«Փյունիկ»-ը ուսումնամարզական հավաք կանցկացնի Անթալիայում

Երևանի «Փյունիկը» ուսումնամարզական հավաք կանցկացնի թուրքական Անթալիա քաղաքում հունվարի 15-ից փետրվարի 15-ը՝ նախապատրաստվելով ընթացիկ մրցաշրջանի երկրորդ հատվածի մեկնարկին:

Այս մասին հայտնում է ակումբի մամուլի ծառայությունը: Հավաքի առաջին հատվածում Եղիշե Մելիքյանի մարզչական շտաբը շեշտը կդնի տեխնիկական ու ֆիզիկական պատրաստվածության վրա, իսկ երկրորդ հատվածում՝ տակտիկա-տեխնիկական պատրաստվածության վրա,  կանցկացնեն ստուգողական հանդիպումներ:

«Մենք շատ պատասխանատու ենք վերաբերվում հավաքներին, քանի որ դա այն է, ինչը թույլ կտա մեզ հետագայում պայքարել չեմպիոնության համար: Թուրքիային այլընտրանք չկա՝ թե՛ կազմակերպչական մակարդակով, թե՛ սպարինգ մրցակիցների, և թե՛այնտեղ առկա հնարավորությունների տեսանկյունից: Այնտեղ իրոք կա պրոֆեսիոնալ մոտեցում, ու առկա պայմանները լավագույնն են: Իրավիճակն այնպիսին է, որ այս հավաքից հետո մենք պատշաճ պայմաններ չենք ունենա մինչև մրցաշրջանի ավարտը պատրաստվելու համար և հիմա մեզ համար կարևոր է առավելագույն օգուտ քաղել»,-ասել է Արթուր Սողոմոնյանը՝ առաջիկա հավաքի մասին:

Երևանյան թիմը մեկնել է արձակուրդի՝ առաջնության առաջատարի կարգավիճակով ու այս տարվա առաջին պաշտոնական հանդիպումը կանցկացնի ընդդեմ «Արարատ-Արմենիայի»:

Այս թեմայով ՆԱՏՕ-ն հակաօդային պաշտպանության բարելավման նպատակով զորավարժություն կանցկացնի Հայաստանի ֆուտբոլի Մ-16 հավաքականը մարզական հավաք կանցկացնի ՄԱԿ-ի ԱԽ-ն հրատապ նիստ կանցկացնի Իրանի կողմից Իսրայելին հասցված հարվածների առնչությամբ ՈւՂԻՂ. Սա Ոսկեպարի խնդիրը չէ, սա ազգի գոյության խնդիր է. հավաք Ոսկեպարում ՀՀՄ կուսակցությունը երթ կանցկացնի Ոսկեպարում լարված վիճակ է, արգելում են հավաք անցկացնել Գործող քաղաքական համակարգի իրական այլընտրանքը․ «Միասնություն» շարժումը մեծ հավաք էր կազմակերպել Հայաստանի Մ-21 հավաքականը մարզական հավաք կանցկացնի Երիտասարդ բռնցքամարտիկները հավաք են անցկացնում Ծաղկաձորում Արարատ Միրզոյանն Անթալիայում հանդիպել է Մոզամբիկի արտաքին գործերի նախարարի հետ