ՔՊ-ական պաշտոնյաների աշխատանքի ՕԳԳ-ն. Արամ Խաչատրյան

Շարունակելով ներկայացնել հեղափոխական պաշտոնյաների աշխատանքի արդյունավետությունը՝ այսօր կանդրադառնանք Լոռու մարզպետ Արամ Խաչատրյանի գործունեությունը;

Դիցուք՝  նոր էր մարզպետն ստանձնել պաշտոնը, երբ պարզ դարձավ, որ Փաշինյանի հրաժարականը պահանջելու համար աշխատանքից հեռացրել են Վանաձորի թիվ 3 պոլիկլինիկական հիվանդանոցի տնօրեն Արտակ Եդոյանին: Դա դուր չի եկել Խաչատրյանին, ով էլ որոշել է նման հրաման արձակել: Եղոյանն իր հերթին դատի է տվել մարզպետին:

Հաջորդ սկանդալը, որի կիզակետում հասցրել է այս կարճ ժամանակահատվածում հայտնվել մարզպետը, կապված էր Նիկոլ Փաշինյանի մարտիմեկյան երթին անձնուրացաբար մարդ հավաքելու հետ:  Այն, որ Լոռու մարզում գործի են դրվել լուրջ վարչական ռեսուրսներ և լծակներ, բազմաթիվ գրառումներ են ապացուցում, սակայն ինքը` մարզպետը, համարում է, որ ընդամենը մարդկանց հորդորել է մասնակցել այդ երթին:

Խաչատրյանի բախտը չի բերել նաև ընտրություններում արձանագրած արդյունքներով: Նախորդ ՏԻՄ ընտրություններում նա պարտվեց Վանաձորում և չկարողացավ ընտրվել համայնքապետի պաշտոնում: Այն ժամանակ էլ շատերի կարծիքով՝ մարզպետի գլխին մութ ամպեր էին կուտակվել: Մամուլը գրել էր, որ Խաչատրյանի՝ վանաձորյան ՏԻՄ ֆիասկոյից հետո նրա պաշտոնը զբաղեցնելու գլխավոր հավակնորդը պատգամավոր Արփի Դավոյանն է: Ինքը` Դավոյանը, հերքել էր, որ պատրաստվում է զբաղեցնել մարզպետի պաշտոնը, սակայն ինչպես ասում են՝ սա Հայաստանն է, և ոչինչ բացառել հնարավոր չէ: Խաչատրյանը չընտրվեց, սակայն վերջինիս ձախողումն էլ ավելի է մոտեցնում Դավոյանին մարզպետի պաշտոնին:

էկոլոգիական խնդիրների լուծման, բնապահպանության մասին հեքիաթներ պատմող իշխանությունների ներկայացուցիչ մարզպետն, ըստ էության, դեմ չէ նաև մարզում նոր հանքի շահագործմանը, սակայն վերջինիս հետ համաձայն չեն բնապահպան-ակտիվիստներն ու տեղի բնակիչները, ովքեր շարունակում են դեմ արտահայտվել հանքի շահագործմանը՝ կազմակերպելով տարբեր ակցիաներ, տապալելով հանրային լսումները: Ինչպես երևում է, Լոռու մարզպետ Արամ Խաչատրյանը որոշել է աչք փակել կառավարության որդեգրած առաջնահերթությունների վրա և առանց հանքի միակ մարզը նույնպես սկուտեղով մատուցել հանքատերերին։ Այս անգամ թիրախավորվել է Գոգարան, Շենավան, Սարահարթ բնակավայրերի լեռնային տարածքը, որն ընկնում է Սպիտակի և Ստեփանավանի միջև, այդ տարածքներում ցանկանում են իրականացնել ոսկի-բազմամետաղային օգտակար հանածոների երկրաբանահետախուզական աշխատանքներ։ Ընդ որում, համայնքների բնակիչներն անգամ տեղեկացված չեն եղել, որ իրենց քթի տակ մարզպետը որոշել է հանք բացել, առավել ևս տեղեկացված չեն եղել, որ այդ հարցի շուրջ հանրային քննարկումներ են կազմակերպվելու։ Հանրային քննարկման իրազեկումը կազմակերպվել է թերի և օրենքի խախտումով, քանի որ չի նշվել ո՛չ իրականացնող կազմակերպության անունը, ո՛չ փաստաթղթերին ծանոթանալու վայրն ու եղանակը: Իսկ ամենաաբսուրդայինն այս պատմության մեջ այն է, որ կառավարությունն այդ նույն տարածքում արդեն իսկ անտառներ տնկելու պայմանագիր է կնքել մեկ այլ ընկերության հետ։ Դիցուք՝ ՀՀ Տարածքային կառավարման և ենթակառուցվածքների նախարարի տեղակալ Վաչե Տերտերյանի նախաձեռնությամբ տեղի է ունեցել հանդիպում «Մայ Ֆորեսթ Արմենիա» բնապահպանական հասարակական կազմակերպության, «Էյ Թի Փի» բարեգործական հիմնադրամի և ՀՀ շրջակա միջավայրի նախարարության գործընկերների հետ: Հանդիպման նպատակն էր՝ ուղիներ գտնել օժանդակելու Հայաստանում նոր անտառային ծածկույթի ստեղծմանը հենց այն վայրում, որտեղ պատրաստվում են հանք շահագործել:

