Հեղափոխական պաշտոնյաների աշխատանքի ՕԳԳ-ն. Գեղամ Գևորգյան

Շարունակելով ներկայացնել հեղափոխական պաշտոնյաների աշխատանքի արդյունավետության մեր վերլուծությունը՝ այսօր կանդրադառնանք ՄՊՀ նախագահ Գեղամ Գևորգյանին:

Պաշտոնը ստանձնելով՝ Գևորգյանը  հայտարարեց, որ Հայաստանում մենաշնորհ չկա, կա գերիշխող դիրք, սակայն, վերջինիս դեմ էլ ՏՄՊՊՀ նախագահի պայքարը, եթե այդպիսին, իհարկե, ընդհանրապես կար, տապալվեց: Եվ դա ստիպված էր ընդունել ինքը՝ Գևորգյանը, իր իսկ տարածած հաշվետվություններում: Հիմնական շուկաներում, այնտեղ, որտեղ մշտապես նշմարելի են եղել  ներմուծող մի շարք օլիգարխների շահեր, փոփոխություններ տեղի չունեցան: Շուկաներում խաղացողների թվի ավելացումը, որը կառույցում ներկայացնում են իբրև մեծագույն ձեռքբերում, իրականում մեծագույն մանիպուլյացիա էր: Դիցուք՝ 2017-ի համեմատ՝ 2018-ին շաքարավազի շուկայի մասնակիցների թիվն ավելացել է ընդամենը 1-ով, ընդհանուր առմամբ, տեղի է ունեցել նաև մասնակիցների փոփոխություն: 2018-ին ներկրող ընկերութունների ցանկում ավելացել է «Ալեքս էնդ հոլդինգ» ՍՊԸ-ն, որը հիմնադրվել է անմիջապես իշխանափոխությունից հետո՝ 2018-ի մայիսի 22-ին: Իրավաբանական անձանց պետական ռեգիստրում որպես հիմնադիր գրված է Հրաչյա Շարոյանի անունը: Հետաքրքիր է, որ Շարոյանը բնակվում է Սամվել Ալեքսանյանի հարևանությամբ՝ Մալաթիա-Սեբաստիա վարչական շրջանի Ծերենց փողոցում:

Թեև ՄՊՀ նախագահը ինքը բազմիցս է հայտարարել, որ ամեն բան անելու է թափանցիկության ավելացման համար, այդ թվում՝ իր կառույցի աշխատանքներում, ՄՊՀ-ն որոշել է, որ հետհեղափոխական Հայաստանը չպետք է հրապարակայնացնի այն վարչական ակտերը, որոնք առնչվում են շուկայում խոշորացող ընկերությունների հետ, ինչի իրավունքը բացարձակապես չունի՝ թե՛ հանրային շահի դիտանկյունից, թե՛ տեղեկատվության ազատության մասին օրենքը խախտելու առումով: Սա հակասում է ՀՀ գործող բոլոր իրավական նորմերին՝ թաքցնել հասարակությունից՝ արդեն ուժի մեջ մտած գործարքի բոլոր մանրամասները: Նշենք, որ նույն խնդիրը կարող է ծագել ապահովագրումների, բանկերի և հանրային սպասարկման ցանկացած ոլորտում, ուստի փակ և գաղտնի պահել հասարակությունից ուղիղ իրեն առնչվող տեղեկատվությունը, ոչ մի ռացիոնալ հիմնավորում չունի, որքան էլ վարչապետին կամ մեզ «նորեկ չինովնիկները» փորձեն կերակրել «առևտրային գաղտնիք», «կոմերցիոն շահ» անհեթեթ ձևակերպումներով:

Մեկ այլ օրինակ՝ վերջին  շրջանում, երբ թանկացել էր բենզինը, քաղաքացիները բավական մեծ աղմուկ էին բարձրացրել: Սակայն, ուշագրավ է, որ ՄՊՀ-ն, որը պետք է զբաղվեր թանկացումները ուսումնասիրելով, դրանց պատճառները վերհանելով և մեղավորներին պատժելով, մտահոգվել է ոչ թե բենզինի գնի թանկացմամբ, այլ հակառակը: «Մենք, իհարկե, գիտենք, որ բենզինի գինը բարձրացել է, բայց մենք այստեղ այլ խնդիր ենք տեսնում։ Մենք կարծում ենք, որ Հայաստանում առկա բենզինի վաճառքի գները, մեր պատկերացմամբ, ավելի ցածր են, քան պետք է լինեն»,- օրերս Ազգային ժողովում հայտարարեց հանձնաժողովի նախագահ Գեղամ  Գևորգյանը։

