«Հրապարակ». ՔՊ-ական էլիտան Սեւանի կառավարական ամառանոցում խնջույք է արել

«Հրապարակ» թերթը գրում է. «Վերջին օրերի պաշտոնանկությունների ֆոնին ՔՊ-ում այլեւս կասկած չունեն, որ Նիկոլ Փաշինյանի գործերն անքննելի են։ Բանն այն է, որ տարեվերջյան հավաքույթի ժամանակ Փաշինյանն իրեն այնպես է պահել թիմի նկատմամբ, որ ոմանց մոտ տպավորություն է ստեղծվել, թե պաշտոնից զրկվածներից ոմանք առաջիկայում նոր` ավելի լավ պաշտոններ են ստանալու: Ջան են ասել` ջան լսել։

Դեկտեմբերի 23-ին ՔՊ-ական ողջ էլիտան հյուրընկալվել է Սեւանի կառավարական առանձնատանը եւ մինչեւ կեսգիշեր նախատոնական փարթի անցկացրել։ Հավաքին մասնակցել է նաեւ ՔՊ-ի ՀՀ նախագահ Վահագն Խաչատուրյանը: Ընդ որում, ներկա չեն եղել գլխավոր դատախազը, ՆԳ նախարարը եւ այլ անկուսակցականներ, եւ հավաքը զուտ ՔՊ-ական հավաք է եղել: Վահագն Խաչատուրյանի հետ ներկա է եղել նաեւ նրա հովանավորյալ՝ ԲՏԱ արդեն նախկին նախարար Ռոբերտ Խաչատրյանը, ով շուտով նախագահականում պաշտոն կստանա:

Փաշինյանն առանձնահատուկ հարգանքի է արժանացրել նախագահին՝ հատուկ խմելով նրա կենացը: Առհասարակ, լավ տրամադրություն է ունեցել` ոչ մի դգժոհություն չի հայտնել թիմակիցների հետ կապված, կառավարության որոշ անդամների, այդ թվում պաշտոնանկ ԲՏԱ նախարարի հասցեին գովեստի խոսքեր է ասել։

Որոշ ՔՊ-ականներ նաեւ ենթադրել են, որ իսկապես գնում են արտահերթ ընտրությունների, որտեղ ամեն մի ձայնը եւ ամեն մի ձայն բերողը կարեւոր են»:

Այս թեմայով «Նապոլին» ու «Ռոման» 2-ական գոլ փոխանակեցին (տեսանյութ) Հռոմի պապը կոչ է արել երիտասարդներին հրաժարվել հեռախոսներից Ավստրալիայի Լիբերալ կուսակցությունը երկրի ընդդիմության առաջնորդին կոչ է արել ճանաչել Հայոց ցեղասպանությունը «Հրապարակ». Գյուղից հետեւում են դիրքերի քանդմանը «Հրապարակ». Իշխանական թիմում էլ են սարսափում ադրբեջանցի «փախստականների» վերադարձի հեռանկարից Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան «Հրապարակ». Նիկոլից հիասթափվածների, Նիկոլ մերժողների և ատողների միջև չկա կոնսոլիդացիա «Հրապարակ». «Տարածվել ա, կարդացվել ա, բավարար ա, էլի». ո՞ւմ հորդորով են «զադնի դրել» «Հրապարակ». «Քարֆուրի» տերերը հեռանում են Հայաստանից «Հրապարակ». Գերիների հարցով կակտիվանան