Հեղափոխական պաշտոնյաների աշխատանքի ՕԳԳ-ն. Վահե Հովհաննիսյան

Շարունակելով անդրադառնալ հեղափոխական պաշտոնյաների աշխատանքի արդյունավետությանը` այսօր կխոսենք ֆինանսների նախարար Վահե Հովհաննիսյանից:

Դիցուք՝ վերջին օրերին նախարարը հայտնվել էր ռեզոնանսային պատմության կիզակետում այն բանից հետո, երբ ԱԺ-ում հայտարարել էր, որ ԼՂ կառավարության և վերջինիս կողմից ստեղծված հիմնադրամների ԼՂ ֆիզիկական և իրավաբանական անձանց վերակառուցման ենթակա պարտավորությունները ՀՀ ֆինանսաբանկային համակարգի հանդեպ 2023 թվականի դեկտեմբերի 29-ի դրությամբ կազմել են շուրջ 315 մլրդ դրամ, որոնց գերակշիռ մասի սպասարկումը` ԼՂ-ի շուրջ ստեղծված իրավիճակով, անհնար է դարձել: Ասել է, թե նախարարը շեշտում էր, որ արցախցիները Հայաստանին հսկայական գումարներ են պարտք:

Նախարարությունը հայտնվեց քննադատության ալիքի տակ նաև այն բանից հետո, երբ հայտնի դարձավ, որ  Հայաստանում մի շարք ապրանքների ակցիզային հարկի դրույքաչափերը նույնպես կբարձրանան։ Ազգային ժողովը հունվարի 13-ի լիագումար նիստում առաջին ընթերցմամբ քննարկել էր ՀՀ Հարկային օրենսգրքում և Վարչական իրավախախտումների վերաբերյալ օրենսգրքում կատարվող փոփոխությունները և ընդունել դրանք:

Մեկ այլ օրինակ: Վերջերս կառավարությունում, հասարակության աչքից ու ականջից հեռու, մի որոշում են ընդունել, որով հաստատել են հարկային եկամուտների կառավարման ծրագիրը։ Այն վերաբերում է առաջիկա 3 տարիների հարկային քաղաքականությանը։ Կառավարությունը պատրաստվում է ընդլայնել հարկման բազան, կրճատել հարկային արտոնությունները, բարձացնել հարկային բեռը, վերանայել հարկերի ու պարտադիր վճարների քանակը։ Վերջինը, բնականաբար, վերաբերում է դրանց ավելացմանը։

Հարկերի կամ պարտադիր վճարների թվաքանակի ավելացման պարագայում էլ կառավարությունը դիտարկում է նոր հարկերի կամ պարտադիր վճարների ներմուծում։ Խոսքն առաջին հերթին վերաբերում է եկամուտների համընդհանուր հայտարարագրմանը։ Ըստ ֆիննախի՝ արդեն 2024թ. նախատեսվում է, որ այդ համակարգը կսկսի աշխատել. նախորդ տարվա եկամուտների հիման վրա կներկայացվեն եկամուտների հայտարարագրերը։ Ներկայացված հայտարարագրերի հիման վրա էլ ակնկալվում է հարկել մարդկանց եկամուտները։ Այդ թվում՝ այն եկամուտները, որոնք ստացվել են, ասենք, արտագնա աշխատանքի կամ օգնության տեսքով դրսից հարազատների կատարած փոխանցումների տեսքով։

Նախարարը, սակայն, աչքի է ընկել նաև կատարված դրական քայլերով: Մասնավորապես, նախարարության ջանքերով քննարկվել է կրթության ոլորտում ԵՄ բյուջետային աջակցության ավելացման հարցը: ՀՀ պետական բյուջեի եկամուտները կազմել են 1 տրիլիոն 895.4 մլրդ դրամ՝ նախորդ տարվա նույն ժամանակահատվածի համեմատ աճելով 14%-ով կամ 232.9 մլրդ դրամով: ՀՀ պետական բյուջեի ծախսերը կազմել են 1 տրիլիոն 914.4 մլրդ դրամ: Նախորդ տարվա նույն ժամանակահատվածի համեմատ պետական բյուջեի ծախսերն աճել են 14.3%-ով կամ 238.9 մլրդ դրամով:

Այս թեմայով Հասարակական կարգ ենք պահում, էսքանով բավարարվեք. ոստիկանապետ Արամ Հովհաննիսյան (տեսանյութ) Համակարգի պարագլուխներին կոչ եմ անում՝ «դասականի ասած» սթափվել ու խելքները գլուխները հավաքել․ Վահե Գրիգորյան Դուք փակեցիք դուռը հայրենիք ու պատիվ ունենալու հույսի ու հավատի առջև․ Վահե Սարգսյան Մի հատ Վահե Ղալումյանին հարցրեք՝ ինքն ինչ մասնագիտություն ունի. Բագրատ Սրբազան (տեսանյութ) Բագրատ Սրբազանը նոր զարթոնքի սկիզբ է դրել․ Վահե Սարգսյան Մենք ոչ թե նշաձող ենք իջեցրել, այլ հատակին ենք հասել. Րաֆֆի Հովհաննիսյան (տեսանյութ) Վահե Ղազարյան, մենք իրար լավ ենք ճանաչում. հրահրում եղավ, 1-ին պատասխանատուն Դուք ու Ձեր անմիջական ղեկավարն եք լինելու. Բագրատ Սրբազան (տեսանյութ) Եկեղեցին խառնվում է այն ժամանակ, երբ չկա պետություն կամ պետությունը պարտականությունները չի ապահովում. Հովհաննիսյան Նազենի Հովհաննիսյանի հարցազրույցը՝ Բագրատ Սրբազանի հետ (տեսանյութ) Նազենի Հովհաննիսյանը նույնպես Սոլակ գյուղում է (լուսանկար)