Կասկածները հիմնավորելու համար նա բերում էր նաև Վրաստանի օրինակը, որտեղ բենզինն ավելի թանկ է, քան Հայաստանում։ Հայաստանում «ռեգուլյար» տիպի բենզինի գինը 330-370 դրամ է, Վրաստանում՝ 364-365 դրամ։ Հանձնաժողովն այս ամենի մեջ կասկածելի, նաև դեմպինգային երևույթներ էր տեսնում։ Իհարկե, ցանկացած դեպքում, դեմպինգը վատ երևույթ է շուկայի համար, որովհետև հետագայում դա շատ ավելի բացասական հետևանքների կարող է հանգեցնել։ Սակայն, եթե անգամ դա դեմպինգ է՝ արդյո՞ք Գեղամ Գևորգյանը և նրա ղեկավարած կառույցը նոր են նկատում այդ երևույթը, երբ ինչպես ասում են՝ բանը բանից անցել է: Առավելապես տպավորություն է ստեղծվում, որ ՄՊՀ նախագահը հերթական անգամ զբաղված է խոշոր բիզնեսի շահերը պաշտպանելով:

Միևնույն ժամանակ, ՄՊՀ-ը նախագահը, անշուշտ, աչքի է ընկել նաև որոշակի դրական քայլերով: Դիցուք՝ հասարակությունը մոլորեցնելու համար մի շարք ՍՊԸ-ներ պատժվել են: Պանրի և պանրային արտադրանքի շրջանառության ոլորտում իրականացված վերահսկողության արդյունքներով ՄՊՀ-ն հարուցել է վարույթ, որի շրջանակներում արձանագրվել է, որ «Իգիթ» սահմանափակ պատասխանատվությամբ ընկերության կողմից բուսական յուղի առկայությամբ ապրանքն իրացվել է որպես «Լոռի» տեսակի պանիր: Մեկ այլ օրինակ՝ Մրցակցության պաշտպանության հանձնաժողովն անհատ ձեռնարկատեր Ալիսա Հովակիմյանի և «Քաղաքային Հեծանիվներ» սահմանափակ պատասխանատվությամբ ընկերության նկատմամբ հարուցել է վարույթ հասարակության մոլորեցման դրսևորմամբ անբարեխիղճ մրցակցության հատկանիշների առերևույթ առկայության հիմքով:

Այս թեմայով Որ քաղմաս մտնում ես, Նիկոլ են հայհոյում, ինքը գիտի՝ ոստիկաններն իր հետ են. Գեղամ Մանուկյան (տեսանյութ) Մինչև այսօր չունենք Արցախի ցեղասպանությունը վկայող փաստաթուղթ. Գեղամ Ստեփանյան (տեսանյութ) Վայոց ձորում իրանական համարանիշերով բեռնատարը կողաշրջվել է Վերընտրվելու շնորհավորանքներն Ալիևն ընկալել է հայերի դեմ քաղաքականությունը շարունակելու եվրոպական մանդատ. Գևորգյան Սիրելի հայրենակից, խաբում են քեզ․ Գեղամ Մանուկյանը փակագծեր բացեց Բաքուն հայ գերիների հետ հարցազրույցներ էր հրապարկելու, ինչը չեղարկվեց. Գեղամ Ստեփանյան Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին Մեր ցավակցությունները փոխանցեցի ռուս ժողովրդին, մաղթեցի ուժ, կորով․ Գեղամ Մանուկյան Ախր ափսոս է պատմությունը, ափսոս է անցյալը․ Գեղամ Մանուկյանը՝ Արարատ Միրզոյանին Լինենք իրազեկ, որպես սպառողներ կայացնենք գրագետ որոշումներ. Գեղամ Գևորգյան