Հեղափոխական պաշտոնյաների աշխատանքի ՕԳԳ-ն. Ռոմանոս Պետրոսյան

Շարունակելով ընթերցողների ուշադրությանը ներկայացնել հեղափոխական պաշտոնյաների աշխատանքի արդյունավետության վերլուծությունը` այսօր կանդրադառնանք ՊՎԾ ղեկավար Ռոմանոս Պետրոսյանին:

Փաշինյանի թիմակիցը այս պաշտոնը ստանձնել է 2021-ին և այս ընթացքում շատ է խոսվել այն մասին, որ վարչապետն այնքան էլ գոհ չէ Պետրոսյանի կատարած աշխատանքից: Բանն այն է, որ  նախորդ տարի ՊՎԾ-ն բավական պասիվ է եղել:  Ընդամենը  բացահայտվել են Երևանի քաղաքապետարանի նախկին պաշտոնատար անձանց կոզմից համայնքային հողերն օրենսդրության պահանջների խախտումներով օտարելու դեպքեր:  2022 թվականի առաջին եռամսյակում իրականացվել է ընդամենը 106 մշտադիտարկում և, բնականաբար, ոչ մի աղմկոտ բացահայտում դրանց չի հետևել: Բյուջետային հայտերի շուրջ հանրային քննարկումներ են տեղի ունեցել, Ռոմանոս Պետրոսյանը բազմաթիվ հարցազրույցներ է տվել: Փաշինյանի հրահանգով ՊՎԾ-ն ստուգումներ էր սկսել առողջապահության նախարարությունում, սակայն ամիսներ շարունակ որևէ նորություն և առաջխաղացում չի նշմարվում: Այսինքն՝ աղմկոտ բացահայտումների փոխարեն վարչապետին են զեկուցում շենքային պայմանների բարելավման և օրենսդրական նախաձեռնությունների մասին, մինչդեռ Փաշինյանի սպասելիքները, անշուշտ, ավելին էին:

Ռոմանոս Պետրոսյանը հայտնի է նաև իր ընդունած որոշումներով, որոնց սխալ լինելն արդյունքում ոչ միայն ինքն է ընդունել, այլ նաև դատարանը: Դիցուք՝ Վերաքննիչ դատարանը, Նարինե Բարսեղյանի նախագահությամբ,  մերժել է Պետական վերահսկողական ծառայության ղեկավարի պաշտոնը զբաղեցնող Ռոմանոս Պետրոսյանի բողոքը։ Վերջինս բողոքարկել էր առաջին ատյանի դատարանի վճիռը, որով ՇՄՆ «Արգելոցապարկային համալիր» ՊՈԱԿ-ի՝ աշխատանքից հեռացված տնօրեն Լևոն Գաբրիելյանը վերականգնվելու էր պաշտոնում, ստանալու էր միջին աշխատավարձը ողջ պարապուրդի ժամանակահատվածի համար։

Ամիսներ առաջ տեղեկություն տարածվեց, որ Լոռու մարզի դատախազության կողմից իր լիազորությունների շրջանակում 2021թ. դեկտեմբերին ուսումնասիրվել էին «Հայանտառ» ՊՈԱԿ Լոռու մարզի համապատասխան ստորաբաժանումների աշխատողների տվյալները: Պարզվել էր, որ զանազան անտառխախտումների և իրենց ծառայողական պարտականություններն անբարեխիղճ կատարելու, դրանով պետությանը վնասներ պատճառելու համար նախկինում դատապարտված կամ նույնպիսի արարքների համար որպես մեղադրյալ ներգրավված անձանց կողմից պաշտոնավարման պրակտիկան «Հայանտառ» ՊՈԱԿ-ի տարբեր մասնաճյուղերում շարունակվում է: Ընդ որում, այդպիսի անձինք զբաղեցնում են նաև անտառտնտեսության բարձր պաշտոններ: Ի դեպ, ՊՈԱԿ-ում ամիսներ առաջ ղեկավար էր Ռոմանոս Պետրոսյանի ազգական Պավել Ցուգունյանը: Նկատե՞լ է ՊՎԾ ղեկավարը այս բոլոր բացթողումները, կամ փորձե՞լ է ստուգումներ սկսել մի կառույցում, որն այն ժամանակ ղեկավարում էր իր ազգականը: 

