Գողացել են պարեկային ծառայության ավտոմեքենաների համարանիշերը

Դեկտեմբերի 9-ին արտառոց դեպք է տեղի ունեցել Կոտայքի մարզում։ Ժամը 07։00-ի սահմաններում ՀՀ ներքին գործերի նախարարության ոստիկանության Կոտայքի մարզի գումարտակի պարեկները ծառայության ընթացքում նկատել են, որ Աբովյան քաղաքի Զորավար Անդրանիկի փողոցում գտնվող իրենց գումարտակի տեղակայման վայրում կայանված մոտ 7 ծառայողական ավտոմեքենաների հաշվառման համարանիշները գողացել են։

Այս մասին գրում է shamshyan.com-ը:

Պարզվել է, որ տարածքը ոստիկանության Կոտայքի բաժնի հսկողության տակ է, և այնտեղ կայանված 14 պարեկային ծառայության ավտոմեքենաներից 7-ի վրայից հանել են 1-ական , իսկ 1-ից՝ զույգ համարանիշները։

Կարճ ժամանակում ոստիկանության Կոտայքի բաժնի քրեական հետախուզության և համայնքային ոստիկանության բաժանմունքների ծառայողները պարզել են, որ հանցանքը կատարել է Երևանի բնակիչ 35-ամյա Էդուարդ Մարտիրոսյանը:

Նրան դեկտեմբերի 9-ին՝ ժամը 03։00-ի սահմաներում ՊԾ Կոտայքի գումարտակի պարեկները հայտնաբերել են Աբովյան քաղաքի Սևանի փողոցում գտնող «Օրիգինալ» սուպերմարկետի մոտ: Ավտոմեքենան տղամարդը վարել է ոչ սթափ (խմած) վիճակում, ինչից հետո նրա նկատմամբ կազմվել է ավտոմեքենան վարելու իրավունքից զրկման արձանագրություն, ապա նրա Opel-ը տեղափոխել են ոստիկանության Կոտայքի բաժնի պահպանվող հատուկ տարածք։

Որոշ ժամանակ անց Է․ Մարտիրոսյանը մոտեցել է պարեկների կողմից կայանված ծառայողական ավտոմեքենաներին և հանել համարանիշերը։ Մի քանիսը գցել է ավտոմեքենաների տակ, իսկ 4 հատը իր հետ տարել է։

Ժամերի ընթացքում ոստիկանության Կոտայքի բաժնի ծառայողները հայտնաբերել են նրան և պետական ունեցվածքի գողություն կատարելու անմիջականորեն ծագած հիմնավոր կասկածի առակության հիմքով դեկտեմբերի 9-ին տեղափոխել ոստիկանության Կոտայքի բաժին, որտեղից էլ ներկայացրել ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժին:

Դեպքի փաստով նախաձեռնվում է քրեական վարույթ։ Նրա մոտ հայտնաբերվել են նաև գողացված համարանիշերը։

Այս թեմայով Վայոց ձորում իրանական համարանիշերով բեռնատարը կողաշրջվել է Իրավախախտումները չարձանագրելու համար վարորդը պարեկներին փող էր առաջարկել Ներկայումս պարեկային ծառայության շարքերում հարյուրից ավելի կանայք կան․ պանելային քննարկում Տղամարդու ինքնազգացողությունը դրսում վատացել է․ նրա կյանքը փրկել չի հաջողվել Ինչպե՞ս խախտել իրավական ակտերը, կրճատել ուսումնառության ժամկետն ու դառնալ պարեկ․ Yerkir.am Սևանում 8 տարի ձուկ են բռնում, լողամիջոց չեն կարողանում վարեն, ամսում պարեկ ո՞նց եք վերապատրաստելու Պարեկ է ձերբակալվել՝ Կրիստալ տեսակի թմրանյութ վաճառելու գործով 2022 թվականի լավագույն պարեկ է ճանաչվել Մամիկոն Սահակյանը (տեսանյութ) Վանաձորում քարերով ջարդել են Պարեկային ծառայության Լոռու գումարտակի հրամանատարի Mitsubishi Montero-ն Պարեկին կաշառք տված քաղաքացիներից մեկի նկատմամբ քրեական հետապնդումը դադարեցվել է. նա զղջում է