Միևնույն ժամանակ, պետք է արձանագրել նաև այն դրական քայլերը, որոնք կատարվել են մարզպետի կողմից: Դիցուք՝, մարզպետարանի աջակցությամբ «Ցավեր առանց սահմանի կազմակերպությունը» նախորդ տարի մարզի մի շարք բուժհիմնարկներում՝ Վանաձորի և Սպիտակի ԲԿ-ներում, Վանաձորի թիվ 2, թիվ 3, թիվ 5 համաբուժարաններում և Գուգարք բնակավայրի առողջության կենտրոնում հոգեբանական, պերինատալ ծառայություն է մատուցել ավելի քան 240 հղի կանանց: Կրկին մարզպետարանի ջանքերով, Սպիտակի բժշկական կենտրոնում Ճապոնիայի դեսպանատան Մարդկային անվտանգության ծրագրերի դրամաշնորհային աջակցության շրջանակում կնքվեց սարքավորումների ձեռքբերման պայմանագիր, ըստ որի՝ Ճապոնիայի դեսպանատան կողմից Սպիտակի ԲԿ-ին առաջիկայում կտրամադրվեն բժշկական կարևորագույն սարքավորումներ:

Այս թեմայով Համախմբվիր, հայ ժողովուրդ, քո զորությունը միասնականության մեջ է, մեզ միավորողը Հայաստանն է. Արամ Ա (տեսանյութ) Գիտեին ով եմ, բայց ուժով տարան բաժին ու դեռ իբր ճշտում են` ինչ հիմքով են բերման ենթարկել. Խաչատրյան (տեսանյութ) Անընդհատ զիջելով չէ, հիմա ադրբեջանցիները երգում-պարում են, նայե'ք էս ժողովրդի վիճակը. Տեր Արամ (տեսանյութ) Արամ Ա-ն արձագանքել է Էրդողանին Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Արամ Սարգսյա՜ն, Վազգենն է ազատագրել Ոսկեպարի տարածքները, օկուպա՞նտ էր, որ հիմա Նիկոլ ես պաշտպանում Պատերազմին կա՛ այլընտրանք, երկիրը կոլապսի մեջ է, ԱԺ-ում պետք է շատ արագ սկսվի անվստահության գործընթաց, Նիկոլին պետք է վռնդել. Արամ Օրբելյան Ով փորձում է ջնջել պատմական մեր հիշողությունը, անիծյալ պիտի լինի նրա ու նրա ընտանիքի անունն ու հիշատակը հավիտենապես. Արշակ արքեպիսկոպոս Խաչատրյան Մեր պաշտպանության հիմքերն այդ տեղամասերում քանդվում են. Տիրան Խաչատրյանը՝ գյուղերի հանձնման մասին (տեսանյութ) Ո՞վ է իրավունք տվել Տավուշում սահմանազատում իրականացնել ու ՀՀ ԶՈՒ-ն վերատեղակալե՞լ. Արթուր Խաչատրյան