Սակայն, անշուշտ, ՊՎԾ ղեկավարն իր պաշտոնում հասցրել է նաև որոշակի դրական քայլեր կատարել: Դիցուք՝ ամփոփվել են ՀՀ ՊՎԾ կողմից «Բարձրավոլտ էլեկտրացանցեր» ՓԲ ընկերությունում ուսումնասիրության արդյունքները. վերականգնվել է շուրջ 500 մլն ՀՀ դրամ: 2023 թվականի առաջին 4 ամիսների ընթացքում պետական կառավարման մարմիններում Պետական վերահսկողական ծառայության կողմից օրենքով իրեն վերապահված վերահսկողական լիազորությունների իրացման արդյունքներով՝ 27 միջնորդությունից նախաձեռնվել են թվով 21 քրեական վարույթներ, որոնցից 14-ը՝ Քննչական կոմիտեում, 7-ը՝ Հակակոռուպցիոն կոմիտեում:  ՀՀ պետական վերահսկողական ծառայությունում ամփոփվել են Ծառայության ղեկավարի հանձնարարականի հիման վրա ՀՀ առողջապահության ոլորտում գործող պետական ոչ առևտրային կազմակերպություններում և պետական մասնակցությամբ բաժնետիրական ընկերություններում տնօրենների թափուր հաստիքների` ՀՀ կառավարության կողմից սահմանված կարգավորումներին համապատասխան համալրման գործընթացի վերաբերյալ մշտադիտարկման արդյունքները: Մշտադիտարկմամբ արձանագրվել է, որ ՀՀ Գեղարքունիքի մարզում՝ 29, Կոտայքի մարզում՝ 29, Շիրակի մարզում՝ 13, Արարատի մարզում՝ 7, Տավուշի մարզում՝ 4, Լոռու մարզում՝ 3, Վայոց ձորի մարզում՝ 2, Արագածոտնի մարզում՝ 1 և Երևան քաղաքում՝ 11 առողջական հաստատություններում տնօրենների պաշտոնավարման իրավական հիմքերը չեն համապատասխանել ՀՀ կառավարության կողմից սահմանված իրավակարգավորումներին: Ռոմանոս Պետրոսյանի ղեկավարած կառույցը 60 միլիոն դրամի չարաշահում է հայտնաբերել նաև ՊՆ-ում:

Այս թեմայով Մա՛մ, պապան գնացել ա, որ մեր տունը պաշտպանի՞. Սուրեն Պետրոսյանի կինը՝ երեխաների հարցերի մասին (տեսանյութ) Դա չի խանգարելու ո՛չ մեր պայքարին, ո՛չ վճռականությանը․ Սուրեն Պետրոսյանն՝ իր ձերբակալության մասին (տեսանյութ) Սուրեն Պետրոսյանն ազատ արձակվեց (տեսանյութ) Կարծում ենք, որ Սուրեն Պետրոսյանը վաղը կլինի ազատության մեջ. փաստաբաններ (տեսանյութ) Սուրեն Պետրոսյանի աջակիցները հավաքվել են ՁՎՊ-ի դիմաց՝ իրենց աջակցությունը հայտնելու նրան Սուրեն Պետրոսյանին մտադիր են մեղադրել իբր խուլիգանություն կատարելու համար․ հայտարարություն Սուրեն Պետրոսյանից բացի բոլոր բերման ենթարկվածներն ազատ են արձակվել Բագրատաշենում ճանապարհ փակելիս ձերբակալվել է քաղաքագետ Սուրեն Պետրոսյանը Փաշինյանը գյուղապետերին կոնկրետ ասել է՝ փուլային տարբերակով ամբողջական հանձնելու եմ. Պետրոսյան Լևոն Տեր-Պետրոսյանն այսօր այցելել է բժշկական կենտրոն՝ պլանային հետազոտության