ԿԽՄԿ-ի՝ Սյունիքում նախատեսված առաջնահերթությունները փոխվեցին արցախցիների բռնահանումից հետո

Սյունիքի մարզպետի տեղակալ Նարե Ղազարյանն ու խորհրդական Նվարդ Հարությունյանն այսօր հանդիպել են Կարմիր խաչի միջազգային կոմիտեի Գորիսի ենթապատվիրակության ղեկավար Մուհամեդ Խավցուկովին, ինչպես նաև ենթապատվիրակության այլ ու Հայկական ԿԽ ընկերության մարզային ներկայացուցիչներին։ Այս մասին հայտնում են մարզպետարանից։

«Պարոն Խավցուկովը նշեց, որ ավարտում է Հայաստանում իր աշխատանքն ու շնորհակալություն հայտնեց մարզային իշխանությանը՝ սերտ համագործակցության, համատեղ արդյունավետ աշխատանքի համար։ Նա ներկայացրեց նաև իրեն փոխարինելու եկած Ժելկո Լեժայային, որը կղեկավարի Գորիսի ենթապատվիրակությունը և որը ևս ներկա էր հանդիպմանը։

Պարոն Լեժայան վստահություն հայտնեց, որ այսուհետ ևս կազմակերպությունը կշարունակի մարզային իշխանության հետ փոխգործակցված աշխատանքը՝ Սյունիքում ծրագրեր իրականացնելիս։

Հանդիպման ընթացքում ամփոփվեցին անցնող 2023 թվականին ԿԽՄԿ-ի կողմից մարզում իրականացված ծրագրերը․ նշվեց, որ նախապես ծրագրված աշխատանքների առաջնահերթությունները փոխվեցին՝ կապված սեպտեմբերի վերջին ԼՂ-ից բռնի տեղահանված բնակիչների կարիքների հետ։

Նարե Ղազարյանը շնորհակալություն հայտնեց Մուհամեդ Խավցուկովին Սյունիքում կատարած աշխատանքի, ինչպես նաև կազմակերպությանը՝ Լեռնային Ղարաբաղից բռնի տեղահանված անձանց Սյունիքում ընդունելու և առաջնային կարիքները հոգալու գործընթացում ունեցած մեծ ներդրման համար։ Նա համոզմունք հայտնեց, որ Գորիսի ենթապատվիրակության նոր ղեկավարի հետ նույն արդյունավետությամբ կշարունակվի համագործակցությունը։

Պարոն Խավցուկովն ու գործընկերները ներկայացրեցին նաև այն առաջնահերթ ոլորտները, որոնք 2024թ․ Սյունիքում իրականացվելիք ծրագրերի հիմքում կլինեն։ Դրանք ուղղված կլինեն թե՛ հումանիտար խնդիրներին, թե՛ սահմանային բնակավայրերի զարգացմանը, թե՛ տեղահանվածներին աջակցելուն»,- ասվում է հաղորդագրությունում։

Այս թեմայով Վճռական քայլեր ձեռնարկեք Ռուբեն Վարդանյանի առողջական խնդիրների լուծման համար․ բաց նամակ ԿԽՄԿ-ին ԿԽՄԿ ուղեկցությամբ ԼՂ-ից Հայաստան է տեղափոխվել երկու անձ ԿԽՄԿ-ն տեսակցել է Բաքվում ապօրինի պահվող հայերին 62 ընտանիք դիմել է ՀՀ-ում ԿԽՄԿ-ին՝ անհայտ կորած հարազատներին գտնելու համար 2023թ, սեպտեմբեր-դեկտեմբեր ամիսներին ԿԽՄԿ-ն 3300 անհատական այցելություն և հեռախոսազանգ է ստացել ԿԽՄԿ-ն հրապարակել է պատերազմի կանոններով արգելված զենքերի ցանկը ԿԽՄԿ-ն այցելել է Ադրբեջանում պահվող հայ գերիներին Պատերազմը երեխաների համար ծանր հետևանքներ է թողնում․ ԿԽՄԿ Սեպտեմբեր-հոկտեմբեր ամիսներին Արցախից 220 աճյուն է տեղափոխվել Հայաստան ԿԽՄԿ-ն այցելել է Ադրբեջանի իշխանությունների կողմից ձերբակալված հայերին