Կինը բնակարան է վարձել և այնտեղ գաղտնի սենյակ հայտնաբերել

Ամերիկուհին Չիկագոյում բնակարան է վարձել և այնտեղ հայտնաբերել գաղտնի սենյակ։ Այս մասին գրում է Metro-ն։

Կանզաս Սիթիից Զենա Հաբաշին մայրիկի և զարմիկի հետ արձակուրդ է գնացել Չիկագո։ Նա բնակարան է վարձել նկուղային հարկում, սակայն գալով այնտեղ՝ սենյակներից մեկում հայտնաբերել է մի դուռ, որը տանում էր դեպի տարօրինակ, մութ սենյակ՝ հատակին շղթաներով և դռներով։ 

«Ես նկատեցի, որ տան ներսում կան բազմաթիվ դռներ, որոնք նշված չեն գովազդում: Քնելիս ես ու քույրս փակ սենյակներից մեկում լույս նկատեցինք։ Որոշեցինք փորձել բացել... Մեզ հաջողվեց բացել պատառաքաղի օգնությամբ։ Հենց այդ ժամանակ ես տեսա գաղտնի սենյակը…», - ասել է Հաբաշին: Աղջիկներն իրենց տեսածի մասին պատմել են մորը։

Նրանք վախից ամբողջ գիշեր չեն կարողացել քնել և մինչև առավոտ արթուն են մնացել։ Նշվում է, որ բացի այդ, նրանք ինչ-որ ձայներ են լսել։ Առավոտյան Հաբաշին որոշել է տեղափոխվել, սակայն մինչ այդ տեսանկարահանել է բնակարանը։ Այնուհետև նա տեսանյութը տեղադրել է TikTok-ում:

Հաբաշին կապվել է Airbnb-ի հետ, որի միջոցով էլ ամրագրել էր բնակարանը: Ընկերության ներկայացուցիչների խոսքով՝ նախկինում բնակարանի հետ կապված բողոքներ չեն եղել։ Նրանք նաև բացատրել են, որ հայտնաբերված սենյակը նկուղի մի մասն է, քանի որ բնակարանը գտնվում է կիսանկուղային հարկում։ Չնայած դրան՝ Հաբաշիի և նրա ընտանիքի համար գտել են նոր բնակարան և վերադարձրել նրանց ծախսած գումարը։

Այս թեմայով «Ժողովուրդ». Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը Հաշվին՝ 300 դոլար, փոքր բնակարան, ավտոմեքենան վաճառել է. Մոլդովայի նախագահի տարեկան հարկային հայտարարագիրը Արցախցուն ասում են՝ բնակարան գնի ոչ Երևանում, Ծաղկաձորում, Դիլիջանում, Աբովյանում ու Էջմիածնում Թուրքիայի և Ադրբեջանի քանի՞ քաղաքացի է բնակարան ձեռք բերել Հայաստանում 2023 թվականին Կառավարությունը մեկ տարով երկարաձգեց սահմանամերձ բնակավայրերում բնակարան կառուցելու ծրագիրը Դեկտեմբերի դրությամբ 3000 քաղաքացի հայտարարագիր է ներկայացրել եւ խոստովանել, որ վարձով բնակարան է տալիս Կինը 24 միլիոն ռուբլի արժողությամբ գրասենյակային թուղթ է գողացել ու այդ գումարով բնակարան գնել Հիփոթեքային վարկով աջակցում ենք զինվորականներին, որ բնակարան ձեռք բերեն. Փաշինյան Իշխանությունը մերժել է արցախցիներին հատկացնել գումար՝ մարզերում բնակարան գնելու համար «Ժողովուրդ». Արման Եղոյանը բնակարան ու ավտոտնակ է ժառանգություն ստացել