Հեղափոխական պաշտոնյաների աշխատանքի ՕԳԳ-ն. Արկադի Փելեշյան

Շարունակելով ներկայացնել հեղափոխական պաշտոնյաների աշխատանքի արդյունավետությունը՝ այսօր կխոսենք Վանաձորի քաղաքապետ Արկադի Փելեշյանից:

ՏԻՄ ընտրություններից հետո Վանաձորում երկար ժամանակ չէր հաջողվում ավագանու նիստ գումարել արդեն մի քանի ամիս շարունակ, գումարված նիստերին էլ քվորում ապահովել հնարավոր չէր լինում, ինչի հետևանքով չէր հաստատվում համայնքի բյուջեն, արդեն տևական ժամանակ է՝ արգելափակված էին քաղաքի համար կարևոր նշանակության բազմաթիվ աշխատանքներ: Եվ ահա դեկտեմբերի 14-ին տեղի ունեցավ Վանաձոր համայնքի ավագանու արտահերթ նիստ, բյուջեն էլ երկար տվայտանքներից հետո վերջ ի վերջո հաստատվեց։

Սա, թերևս, Արկադի Փելեշյանի՝ Վանաձորի համայնքապետի ԺՊ-ի միակ ձեռքբերումն է: Եթե չհաշվենք, իհարկե, համայնքապետարանի գնումները: Համայնքապետարանի գնումների պլանն իրենից բավական ուշագրավ փաստաթուղթ է ներկայացնում: Դիցուք՝ նախորդ տարվա գնումների պլանով նախատեսվում էր գնել 824 հազար դրամի տպագրական ծառայություններ, 220 հազար դրամի ամրակ, 184 հազար դրամի ապակի լվանալու լաթ, 112 հազար դրամի զուգարանի թուղթ, 714 հազար դրամի բազկաթոռ, 640 հազար դրամի համակարգիչ, ամանօրյա միջոցառումների համար էլ շուրջ 3 միլիոն դրամ էր հատկացվել: Գնումների ողջ պլանին կարելի է ծանոթանալ այստեղ։

Համայնքապետարանը նաև գնման պայմանագիր է կնքել «ՈՍԿԵ ԱԳԱ ՍՊԸ»-ի հետ։

Մինչդեռ տվյալ ՍՊԸ-ն ընդամենը մեկ տարի առաջ հայտնվել էր ՊԵԿ ուշադրության կենտրոնում, վերջինիս տնօրենի նկատմամբ վարչական տուգանք  է կիրառվել։

Փելեշյանի՝ իր պաշտոնում իրականացրած դրական ծրագրերից կարելի է առանձնացնել այն, որ դիցուք՝ մեկնարկել են Տիգրան Մեծ պողոտայի և Սանկտ Պետերբուրգ փողոցի հիմնանորոգման աշխատանքները։ Երկու փողոցներում էլ այժմ ընթանում են մայթերի հիմնանորոգման աշխատանքներ։ Բացի այդ,  Վանաձորի ավագանու որոշմամբ՝ Թատերական հրապարակ 1/1 հասցեում գտնվող Սպայի տան զբաղեցրած հողատարածքը նվիրաբերվել է Հայաստանի Հանրապետությանը։ Այստեղ կտեղակայվի Թումո կենտրոնը՝ Թումո Վանաձորը։

Այս թեմայով Քաղաքացիները փակել են Գյումրի-Վանաձոր ճանապարհը Ապարանում բախվել են Վանաձոր-Երևան «ГАЗель»-ը, «Volkswagen»-ն ու «Lada»-ն. կա 7 վիրավոր Վարդանաշենցիկ փակել են Մարգարա-Վանաձոր ճանապարհը, պահանջում են Կառավարության ներկայացուցիչներին Ջրագծի վթար Վանաձոր-Ալավերդի ավտոճանապարհին «Վանաձոր» ՔԿՀ-ում բուժքույրը փորձել է բջջային հեռախոսներ և արգելված իրեր փոխանցել Գյումրի, Հրազդան և Վանաձոր քաղաքների մթնոլորտային օդում փոշու պարունակությունը Գնել Սանոսյանը դիտարկել է միջպետական ավտոճանապարհի Սպիտակ-Վանաձոր հատվածի ճանապարհաշինական աշխատանքների ընթացքը «Վանաձոր» քրեակատարողական հիմնարկի 17 ծառայողների նկատմամբ կիրառվել են կարգապահական տույժեր 2 զոհ, 7 վիրավոր. վթար Մարգարա-Վանաձոր-Տաշիր ճանապարհին Գազամատակարարման պլանային դադարեցում՝ Վանաձոր և Ալավերդի քաղաքներում, Գեղարքունիքի որոշ բնակավայրերում