Իսրայելը պետք է պաշտպանի հայ քրիստոնյաներին Երուսաղեմում տեղի ունեցող բռնություններից. Արմեն Սարգսյանի հոդվածը Haaretz-ում

Հայաստանի նախկին նախագահ Արմեն Սարգյանը իսրայելական Haaretz-ում հրապարակած հոդվածում գրել է, որ Երուսաղեմի հին քաղաքում, որտեղ ապրում է հայկական սփյուռքի ամենահին համայնքը, հողային վեճի շուրջ տեղի ունեցած բռնությունը կարող է սպառնալ հայկական թաղամասի ապագային։

«Երուսաղեմի հայ համայնքի անդամների դեմ վերջերս իրականացված լայնածավալ համակարգված հարձակումները լուրջ մտահոգությունների տեղիք են տալիս»,- նշել է Արմեն Սարգսյանը՝ հորդորելով Իսրայելի իշխանությունների անհապաղ միջամտությունը։ Նրա խոսքով, այդ հարձակումները ներառում են վանդալիզմ, գույքի ոչնչացումից մինչև ֆիզիկական բռնություն անմեղ մարդկանց նկատմամբ:

Իրավիճակի լրջությունն ընդգծվել է նաև Երուսաղեմի  Հայոց պատրիարքարանի տարածած հայտարարության մեջ, որտեղ նշվում էր, որ հայ հոգեւորականները «պայքարում են իրենց կյանքի համար», իսկ Հայկական թաղամասը՝ Երուսաղեմի հին քաղաքի չորս հատվածներից մեկը, կանգնած է «բռնի կորստի» վտանգի առջև: Հայ եկեղեցին իր առասպելական գանձով, հնություններով, տիրապետում է Երուսաղեմի քրիստոնեական սրբավայրերի մեկ երրորդին, իսկ քաղաքի Հայկական թաղամասն ունի հազարամյակների պատմություն։

«Ցավոք, այն, ինչ կատարվում է Հայկական թաղամասում և նրա շուրջ,  վտանգի տակ է դնում նաև Երուսաղեմի յուրահատուկ դիմագիծը: Դա պահանջում է իշխանությունների անհապաղ միջամտությունը։ Իսրայելը, որպես օրենքի գերակայության վրա հիմնված երկիր, պետք է արագ քայլեր ձեռնարկի հայ համայնքը, նրա պատմական ժառանգությունը և Երուսաղեմի եզակիությունը պաշտպանելու համար»,- ընդգծում է Արմեն Սարգսյանը:

Այս թեմայով Իրանական ողբերգության մեջ պետք չէ բացառել նաև ներքին գործոնը. Վահե Դավթյան Այս պահին ԻԻՀ-ն, փաստացիորեն, ՀՀ-ի անվտանգության երաշխավորն է․ ճիշտ կլինի` ՀՀ-ում մեկօրյա սուգ հայտարարվի․ Արմեն Այվազյան Ինչու է Արմեն Գրիգորյանը մեկնում Դոհա Ազգային փոքրամասնությունների իրավունքները պետք է լիարժեք պաշտպանված և խթանված լինեն Հայաստանում․ ՄԻՊ Մենք չենք. Իսրայելը հերքում է իր առնչությունը Իրանի նախագահի մահվանը Ոնց հասկանում եմ՝ Նոր Հաճնում ջրագողություն ա տեղի ունենում ինդուստիալ չափերի. Ավինյան (տեսանյութ) Երևանի Արցախի պողոտայից «Էրեբունի» ԲԿ տանող ճանապարհին տեղի է ունեցել ՃՏՊ. կան տուժածներ Տիկին Խանումի, Գոհարիկի արցունքները պետք է պատասխան ստանան․ սրա հետ չենք հաշտվի. Սրբազան (տեսանյութ) Շառլ Ազնավուրի ծննդյան 100-ամյակին նվիրված տոնական համերգ տեղի կունենա Երևանում Ակնկալում էինք, որ այդպես պետք է լինի. Սրբազանը՝ Կիրանցի մուտքը փակելու ու մարդկանց չթողնելու մասին (տեսանյութ)