձեռնության համանախագահ՝ առաջիկա երկու տարիների համար: Այս մասին նա տեղեկացրել է ֆեյսբուքյան իր էջում:

«2024 թվականի համանախագահությունն իրականացվելու է Հնդկաստանի ֆինանսների նախարարության եկամուտների վարչության քարտուղար Սանջայ Մալհոտրայի հետ:

Նախաձեռնության համանախագահ ընտրվելու կապակցությամբ մատնանշել եմ Հայաստանի առաջիկա համանախագահության շրջանակում նախանշվող առաջնահերթությունները, որոնք ներառում են նախաձեռնության անդամակցության հետագա ընդլայնումը և կարողությունների զարգացման հնարավորությունների ապահովումը։

Համանախագահության շրջանակում Պետական եկամուտների կոմիտեն նախատեսում է առաջիկա երկու տարիներին Հայաստանում իրագործել մի շարք միջազգային միջոցառումներ։ Ասիայի նախաձեռնության 6-րդ համաժողովը տեղի կունենա 2024 թվականի երկրորդ եռամսյակում՝ Երևանում:

Ասիայի նախաձեռնությունը ստեղծվել է 2022 թվականին Տնտեսական համագործակցության զարգացման կազմակերպության (ՏՀԶԿ) հարկման նպատակով թափանցիկության և տեղեկությունների փոխանակման գլոբալ ֆորումի հովանու ներքո՝ տեղեկությունների փոխանակման և թափանցիկության միջազգային ստանդարտների կիրառումը տարածաշրջանում էլ ավելի հասցեական դարձնելու նպատակով:

Նախաձեռնության նպատակն է հարմարեցված լուծումներ մշակելու միջոցով աջակցել տարածաշրջանի երկրներում հարկային թափանցիկության ՏՀԶԿ ստանդարտների տարածմանը։ Հայաստանն անդամակցում է գլոբալ ֆորումին 2015 թվականից»:

Այս թեմայով Շուրջ 2600 եզդի կանայք դեռ գերության մեջ են, ցեղասպանությունը շարունակվում է. Ռուստամ Բաքոյան Արմեն Ղազարյանն ընտրվել է CDCJ միգրացիայի հարցերով աշխատանքային խմբի անդամ Աննա Վարդապետյանը «Արի գյուղ, գյուղում կյանք կա» նախաձեռնության շրջանակում հանդիպել է Արարատի մարզի երեք բնակավայրերի աշակերտներին Պետեր Պելեգրինին ընտրվել է Սլովակիայի նախագահ Հայաստանը գնում է ժողովրդավարության ճանապարհով. Ռուստամ Բաքոյան Էլեն Ասատրյանն ընտրվել է Գլենդելի քաղաքապետ Տեղի ունեցավ Արցախի ժողովրդի կարիքների ապահովման նախաձեռնության կազմակերպած հանրահավաքը Հովիկ Շահնազարյանն ընտրվել է Դատավորների ընդհանուր ժողովի Էթիկայի և կարգապահական հարցերի հանձնաժողովի նախագահ Ազատության հրապարակում տեղի կունենա Արցախի ժողովրդի կարիքների ապահովման նախաձեռնության հանրահավաքը. Բեգլարյան «Արցախի ժողովրդի կարիքների ապահովման» նախաձեռնության բաց նամակը՝ կառավարությանը