Իրանի և Պակիստանի ԱԳ նախարարները հեռախոսազրույց են ունեցել

Իրանի և Պակիստանի արտգործնախարարները հեռախոսազրույց են ունեցել, Իրանի նախարար Հոսեյն Ամիր Աբդոլլահիանը հայտարարել է Իսլամաբադի հետ բարեկամական հարաբերությունների մասին, համագործակցության և շփումների շարունակության հույս հայտնել, ինչպես նաև ընդգծել, որ Թեհրանը հարգում է Պակիստանի ինքնիշխանությունն ու տարածքային ամբողջականությունը։

Նախորդ գիշեր Իրանի Իսլամական հեղափոխության պահապանների կորպուսը հայտարարել էր, որ բալիստիկ հրթիռով և անօդաչու թռչող սարքով հարձակվել է Իրանին սահմանակից Բելուջիստան նահանգում գտնվող «Ջեյշ ալ-Ադլ» ահաբեկչական խմբավորման հիմնական բազայի վրա։ Պակիստանը խստորեն դատապարտել էր Իրանի հարձակումը և չորեքշաբթի օրը հետ էր կանչել իր դեսպանին Թեհրանից՝ նաև նշելով, որ Իրանի դեսպանը նույնպես չի կարողանա շարունակել իր դիվանագիտական ​​առաքելությունը Իսլամաբադում:

«Ամիր Աբդոլլահյանն ընդգծել է Իրանի Իսլամական Հանրապետության հարգանքը բարեկամ, եղբայրական և հարևան Պակիստանի ինքնիշխանության և տարածքային ամբողջականության նկատմամբ»,- ասված է Իրանի ԱԳՆ-ի հաղորդագրության մեջ, որը հրապարակվել է իր Telegram–յան ալիքում։

Երկու երկրների արտգործնախարարները զրույցի ընթացքում խոստովանել են, որ Իրանի և Պակիստանի անվտանգությունը փոխկապակցված է։

Հոսեյն Ամիր Աբդոլլահիանն ասել է, որ Իրանի գործողության ընթացքում  Պակիստանի ոչ մի քաղաքացի հարձակման չի ենթարկվել, այն ուղղված է եղել միայն «Ջեյշ ալ-Ադլ» ահաբեկչական խմբավորման դեմ, որը, ըստ Թեհրանի, բազմիցս սպառնացել է Իրանի անվտանգությանը և նախկինում ստանձնել Իրանում տեղի ունեցած ահաբեկչությունների պատասխանատվությունը:

Այս թեմայով Հյուսիսային Կորեան պատվիրակություն է ուղարկել Իրան Իրանի նախագահ Էբրահիմ Ռաիսին ժամանել է Պակիստան Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ) Հայաստանի տարածքային ամբողջականությունը պետք է հարգվի, Իրանը դեմ է սահմանների փոփոխությանը․ դեսպան (տեսանյութ) Իրանը ցանկանում է ամրապնդել ռազմական համագործակցությունը Ռուսաստանի հետ ՄԱԿ-ի գլխավոր քարտուղարը դիմել է Իրանին և Իսրայելին ԱՄՆ-ն և Մեծ Բրիտանիան ընդլայնել են Իրանի դեմ պատժամիջոցները Իրանում հայտարարել են, որ պատրաստ են հարվածել Իսրայելի միջուկային կենտրոններին Իրանը Սիրիայից դուրս է բերում ԻՀՊԿ սպաների մի մասին՝ Իսրայելի հնարավոր հարվածի պատճառով Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում